Jeremia 26:21 - Uwumbɔr aagbaŋ

²¹ Ubɔr Jehoyakim ni waajab, ni waaninkpiib aah ŋun Uria aah len pu na, le ubɔr ngbaan nan pɔɔn ubaa ke bi ku u. Uria nan ŋun ti pu, le ki di ijawaan san buen Ijipt aatiŋ ni.

Jeremia 26:21 ပူးပေါင်းရင်းမြစ်များ

1 Bibɔrb 18:10

Aadindaan Uwumbɔr u bi na aayimbil pu, m puu ke ubɔr cha ti tee mban ki ban si dulnyaa wee aatingbaln mɔmɔk ni. Ujojoor umɔk ti ti bui ke saa bi waatingbaln pu na kan, see u cha ujojoor ngbaan puu ke baa sil kan si nima.

2 Bibɔrb Aabɔr 16:10

Nimina nan cha Asa aaŋuul fii Uwumbɔr aabɔnabr ngbaan pu sakpen, le u cha bi baa u tikululn. N‑yoonn baan mue, le Asa nan piin ki ŋani binib ngem mbiin.

2 Bibɔrb Aabɔr 24:21

Ubɔr Joas nan kpee binib bibaa pu ke bi ku Sekaria, le uma ubɔr ngbaan cha bi yur ŋitakpal ku Sekaria, Uwumbɔr Aadichal aachiln ni.

Ilahn 119:109

M kii n‑yoonn mɔmɔk ke m di maamɔfal pa talmaa; maan suln saakaal.

Ŋiyataŋak 29:25

Aa yaa dii binib aah dak aa pu pu na kan, naa ŋan. Aa yaa tii Uwumbɔr naadii kan, le aa ŋmar.

Jeremia 26:10

Juda aatiŋ aayidam aah ŋun tiwan ni ŋa na pu, le bi san nyan ni nnaan aadichal ni, ki dan Uwumbɔr Aadichal chee, le ki ti kal baakakaa chee, mbisamɔb mu bi yin mu ke Mbisamɔpɔɔn na chee.

Jeremia 36:26

Le u bui waabo Jerameel, ni Asriel aajapɔɔn Seraya, ni Abdeel aajapɔɔn Selemia ke bi chuu m ni maagbaŋmeer Baruk. Tɔ, Uwumbɔr nan bɔr timi, baa ŋmaa kan timi.

Jeremia 38:4

Le bininkpiib ngbaan buen ubɔr chee ki ti len ke, “Ni ŋeer ke ti ku uja umina. Waah bi len pu na ga cha bijab bi bi kitiŋ kee ponn ni na aataakpab yɔl, u bi ŋani unii umɔk gur kitiŋ kee ponn ni na tiwanbaan ngbaan la. Waa ban ke u ter binib ngbaan, u ban u tii bi tibɔr la.”

Matiu 10:23

Bi yaa ŋa nimi falaa kitiŋ kibaa ni kan, ni san buen kitiŋ kiken ni. M tuk nimi mbamɔn la, buyoonn min Unibɔn Aabo ga nan gir ni na, naan kee bɔ dii Israel yaab aatim mɔmɔk ni, ki doo.

Matiu 10:28

Ni taa san binib ijawaan man. Bi ga ŋmaa ku nimi aawon baanja la. Baan ŋmaa ku nimi aawiin. Ni li san Uwumbɔr u ga ŋmaa bii tiwon ni nwiin mɔmɔk mmii mu kaan junn na ponn ni na.

Matiu 10:39

“Unii yaa kaa kii ke u kpo m pu kan, waamɔfal ga bee yɔli la. Unii yaa kpo m pu kan, u ga kan limɔfal li kaa kpa ndoon na.”

Matiu 14:5

Jɔnn aah nan len kina na, le Herod ban ke u ku u, le ki san Juu yaab ijawaan. Bi nan len ke Jɔnn ye Uwumbɔr aabɔnabr la.

Tibɔnyaan ti Mak ŋmee ti na 6:19

Nima pu le Herodias nan nann Jɔnn, ki ban u ku u, kaa ŋman;