Jeremia 26:20 - Uwumbɔr aagbaŋ

²⁰ Tɔ, uja ubaa mu ki bi, ki len Uwumbɔr aayimbil pu tibɔbir kitiŋ kee, ni litimbol lee pu, ke Jeremiah aah len pu na. U nan ye Semaya u nyan ni Kiriaf Jearim na aajapɔɔn Uria.

Jeremia 26:20 ပူးပေါင်းရင်းမြစ်များ

1 Bibɔrb 18:10

Aadindaan Uwumbɔr u bi na aayimbil pu, m puu ke ubɔr cha ti tee mban ki ban si dulnyaa wee aatingbaln mɔmɔk ni. Ujojoor umɔk ti ti bui ke saa bi waatingbaln pu na kan, see u cha ujojoor ngbaan puu ke baa sil kan si nima.

2 Bibɔrb 23:37

Jehoyakim nan dii uyaajatiib aasan le ki tun Uwumbɔr titunwanbir.

Jeremia 2:30

M daa nitafal, le naa ŋa nimi nibaa; naan kii ke m sur nimi. Ni ku maabɔnabtiib ke uchinn u aaŋuul fii na la.

Jeremia 36:19

Le bi bui u ke, “Ni ŋan ke aa ni Jeremia buen nibaa chee ti bɔr. Ni taa cha ubaa li nyi naah bɔr nin chee na.”

Josua 15:60

Ntim mu nan ki bi na le nan ye Kiriaf Baal ki bi ki yin ki ke Kiriaf Jearim na, ni Raba aatim: mu nan ti saa ntim mulee la, le ki kpee itingbaan i bi gbɔk mu na.

Josua 18:14

Kaanaanmɔk nan di kpaa niyayan, le ki fenn nyan ni lijool ngbaan aawilir wɔb ki di dii ŋŋangii wɔb, ki buen Kiriaf Baal, bee Kiriaf Jearim, ki nan ye Juda yaab aatiŋ la. Lipepel ngbaan le nan ye kitiŋ ngbaan aawilir wɔb.

Josua 9:17

Nima pu le Israel yaab nan fii ki cha binib ngbaan aatiŋ ni, le iwiin itaa daal bi fuu binib ngbaan aah bi nin chee na. Bi yin baatim ngbaan ke Gibeonn, ni Kefira, ni Beerof, ni Kiriaf Jearim.

1 Samuel 6:21

Le bi tun binib Kiriaf Jearim aanib chee ke bi ti len ke, “Filistia yaab di Uwumbɔr Aakaal Aadakaa giin ni. Dan ki nan yoor u man.”

1 Samuel 7:2

Uwumbɔr Aakaal Aadakaa nan yunn Kiriaf Jearim aatiŋ ni pam, u nan pii nima ŋibin moninko. N‑yoonn mue na, Israel yaab mɔmɔk nan wii ki ban nterm Uwumbɔr chee la.