Jeremia 27:5 - Uwumbɔr aagbaŋ

⁵ “Maapɔɔnsakpiin pu le m naan dulnyaa wee, ni unibɔn, ni tiwakor ti mɔmɔk bi kitiŋ pu na; le ki joo ki tii unii umɔk m gee na.

Jeremia 27:5 ပူးပေါင်းရင်းမြစ်များ

Mpiin 1:25

Uwumbɔr nan naan tiwan ngbaan mɔmɔk, le waah nan kan nimɔk na, ni ŋan u chee.

Mpiin 9:6

Min Uwumbɔr naan unibɔn, ki di naŋ mbaa la, nima pu na, unii yaa ku uken kan, biken mu ga ku u.

Esra 1:2

“Pesia aanaan aabɔr Sairus le siin nkaal mue. Uwumbɔr u ye Paacham Aadindaan na le ŋa mi dulnyaa wee mɔmɔk aajojoor, le ki tii mi lituln ke m maa lidichal Jerusalem aatiŋ ki bi Juda aatiŋ ni na tii u.

Nehemia 9:22

Aa nan cha bi jan ki nyaŋ ŋinibol ni nnaan aabɔŋ mu bi baatiŋ aanaanmɔk na. Bi nan jan ki nyaŋ ubɔr Sihonn aatiŋ ki bi yin ki ke Hesbonn na, ni ubɔr Og aatiŋ, ki bi yin ki ke Basann na.

Ilahn 102:25

n‑yoonn mu jer na le aa nan naan kitiŋ, ki di aabaa aaŋaal naan paacham.

Ilahn 96:5

Ŋitimbol ŋiken na mɔmɔk aawaa po ye tiwan ni bi naan ni na la, le Uwumbɔr naan paacham.

Nnyam 20:11

Iwiin iloob le min Uwumbɔr di naan dulnyaa, ni kitaapaak, ni nnyusakpem, ni tiwan ni mɔmɔk bi ni ponn ni na, ki di winlole daal fuur. Nima pu le min Uwumbɔr ŋa tinyoor ŋa winlole daal pu ki ŋa mu chain.

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Aisaya 42:5

Uwumbɔr le nan naan kitaapaak ki daa taln ki; u nan naan kitiŋ ni nimɔk bi ki ponn ni na; Uma ubaa le tii binib mɔmɔk limɔfal, ni libuln li ti fuur na. Le dandana wee Tidindaan Uwumbɔr bui waatutunn ke,

Aisaya 44:24

“Min le ye Uwumbɔr u gaal nimi lir na. Min le naan nimi. Min le ye Uwumbɔr u naan tiwan mɔmɔk na. Min baanja le daa taln kitaapaak; maah nan naan kitiŋ kee na, ubaa aa nan ter mi.

Aisaya 45:12

Min le naan kitiŋ kee, le ki naan unibɔn ke u li bi ki pu. Mbaa aapɔɔn pu le m di daa taln kitaapaak; min le mɔk nwiin, ni uŋmal, ni iŋmabi naah ga ŋa pu na.

Aisaya 48:13

Maaŋaal le nan naan taab aatinyikl, ki daa taln kitaapaak. M yaa yin kitiŋ ni kitaapaak kan, ni choo mala le ki nan sil nnimbiin ni.

Aisaya 51:13

Ni suln Uwumbɔr u naan nimi na bɔr aa? Uma le nan daa taln kitaapaak, ki baan kitiŋ aatinyikl. Ba ŋa ni san ijawaan n‑yoonn mɔmɔk binib bi muk nimi na aaŋuul pu, ki san binib bi ban bi ku doo nimi na? Baaŋuul aan ki pii nimi daalbaadaal.

Jeremia 27:4

Uwumbɔr Mpɔɔnsakpiindaan, u ye Israel yaab Aawumbɔr na, nan tuk mi ke m tuk bi ke bi ti bui baabɔrb ke uma Uwumbɔr len ke,

Jeremia 32:17

“Ndindaan Uwumbɔr, aabaa aapɔɔn mu nyaŋ na le aa di naan taab ni kitaapaak; tiwan nibaa aa pɔɔ aa chee.

Jeremia 51:15

Uwumbɔr di waapɔɔn le naan kitiŋ kee, waalan le u di naan dulnyaa le ki daa taln kitaapaak.

Daniel 2:38

U ŋa si unibɔn aah bi nimɔk na aabɔr, ki tii si mpɔɔn tiwakor ni inyoon pu ke aa li lik ni. Sin le ye liyil li bi di salmaa naan li na.

Daniel 4:14

U nan teen mpɔɔn pu ki len ke, ‘Chuu gaa busub ngbaan lii man, ki gaa gii bu aabon; ki per bu aafar ki cha bu aasubil yaa. Jenn ipeel ngbaan bu taab ki fiin inyoon ngbaan bu aabon pu man.

Daniel 4:17

Uwumbɔr aatuuntiib bi gor bibaa ki lik mbamɔm na aalandak le na. Kina pu na, cha binib mɔmɔk dulnyaa wee mɔmɔk ni bee ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga ŋmaa di mu tii umɔk u gee na, hali unii u binib lik seen u na.’”

Daniel 4:25

Bi ga jenn nyan si binib chee, le aa ni ipeel ga ti li kpaan koo tɔb chee. Aa ga ŋmɔ timoor ke unaa na ki doo lipaal, nin chee limaln ga li lir aa pu na, ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na le kpa mpɔɔn unibɔn aanaan mɔmɔk pu, le ki ga ŋmaa di mu tii unii umɔk u gee na.

