Jeremia 27:7 - Uwumbɔr aagbaŋ

⁷ Ŋitimbol mɔmɔk ga tun tii u, ki ga tun tii ujapɔɔn, ni uyaabil ki ti saa buyoonn waatimbol ga lir na. N‑yoonn ngbaan le waatimbol ga li tun tii ŋitimbol ni bibɔrkpaam bi kpa ipɔɔn na.

Jeremia 27:7 ပူးပေါင်းရင်းမြစ်များ

Ilahn 37:13

Le Uwumbɔr ma laa bibiindam, ba pu? u nyi ke naan yunn le bi kuln.

Aisaya 13:1

Amos aajapɔɔn Aisaya aah gaa Uwumbɔr chee Babiloŋ aanaŋ i na sɔ:

Aisaya 21:9

Libuul ngbaan ni, le bi nyan ni. Bijab jak itaan, ki dii tɔb bilelee. Ukikiir ngbaan tuk mi waah kan pu na, “Babiloŋ lir a. Baah nan dooni ŋiwaa ŋimɔk na lir kitiŋ ki wii a.”

Jeremia 27:22

Bi ga yoor li buen Babiloŋ aatiŋ ni ki ti saa n‑yoonn mu m ga fenn maalandak toŋ li wɔb na. Le m ga giin ni li ki nan di siin libuul lee ni. Min Uwumbɔr le len kina.”

Jeremia 34:1

Buyoonn Babiloŋ Aabɔr Nebukadnesar ni waajab, ki di kpee ŋitimbol ni ŋinibol ŋi mɔmɔk nan bi u taab na aajab, nan bi tak Jerusalem ni ntim mu bi gbɔk ki na, le Uwumbɔr nan ki len m chee tibɔr.

Jeremia 44:30

M ga di Ijipt Aabɔr Hofra tii waadim bi ban ke bi ku u na, ke maah di Juda Aabɔr Sedekia tii waadin Babiloŋ Aabɔr Nebukadnesar u nan ban ke u ku u pu na la.”

Jeremia 46:13

Babiloŋ Aabɔr Nebukadnesar aah nan dan nan tak Ijipt aatiŋ pu na, le Uwumbɔr nan len m chee tibɔr. U nan len ke,

Jeremia 52:31

Libiln li ponn ni Efil Merodak nan jin Babiloŋ aanaan na, u nan san Juda Aabɔr Jehoyachinn kinimbaak ki nyan u kiyondiik ni. Nimina nan ŋa baah nan chuu Jehoyachinn buen tinaagbiir ni pu na aabin piitaa ni lilolole aaŋmapiik ni ilee aawiin moninko ni iŋmu daal la.

Esekiel 30:24

N‑yoonn ngbaan le m ga cha Babiloŋ aabɔr aaŋaal pɔɔk, le m di kijaak aajuk ŋum u. Tɔ, m ga koo Ijipt aabɔr ma aaŋaal, le u ga li du iween pu ki ti kpo waadin aanimbiin ni.

Daniel 2:37

Mpɔɔndaan, sin le ye ubɔrkpaan u jer bibɔrb mɔmɔk na. Uwumbɔr u bi paacham na ŋa si ubɔrkpaan ki tii si kipak, ni mpɔɔn, ni liyimbil mu.

Habakuk 2:7

Libuul ngbaan ni le binib bi ye saapɔndam na ga fii sil. Bi ga finn ngeen pu, le ki cha ijawaan chuu si, le sin aabaa ga kpaln baapɔndaan.

Habakuk 2:8

Saah gaa ŋitimbol pam aawangol mpɔɔn pu pu na, kina le binib bi ŋmar na mu ga nan gaa saawangol; ba pu? aa ku binib pam ki kuln baatim ni binib bi mɔmɔk bi mu ni na.

Tibɔkpiirkaan 14:8

Uwumbɔr aatuun leler nan paan ni njan yoo na aapuwɔb ki len ke, “Kitisakpeŋ Babiloŋ lir a. Kitiŋ ngbaan le nan cha ŋinibol mɔmɔk aanib nyu ndapɔm gbii. Ndaan ngbaan le ye waadagook aakpeek. Nima le ki lir a.”

Tibɔkpiirkaan 16:19

Le kitisakpeŋ ngbaan aadir mɔmɔk yakr nfum mutaa ki lir kitiŋ. Ŋinibol mɔmɔk aatim mu lir kitiŋ a; ba pu? Uwumbɔr aa suln kitisakpeŋ Babiloŋ ngbaan aanib aatunwanbir bɔr, ki tii bi kiyikuuk ki gbii ndaan mu ye waaŋuul sakpen na, ki cha bi nyu.