Jeremia 27:22 - Uwumbɔr aagbaŋ

²² Bi ga yoor li buen Babiloŋ aatiŋ ni ki ti saa n‑yoonn mu m ga fenn maalandak toŋ li wɔb na. Le m ga giin ni li ki nan di siin libuul lee ni. Min Uwumbɔr le len kina.”

Jeremia 27:22 ပူးပေါင်းရင်းမြစ်များ

2 Bibɔrb 25:13

Babiloŋ yaab ngbaan nan gbaa wiil tikumann aajaatɔlk tiib, ni tɔroku tiib bi nan bi Uwumbɔr Aadichal ni na, ki kpee tikumann aakin na, le ki yoor tikumann ngbaan mɔmɔk buen Babiloŋ aatiŋ ni.

2 Bibɔrb Aabɔr 36:21

Kina pu na, Uwumbɔr aah nan cha waabɔnabr Jeremia len pu na gbiin ke, “Kitiŋ ngbaan ga doon nkuun ki ti saa ŋibin imonko itaa ni kipiik, ki teen Likpaakool daal aafuur li bi nan yii kaa kal fuur na.”

Esra 1:11

Ni mɔmɔk aah nan ti kpaan na, ni nan ye ŋichur ŋiŋmu ni ikui inaa, ki ye salmaa ni tikunabr aasambil, ni tiwanbankaan niken, le Sesbasar ni binib bi nan nyan tinaagbiir ni Babiloŋ ni na di gir kun Jerusalem ni.

Esra 7:19

Aa ti di ŋisambil ŋi bi di tii si ke bi li joo tun Uwumbɔr Aadichal ponn ni aatuln na, ŋa Uwumbɔr aaŋaal ni Jerusalem ni.

Ŋiyataŋak 21:30

Unibɔn aalan ni ichiin aan ŋmaa nyaŋ Uwumbɔr.

Jeremia 20:5

M ga ki cha baadim nan gaa kitiŋ kee aawangol mɔmɔk mpɔɔn, ki gaa kaawan mɔmɔk, ni ikpaakon, hali ki gaa Juda aabɔrb aawangol, ki di ni mɔmɔk buen Babiloŋ aatiŋ ni.

Jeremia 27:21

“Li pel man, min Uwumbɔr Mpɔɔnsakpiindaan, u ye Israel yaab Aawumbɔr na, aah kpa pu ki joo cha liwangol li gur ki bi Maadichal ni, ni nnaan aadichal ni, Jerusalem aatiŋ ni na:

Jeremia 27:7

Ŋitimbol mɔmɔk ga tun tii u, ki ga tun tii ujapɔɔn, ni uyaabil ki ti saa buyoonn waatimbol ga lir na. N‑yoonn ngbaan le waatimbol ga li tun tii ŋitimbol ni bibɔrkpaam bi kpa ipɔɔn na.

Jeremia 29:10

“Uwumbɔr ki len ke, ‘Babiloŋ aabin imonko itaa ni kipiik na yaa jer kan, m ga mɔk nimi maah neen nimi pu ki joo tipuur ti m nan puu ke m ga giin ni nimi nido na.

Jeremia 32:5

Bi ga di Sedekia buen Babiloŋ ni, le u ga ti gaar nima ki ti saa buyoonn m ga chiin u na. U yaa jan Babiloŋ yaab kijaak kan, waan ŋmaa nyaŋ bi. Min Uwumbɔr le len kina.”

Jeremia 34:2

Uwumbɔr u ye Israel yaab Aawumbɔr na, nan bui mi ke m ti tuk Juda Aabɔr Sedekia ke, “Min Uwumbɔr ga di kitiŋ kimina tii Babiloŋ aabɔr, le u see ki mmii.

Jeremia 34:3

Saan ŋmar; bi ga chuu si le ki di si tii u. Aanimbil ga kan u gbin gbin le aa ni uma len tɔb chee tibɔr; le bi di si buen Babiloŋ aatiŋ ni.

Jeremia 34:5

Aa ga kpo nsuudoon ni la, le binib aah nan seer tulalee aayon pu aan bi sub aayaajatiib bi nan puen ye bibɔrb na, kina le bi ga see tulalee aayon mmii ni tii aa mu. Bi ga wii saakpuul le ki bui ke, ‘Timi aabɔr kpo a.’ Min Uwumbɔr le len kina.”

Daniel 5:23

Aa tun Paacham Aadindaan tiwan ni kaa ŋan na, ki yoor tiyikur ni ŋisambil ŋi nyan ni Waadichal ni na; le sin, ni saaninyuum, ni aapuutiib, ni aabɔtiib nyun ndaan tiyikur ni ŋisambil ngbaan ponn ni, ki pak ŋiwaa ŋi bi di salmaa, ni tikunabr, ni tikumann, ni tikur, ni idɔ, ni ŋitakpal naan ŋi na, ŋiwaa ŋi kaa waa, kaa ŋun tibɔr, kaa nyi nibaa na, kaa tee nyuŋni Uwumbɔr u lik ke aa ga li bi, bee aa ga kpo, ki joo tiwan ni mɔmɔk aa ŋani na.

Daniel 9:2

Waah nan jin nnaan ngbaan na aajan aabiln ponn ni, le m nan bi bae Uwumbɔr aagbann ponn ni, ki dakl lik ŋibin imonko itaa ni kipiik ŋi ponn ni Jerusalem ga li bi libiil ni na. Uwumbɔr nan di libiil ngbaan aabɔr kpiir tuk waabɔnabr Jeremia la.