Daniel 5:18

“Uwumbɔr u kaa kpa ŋeen aatɔ na nan ŋa aate Nebukadnesar ubɔrkpaan, ki tii u liyimbil ni mpɔɔn.

Lituln 14:15

“Njɔtiib, ba pu ni ŋani kina? Ti po ye binibɔm ke naah ye pu na la. Ti dan ti nan tuk nimi tibɔnyaan la. Di cha man, ki taa ki dii ŋiwaa man. Ŋi ye fam la. Ni li dii Uwumbɔr u fu na. Uma le nan naan paacham ni kitiŋ, ni nnyusakpem, ni tiwan mɔmɔk.

Lituln 17:24

Uwumbɔr nan naan dulnyaa wee, ni tiwan nimɔk bi ni ponn ni na. Uma le ye paacham ni taab Aadindaan. Waa bi liwaal aadiik ni.

Lituln 17:26

Njan u nan naan uja ubaa, uma le ye ŋinibol mɔmɔk aayaaja. Uma Uwumbɔr le cha ŋinibol mɔmɔk bi dulnyaa wee mɔmɔk ponn ni. U nan siin n‑yoonn mu binib mɔmɔk ga li bi na, ki siin nin chee bi mɔmɔk ga li bi na.

Ikaal 2:19

Naan li daa Lot aayaabitiib, Amonn yaab aatiŋ. Ni taa muk bi, ki taa tak bi, ba pu? maah di kitiŋ ki tii bi na, maan ki di ki nibaa chee tii ni mu.’”

Ikaal 2:21

Bi nan fɔk ke Anak yaab na la. Bi nan ye linibol li wiir na la, le ki kpa mpɔɔn sakpen. Le Uwumbɔr nan tee kuln bi, ki di baatiŋ tii Amonn yaab, le bi kal nima chee.

Ikaal 2:7

“Ni teer man Nidindaan Uwumbɔr aah ŋa tinyoor ŋa ni pu nimi aatuln mɔmɔk ponn ni pu na. Naah nan chuun yiini nteersakpiin ponn ni pu na, le u kii nimi, ki joo nimi mbamɔm. Ŋibin imonko ilee ŋimina ponn ni, uma le joo nimi, le ni kan tiwan nimɔk ni ban na.

Ikaal 2:9

Le Uwumbɔr bui mi ke, ‘Taa muk Moab yaab, ki taa tak bi, Lot aayaabitiib le bi na. M di Ar aatiŋ le tii bi, le maan di baatiŋ nibaa chee tii nimi.’”

Ikaal 32:8

Uwumbɔr Mpɔɔnsakpiindaan le tii ŋinibol mɔmɔk baatim. Uma le nyan unii mɔmɔk aah ga kal nin chee na. Uma le siin ŋitimbol mɔmɔk aatim aanaanmɔk,

Ikaal 4:17

bee ki di naŋ tiwakor, bee unyoon,

Ikaal 4:25

“Hali ni yaa bi kitiŋ ngbaan ni ki ti saa n‑yoonn mu na, ki ma mbim ni yaabitiib kan, ni taa tun titunwanbir ki naan liwaal, ki di naŋ tiwan nibaa. Kina aatun aa ŋan Uwumbɔr chee, le ki ga cha u gee liŋuul ni pu.

Ikaal 4:32

“Ni baa n‑yoonn mu jer na aabɔr, n‑yoonn mu jer aan bi nin ma nimi na, buyoonn Uwumbɔr nan naan unibɔn dulnyaa wee ni na ki ti saa dandana na aabɔr. Ni baa dulnyaa aapepel mɔmɔk ni. Tiwansakpenn kina aaboln kee ŋa aa? Unii ubaa kee ŋun tiwan kina aaboln pu uu?

Ikaal 4:35

Uwumbɔr ubaa le mɔk nimi kina, ke u kpiir mɔk nimi ke uma Uwumbɔr baan baanja le bi, ubaa aa ki bi ki kpee u pu.

Ikaal 5:16

“‘Aa li pak aate ni aana, ke min Nidindaan Uwumbɔr aah bui si pu na, nima kan, tiwan mɔmɔk ga li ŋan tii si, aan aa li bi ki yunn, kitiŋ ki m ga di tii si na ni.

Ikaal 9:29

Ni ye mbamɔn ke binib bee le aa nyan bi ke bi li ye saanib, le ki di saapɔɔn sakpiin na nyan ni bi Ijipt aatiŋ ni.’

Kolosiya 1:16

ba pu? Uwumbɔr nan cha u naan tiwan mɔmɔk, ni bi paacham, ni ni bi kitiŋ na, ni taah waa ni na, ni taah kaa waa ni na; ni yaa ye nnaan, bee ipɔɔn, bee bitinjoob, bee tininkpir, uma le nan naan ni mɔmɔk ke ni li nyuŋni u.

Hiibru Yaab 1:2

Kookoo aayoonn mue le u cha Ujapɔɔn tuk timi waabɔr. Uma le u nan cha u naan dulnyaa wee, ki len ke uma le ga li yeh tiwan mɔmɔk.

Tibɔkpiirkaan 4:11

“Tidindaan Uwumbɔr, si le ŋeer ke ti pak si, ki nyuŋ si, ki ŋeer aa li kpa mpɔɔn; ba pu? si le naan tiwan mɔmɔk. Saageehn pu le aa nan naan tiwan mɔmɔk. Saageehn pu le ni mɔmɔk bi.”