Jeremia 27:18 - Uwumbɔr aagbaŋ

¹⁸ Bi yaa sil ye maabɔnabr le ki kpa maabɔr kan, cha bi gaŋ min Uwumbɔr Mpɔɔnsakpiindaan ke m taa cha bi yoor liwangol li gur Maadichal ni, ni nnaan aadichal ni na buen Babiloŋ aatiŋ ni.”

Jeremia 27:18 ပူးပေါင်းရင်းမြစ်များ

Mpiin 20:17

Abimelek aah nan ban u gaa Abraham aapuu Sara pu na, le Uwumbɔr nan cha bipiib bi mɔmɔk bi Abimelek do lichiln ni na ŋa biŋoob. Nima pu na, Abraham nan mee Uwumbɔr tii Abimelek, le u cha u ni upuutiib, ni waanaagbiipiib pɔɔk, le bi ki piin ki ma mbim.

1 Bibɔrb 18:24

Le ni cha liwaal Baal aawaadam mee baawaal, aan m mu mee Uwumbɔr, aan udaan u kii ki cha mmii sunn ni na, uma le ye Uwumbɔr.” Le binib ngbaan kii ni kookoo jɔk jɔk.

1 Bibɔrb 18:26

Bi nan chuu unaaja u bi di tii bi na, ki toor u, le ki mee liwaal Baal nwiin ti kal sisik ni. Bi nan tar ke, “Liwaal Baal, kii timi aameel,” le ki waa liwaal mann kitork aabimbiln li bi maa siin na. Le nibaa aa ŋa.

2 Bibɔrb Aabɔr 32:20

Le Ubɔr Hesekia ni Amos aajapɔɔn Aisaya u nan ye Uwumbɔr aabɔnabr na nan mee Uwumbɔr ki wii ban nterm u chee.

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Jeremia 18:20

Tibir le bi joo pa tiŋann aa? Bi gbii libuul bil mi ke m nan lir li ponn ni. Teer maah nan dan aa chee ki nan gaŋ si bi pu ke aa taa daa bitafal saaŋuul ponn ni pu na.

Jeremia 42:2

le ki nan bui mi, “Ŋaanii ki ŋa taah bui si pu na. Mee Tidindaan Uwumbɔr tii timi. Mee limeel tii timi bi mɔmɔk ŋmar na. N‑yoonn mubaa ti nan ye binib bi wiir na la, tɔ, dandana ma kan, sin aabaa waa ke timi siib kina le gur.

Jeremia 7:16

Uwumbɔr bui ke, “Jeremia, taa mee limeel tii binib bee. Taa wii, ki taa mee limeel bi pu; taa gaŋni mi, ba pu? maan pel saameel.

Esekiel 14:14

Hali bijab bitaa na, Nowa, ni Danel, ni Job yaa ba koo nima chee kan, baabimbinyaan ba ga gaa bima bibaa aamɔfal baanja le lii.” Aadindaan Uwumbɔr le len kina.

Esekiel 22:30

M lik ke m kan unii u ga ŋmaa maa ligoln na, unii u ga ŋmaa sil nin chee ŋigon lir na, ki kiir kitiŋ ngbaan buyoonn maaŋuul ban li kuln ki na, tɔ, m mu aa ŋmaa kan ubaa.

Malakai 1:9

Tɔ, nimi bitotoorb, pɔɔn nibaa man ki mee Uwumbɔr ke u li kpa ti pu tiŋann. Waan kii nimi aameel, ba pu? ni tii u ipiin i kaa ŋan na la.

1 Samuel 12:19

le ki bui Samuel ke, “Timi aaninkpel, ti gaŋ si, mee Aadindaan Uwumbɔr tii timi, aan ti taa kpo. Dandana wee ti bee ke taah ki ban ubɔr pu na le ye titunwanbir, ki kpee timi aatunwanbir tiken mɔmɔk pu.”

1 Samuel 12:23

M ma kan, Uwumbɔr taa cha m tun titunwanbir ke maan ki mee u tii nimi. M ga mɔk nimi nsan mu ŋan ke ni dii mu na.

1 Samuel 7:8

le bi bui Samuel ke, “Li beenin mee Tidindaan Uwumbɔr aan u gaa timi Filistia yaab bee chee lii.”