Jeremia 26:3 - Uwumbɔr aagbaŋ

³ Nibaakan, binib ngbaan ga ŋun ki di cha baatunwanbir aabimbin. Bi yaa ŋun kan, m ga kpeln maalandak ki taa ki cha libiil li m ba ga joo ni bi pu, baabiin aatuln pu na, dan bi pu.”

Jeremia 26:3 ပူးပေါင်းရင်းမြစ်များ

1 Bibɔrb 21:27

Elaija aah nan len doo na, le Ahab daa kar kar waawanpeenkaan, ki chuu peer ni, le ki di tiwan ni saak kuub na peen, ki yii tijikaar, ki doo tiwanpeenkaan ngbaan ni, le usui bii, le u chuun lik gbilngbiln.

1 Bibɔrb 21:29

“Aa kan Ahab aah sunn ubaa taab nnimbiin ni pu na aa? Waah ŋa pu na, maan cha tibɔbir dan u pu buyoonn u laa fu na; ujapɔɔn aamɔfal ni, le m ga cha tibɔbir dan Ahab aadichal pu.”

Jeremia 26:13

Ni kpeln mbimbin mu ni bi mu ni na, ni tiwan ni ni ŋani na, ki kii Nidindaan Uwumbɔr aamɔb. Ni yaa ŋa kina kan, u ga kpeln waalandak ki taa ki cha libiil li u bui ke u ga joo ni ni pu na dan.

Jeremia 26:19

Ubɔr Hesekia ni Juda aanib aa nan ku Maika. Hesekia nan labr san Uwumbɔr le ki pɔɔn ubaa ke u kan lineen u chee. Le Uwumbɔr nan kpeln waalandak, kaa ki cha tibɔbir ti u nan bui ke ti ga dan bi pu na dan. Ti bi ban tibɔbir sakpenn le tii tibaa.”

Jeremia 36:3

Nibaakan, Juda aanib yaa ŋun libiil li mɔmɔk m ban m joo ni bi pu na kan, bi ga di cha baabimbin mu kaa ŋan na. Le m ga di baatunwanbir ni baabiin aatuln cha pinn bi.”

Jeremia 36:7

Nibaakan bi ga mee Uwumbɔr ki fenn bipuwɔb tii baatunwanbir, ba pu? Uwumbɔr aaŋuusakpeln ni, le u puu ke u ga daa bitafal pam.”

Esekiel 12:3

“Tɔ, unibɔn, buu ukusann aatuln, ki nya waahr aan nwiin nin lir. Cha unii mɔmɔk kan ke aa nyan ki cha nibaa chee la. Nibaakan bimɔyiib ngbaan ga kan si.

Esekiel 18:21

“Titunwanbirdaan yaa di cha titunwanbir aatum ki joo maakaal, ki yaa tun ni ŋan ki tok na kan, waan kpo; u ga sil li kpa limɔfal.

Hosea 11:9

Maan daa aatafal maaŋuul ponn ni; maan ki kuln Israel yaab, ba pu? M ye Uwumbɔr la, maa ye unibɔn. Min u bi chain na bi ni chee. Maan dan ni chee maaŋuul ponn ni.

Joel 2:14

Nibaakan, Nidindaan Uwumbɔr ga kpeln waalandak, ki ga ŋa waanyoor ŋa ni pu aan ni kan tijikaar sakpen. Le ni ga ŋmaa tii u njikaabim ni ndaan aapiin.

Jona 4:2

Le u mee Uwumbɔr ke, “Uwumbɔr, maah nan laa bi linampal na, m nan len ke kina le aa ga ŋa. Kina pu le m nan pɔɔn mbaa ke m san mala ki buen Speenn aatiŋ ni. M nyi ke aa ye Uwumbɔr u gee binib ki san bi kinimbaak na la, aa kpa limɔr n‑yoonn mɔmɔk, ki kpa tiŋann n‑yoonn mɔmɔk, ki ŋmaa kpelni saalandak kaa dar binib aatafal.