Jeremia 26:2 - Uwumbɔr aagbaŋ

² le Uwumbɔr bui mi ke, “Sil Maadichal aachiln ni ki di maah bui si pu na moon tuk binib bi nyani Juda aatim ni ki nan dooni mi nima chee na. Taa nyan ti ponn ni tibaa lii.

Jeremia 26:2 ပူးပေါင်းရင်းမြစ်များ

Jeremia 1:17

Jeremia, gor ki buen ti bui bi maah bui si ke aa len pu na mɔmɔk. Taa san bi ijawaan dandana wee, naa ye kina kan, buyoonn aa bi bi chee na, le m ga cha ijawaan chuu si.

Jeremia 1:7

Le Uwumbɔr bui mi ke, “Taa bui ke aa par sakpen. Li cha maah tun si binib bi chee na, ki ti bui bi maah bui si ke aa len pu na mɔmɔk.

Jeremia 19:14

Le m nan siir Tofef, nin chee Uwumbɔr nan tun mi ke m ti moon waabɔr na. M nan buen Uwumbɔr Aadichal aachiln ni le ki ti bui binib ngbaan ke

Jeremia 23:28

Ubɔnabr u daŋ tidaŋ na, u bui ke ni ye tidaŋ la, tɔ, ubɔnabr u m di maabɔr tuk u na, u moon ti mbamɔm. Imuul ni timoor aa kpaa.

Jeremia 25:2

M nan bui Juda ni Jerusalem aanib mɔmɔk ke,

Jeremia 28:5

M nan bui Hanania ni bitotoorb, ni binib bi mɔmɔk nan si Uwumbɔr Aadichal ni na aanimbil ni ke:

Jeremia 36:10

Tɔ, buyoonn binib ngbaan nan bi pel suuna na, le Baruk karn tibɔr ti mɔmɔk m nan tuk u na kigbaŋ ngbaan ni. U nan bi Safann aajapɔɔn Gemaria, u ye Uwumbɔr Aadichal aachiln ni aagbaŋmeer na aadiik ni le ki karn ki. Waadiik nan bi paacham aachiln ni, Uwumbɔr Aadichal aabisamɔb mu bi yin mu ke Mbisamɔpɔɔn na chee la.

Jeremia 42:4

Le m gar bi ke, “Tɔ, ni ŋan. M ga mee Tidindaan Uwumbɔr naah len pu na, u yaa kpa timɔk ki len na kan, m ga di tuk nimi. Maan di tibaa bɔr nimi.”

Jeremia 7:27

“Kina pu na, Jeremia, aa ga di tibɔr timina mɔmɔk tuk maanib, le baan ŋun tii si, aa ga yin bi, le baan kii.

Esekiel 3:10

Uwumbɔr nan ki nab ke, “Unibɔn, pel suuna ki teer maah tuk si pu na mɔmɔk.

Esekiel 33:7

“Tɔ, unibɔn, m di si ŋa Israel aatimbol aakikiir la. Aa di nsakm mu m di tii si na nabr bi.

Esekiel 40:4

U nan bui mi ke, “Unibɔn, li lik. Li pel mbamɔm ki chuu tiwan ni mɔmɔk m ga mɔk si na ŋa aayil ni, ba pu? nima pu le m joo ni si. Aa ti tuk Israel yaab saah kan tiwan ni mɔmɔk na.”

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

Tibɔnyaan ti Luk ŋmee ti na 19:47

Iwiin mɔmɔk Yesu nan bi Uwumbɔr Aadichal ponn ni, ki tuk binib Uwumbɔr aabɔr. Le Uwumbɔr aatotoorninkpiib, ni Uwumbɔr aakaal aamɔmɔkb, ni Juu yaab aaninkpiib ka ki kpokl baah ga ŋa pu ki ku Yesu na,

Jɔnn 18:20

Le Yesu bui u, “N‑yoonn mɔmɔk, le m len binib mɔmɔk aanimbil ni, ki tuk bi Uwumbɔr aaliin, mmeen aadir ni, ni Uwumbɔr Aadichal ni, Juu yaab mɔmɔk aah kuuni nin chee na. Maa len tibɔr tibaa libɔɔl ni.

Jɔnn 8:2

Le ki woln kitaak kichakpinaanyeek ni, le u gir buen Uwumbɔr Aadichal ni. Le kinipaak kuun u chee, le u kal ki tuk bi Uwumbɔr aabɔr.

Lituln 20:20

M buen binib aah kuuni nin chee na, ki buen nido mu, ki tuk nimi Yesu aabɔr. M tuk nimi tibɔr timɔk ga ter nimi na, kaa gur tibaa.

Lituln 20:27

M tuk nimi Uwumbɔr aabɔr mɔmɔk, kaa gur tibaa.

Lituln 5:25

N‑yoonn ngbaan le unii ubaa koo ni, ki nan bui bi, “Lik, bijab bi ni di ŋa kiyondiik ni na bi Uwumbɔr Aadichal ni, ki bi tuk binib Yesu aabɔr.”

Lituln 5:42

Idaa mɔmɔk le bi chaa Uwumbɔr Aadichal ni, ni binib do, ki ti tuk binib Uwumbɔr aabɔr ki mooni tibɔnyaan tee, ke Yesu le ye Kristo u gaa binib lir na.

Ikaal 12:32

“Ni pɔɔn nibaa ki ŋa maah bui nimi pu na mɔmɔk, ni taa di tiwan nibaa kpee maah mɔk nimi pu na, ki mu taa nyan nibaa mu.

Ikaal 12:5

Nimi aanibol mɔmɔk aah ga kal nin chee na, Uwumbɔr ga nyan nibaa chee, le ni ga choo unimbiin ni, ki nan dooni u nima.

Ikaal 4:2

Ni taa di nibaa kpee ikaal ngbaan ni, ki taa nyan nibaa i ni. Ni kii tii Nidindaan Uwumbɔr aakaal i m joo tuk nimi na mbamɔm.

Josua 8:35

Josua nan karn Moses aakaal ngbaan mɔmɔk ki tii binib bimɔk nan kuun nima chee na, ki kpee bipiib, ni mbim, ni biwɔwɔm bi nan koo bi chee na mɔmɔk la.

Tibɔkpiirkaan 22:19

Unii ubaa yaa bar kigbaŋ kee aabɔr ti tuk timi tiwan ni ga ŋa na kan, Uwumbɔr aan cha u moo limɔfal aasubil, kaan cha u koo ni kitiŋ ki bi chain na ponn ni, tiwanyaan ni bi ŋmee kigbaŋ kee ponn ni na.