Jeremia 26:24 - Uwumbɔr aagbaŋ

²⁴ Tɔ, Safann aajapɔɔn Ahikam aah nan si nchaŋ ni na, le baa nan di mi tii binib ngbaan ke bi ku mi.

Jeremia 26:24 ပူးပေါင်းရင်းမြစ်များ

1 Bibɔrb 18:4

le n‑yoonn mu Jesebel nan bi ku Uwumbɔr aabɔnabtiib na, Obadia nan di bi ponn ni nkub ti bɔr titakpalunn tilee ponn ni. Piiŋmu piiŋmu le nan bi kitakpaluŋ ni, le u tii bi tijikaar ni nnyun.

2 Bibɔrb 25:22

Babiloŋ aatiŋ aabɔr Nebukadnesar nan di Ahikam aajapɔɔn Gedalia u aayaaja nan ye Safann na ŋa Juda aayidaan, le ki cha u joo Juda aanib bi mɔmɔk baa nan di bi buen Babiloŋ aatiŋ ni na.

2 Bibɔrb Aabɔr 34:20

le ki bui Hilkia, ni Safann aajapɔɔn Ahikam, ni Mikaya aajapɔɔn Abdonn, ni libɔrchiln ni aagbaŋmeer Safann, ni ubɔr aatutunn Asaya ke,

Jeremia 29:3

M nan di kigbaŋ ngbaan tii Safann aajapɔɔn Elasa, ni Hilkia aajapɔɔn Gemaria, bi Juda Aabɔr Sedekia nan tun bi Babiloŋ aatiŋ ni, Ubɔr Nebukadnesar chee na la. Kaabɔr sɔ:

Jeremia 36:10

Tɔ, buyoonn binib ngbaan nan bi pel suuna na, le Baruk karn tibɔr ti mɔmɔk m nan tuk u na kigbaŋ ngbaan ni. U nan bi Safann aajapɔɔn Gemaria, u ye Uwumbɔr Aadichal aachiln ni aagbaŋmeer na aadiik ni le ki karn ki. Waadiik nan bi paacham aachiln ni, Uwumbɔr Aadichal aabisamɔb mu bi yin mu ke Mbisamɔpɔɔn na chee la.

Jeremia 36:11

Gemaria, u aate nan ye Safann na aajapɔɔn Mikaya nan ŋun Baruk aah karn kigbaŋ ni, Uwumbɔr aah len pu na.

Jeremia 36:12

Le u fii buen libɔrdichal ni ki ti koo libɔrchiln aagbaŋmeer aadiik ni, nin chee bininkpiib ngbaan mɔmɔk nan ka na. Ubɔr aagbaŋmeer Elisama, ni Semaya aajapɔɔn Delaya, ni Akbor aajapɔɔn Elnatann, ni Safann aajapɔɔn Gemaria, ni Hanania aajapɔɔn Sedekia, ni bininkpiib biken na mɔmɔk nan bi nima.

Jeremia 36:19

Le bi bui u ke, “Ni ŋan ke aa ni Jeremia buen nibaa chee ti bɔr. Ni taa cha ubaa li nyi naah bɔr nin chee na.”

Jeremia 36:26

Le u bui waabo Jerameel, ni Asriel aajapɔɔn Seraya, ni Abdeel aajapɔɔn Selemia ke bi chuu m ni maagbaŋmeer Baruk. Tɔ, Uwumbɔr nan bɔr timi, baa ŋmaa kan timi.

Jeremia 39:14

nan ti nyan ni mi libɔrchiln ni. Bi nan di mi ŋa Gedalia, u aate ye Ahikam, aan uyaaja ye Safann na aaŋaal ni la, ke u li joo mi mbamɔm ti fuu linampal. Kina pu na, m nan gur koo maanib chee la.

Esekiel 8:11

Israel yaab aasalolm imonko itaa ni kipiik le nan ka nima; Safann aajapɔɔn Jaasania mu nan bi bi ni. Bi mɔmɔk ubaabaa nan ka joo baah joo nnyɔknii seer tiwan ni ponn ni na, le nnyɔknii aaŋmanyuu fii paacham.

Lituln 23:10

Le Farisii yaab ni Sajusii yaab kpak tɔb kinikpakpak sakpen, ki ŋma tijar. Le butɔb aajab aapol ngbaan dak ke bi ga chuu daa par Pɔɔl. Le u tuk waajab ke bi buen ti gaa ni Pɔɔl, ki nyan u bi chee, ki nan di u ŋa baadichal ni.

Lituln 27:43

Butɔb aajab aaninkpel aa nan ban ke bi ku Pɔɔl, nima pu le waa kii. U nan tuk bi ke binib bi ŋmaa wo nnyun na puen yuk lir nnyun ponn ni, ki wo buen nnyun aagbaan, ki ti nyan;

Tibɔkpiirkaan 12:16

Le kitiŋ ter upii ngbaan, ki waar kimɔb ki di nnyun mu nyan kipeewanbiik ngbaan aamɔb ni na nab, le mu aa ki pii upii ngbaan.