Jeremia 27:6 - Uwumbɔr aagbaŋ

⁶ Min le di ŋitimbol ŋee mɔmɔk ŋa maatutunn Babiloŋ Aabɔr Nebukadnesar aapɔɔn ni, le ki cha ipeel mu tun tii u.

Jeremia 27:6 ပူးပေါင်းရင်းမြစ်များ

2 Bibɔrb 25:28

Efil‑Merodak nan san u kinimbaak ki tii u nsisii mu kpa kipak na ki jer bibɔrb bi mu nan bi Babiloŋ ni tinaagbiir ni na.

2 Bibɔrb Aabɔr 36:23

“Pesia aanaan Aabɔr Sairus le siin nkaal mue. Uwumbɔr u ye paacham Aadindaan na, uma le ŋa mi dulnyaa wee mɔmɔk aajojoor, le ki tii mi lituln ke m maa lidichal, Jerusalem aatiŋ ki bi Juda aatiŋ ni na tii u. Tɔ, ni mɔmɔk bi ye Uwumbɔr aanib na, li cha man nima, aan Nidindaan Uwumbɔr li bi ni chee.”

Aisaya 44:28

Le m ga bui ubɔrkpaan Sairus ke, ‘Sin le ga joo maanib; aa ga ŋa maah ban ke aa ŋa pu na: aa ga cha bi ki gir maa Jerusalem, ni Maadichal aadinyikl mu.’”

Jeremia 21:7

Sin ma kan, aa ni saaninkpiib, ni binib bi ŋmar butɔb, ni nkon, ni iween ngbaan ni na, m ga cha Ubɔr Nebukadnesar, ni nimi aadim bi ban bi ku nimi na chur nimi. Nebukadnesar ga ti ku nimi. Waan di cha ni ponn ni ubaa, kaan san ubaa kinimbaak. Min Uwumbɔr le len kina.”

Jeremia 22:25

m ba ga ŋmaar si tii binib bi ban bi ku si, aan aa san bi ijawaan na. M ga di si tii Ubɔr Nebukadnesar ni waajab la.

Jeremia 24:1

Uwumbɔr nan di tibɔɔkur tilee ti gbii ŋikakan na mɔk mi, Waadichal aabisamɔb chee. Ni nan ye n‑yoonn mu Babiloŋ Aabɔr Nebukadnesar nan chuu Juda Aabɔr Jehoyachinn, u aate nan ye Jehoyakim na, ni Juda aayidam, ni baawanŋab, ni binib bi nyi tiwan sakpen na tinaagbiir nyan Jerusalem aatiŋ ni, ki di buen Babiloŋ aatiŋ ni na aapuwɔb la.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 28:14

Uwumbɔr Mpɔɔnsakpiindaan, u ye Israel yaab Aawumbɔr na bui ke u ga di tikur aadɔ kina le leen ŋitimbol ŋee aasil ki cha bi li tun tii Babiloŋ Aabɔr Nebukadnesar. Uwumbɔr ki len ke u ga cha ipeel mu tun tii Nebukadnesar.”

Jeremia 43:10

ki bui bi ke min Uwumbɔr Mpɔɔnsakpiindaan, u ye Israel yaab Aawumbɔr na, ga cha maatutunn u ye Babiloŋ Aabɔr Nebukadnesar na dan do, u ga nan di waabɔrjal siin ŋitakpal ŋi aa di sub na pu, le ki taln nnaan aakekeln biin ŋi pu.

Jeremia 49:30

“Hasor aanib, min Uwumbɔr le sur nimi ke ni san buen dandar ki ti bɔr. Babiloŋ Aabɔr Nebukadnesar kpokl ni pu a; waah len pu na sɔ:

Esekiel 29:12

M ga cha Ijipt aatiŋ li ye kitikuun ki jer dulnyaa wee ni aatim mɔmɔk. Ijipt aatim ga doon nkuun ki ti saa ŋibin imonko ilee, ni ga li ye tilangbenkuun ki jer kitiŋ mɔmɔk. M ga ŋa Ijipt yaab bikusam. Bi ga yaa buen litingbaln mɔmɔk ni ki ti li koo nima chee aanib chee.”

Esekiel 30:24

N‑yoonn ngbaan le m ga cha Babiloŋ aabɔr aaŋaal pɔɔk, le m di kijaak aajuk ŋum u. Tɔ, m ga koo Ijipt aabɔr ma aaŋaal, le u ga li du iween pu ki ti kpo waadin aanimbiin ni.

Daniel 4:12

Bu aafar nan ŋan ki ti nyaŋ; le ki lu ŋisubil ŋi dulnyaa wee aanib mɔmɔk ga ŋmaa moo ŋi na. Ipeel nan doo bu aaboon ni ki fuur, le inyoon mu ter yaadil bu aabon pu, le unibɔn mɔk moo bu aasubil.