Jeremia 27:19 - Uwumbɔr aagbaŋ

^19-20 Tɔ, Ubɔr Nebukadnesar aah nan yoor Jehoyakim aajapɔɔn Jehoyachinn u nan ye Juda aabɔr na, ni Juda, ni Jerusalem aasalolm buen Babiloŋ aatiŋ ni na, waa nan yoor jaatɔlk mam, ni tikumann aakin, ni tɔroku mam, ni Uwumbɔr Aadichal ni aawangol ŋiken mu.

Jeremia 27:19 ပူးပေါင်းရင်းမြစ်များ

1 Bibɔrb 7:23

Huram nan naan nkinja mu bi likokoln na, mu aanyonyoon nan ye ŋitaa ŋilole ni ligeln, le nwawaan ye ŋitaa kipiik ni ŋiŋmu, le mu aah mann goln pu na ye ŋitaa imonko ilee ni ŋiŋmu.

1 Bibɔrb 7:27

Huram nan ki ŋa tikumann aatɔroku tiib kipiik; ubaa mɔk aafɔfɔk nan ye ŋitaa ŋiloob, le nwawaan mu ye ŋitaa ŋiloob, le ki paa paacham mu ŋitaa ŋinaa ni ligeln.

2 Bibɔrb 25:13

Babiloŋ yaab ngbaan nan gbaa wiil tikumann aajaatɔlk tiib, ni tɔroku tiib bi nan bi Uwumbɔr Aadichal ni na, ki kpee tikumann aakin na, le ki yoor tikumann ngbaan mɔmɔk buen Babiloŋ aatiŋ ni.

2 Bibɔrb 25:17

Jaatɔlk tiib bilee na nan naahn tɔb la: bimɔk aafɔfɔk nan ye ŋitaa moninko ni ŋilole, le bi naan tiwan nibaa tɔŋ bi mɔmɔk paab, le naafɔfɔk nan ye ŋitaa ŋinaa ni ligeln. Bi nan naan ŋisubinyaan mann goln ni. Bi nan di tikumann le naan ŋi mu.

2 Bibɔrb Aabɔr 36:18

Babiloŋ aabɔr nan yoor Uwumbɔr Aadichal aawan; u nan yoor Uwumbɔr Aadichal aamombil, ni ubɔr ni waaninkpiib aawangol, ki di ni mɔmɔk buen Babiloŋ aatiŋ ni.

Inandalahn 1:10

Kaadim nan sun kaawangol mɔmɔk; kaanib nan kan baah koo Uwumbɔr Aadichal ponn ni pu na. Uwumbɔr aa tii nsan ke binib bi kaa ye Israel yaab na koo nima chee.

Daniel 1:2

Uwumbɔr nan cha u nyaŋ Ubɔrkpaan Jehoyakim ki chuu u ki gaa Uwumbɔr Aadichal aawangol libaa ki di bi buen waawaa aadiik, Babiloŋ aatiŋ ni, ki di Uwumbɔr Aadichal aawan ngbaan di bil waawaa aawangol aadiik ni.