Jeremia 27:4 - Uwumbɔr aagbaŋ

⁴ Uwumbɔr Mpɔɔnsakpiindaan, u ye Israel yaab Aawumbɔr na, nan tuk mi ke m tuk bi ke bi ti bui baabɔrb ke uma Uwumbɔr len ke,

Jeremia 27:4 ပူးပေါင်းရင်းမြစ်များ

Nnyam 5:1

Moses ni Aaronn nan buen Ijipt aabɔr chee le ki ti bui u ke, “Israel yaab Aadindaan Uwumbɔr bui ke, ‘Cha maanib buen, nima kan, bi ga ti ji njim mubaa kipɔɔk ni, ki nyuŋ mi.’”

Jeremia 10:10

Tɔ, sin Uwumbɔr le ye Uwumbɔr bamɔnn, sin le ye Uwumbɔr u bi na, le ki ye ubɔr u bi n‑yoonn mɔmɔk na. Saaŋuul yaa fii kan, dulnyaa deŋni la; ŋitimbol aan ŋmaa sil saaŋuul chee.

Jeremia 10:16

Uma Uwumbɔr u tiyaaja Jakob mu dii u na aa bi ke ŋima na; uma Uwumbɔr le naan tiwan mɔmɔk, le ki lee Israel yaab ke bi li ye uma ubaa aanib. Waayimbil le ye ke Uwumbɔr Mpɔɔnsakpiindaan.

Jeremia 25:27

Le Uwumbɔr ki bui mi ke, “Tuk binib ngbaan ke min, Uwumbɔr Mpɔɔnsakpiindaan, u ye Israel yaab Aawumbɔr na le bui bi ke bi nyu ki ti gbii ki li wulni, ki ti lir ki taa ki ŋmaa fii sil, butɔb bu m ga cha bu dan bi pu na pu.

Jeremia 27:3

Uwumbɔr nan ki bui mi ke m di inaŋ tii Edom, ni Moab, ni Amonn, ni Taya, ni Saidonn aaninkpiib bi dan Jerusalem ni ke bi nan kan Ubɔr Sedekia na, aan bi ti di i tii baabɔrb.

Jeremia 27:5

“Maapɔɔnsakpiin pu le m naan dulnyaa wee, ni unibɔn, ni tiwakor ti mɔmɔk bi kitiŋ pu na; le ki joo ki tii unii umɔk m gee na.

Jeremia 28:14

Uwumbɔr Mpɔɔnsakpiindaan, u ye Israel yaab Aawumbɔr na bui ke u ga di tikur aadɔ kina le leen ŋitimbol ŋee aasil ki cha bi li tun tii Babiloŋ Aabɔr Nebukadnesar. Uwumbɔr ki len ke u ga cha ipeel mu tun tii Nebukadnesar.”

Jeremia 51:19

Uma Uwumbɔr u tiyaaja Jakob nan dii u na aa bi kina; uma le naan tiwan mɔmɔk, le ki lee Israel yaab ke bi li ye uma ubaa aanib. Waayimbil le ye ke Uwumbɔr Mpɔɔnsakpiindaan.