Jeremia 26:11 - Uwumbɔr aagbaŋ

¹¹ Le bitotoorb ni bibɔnabr nan bui biyidam ni binib ngbaan ke, “Uja wee ŋeer ke ti ku u, waah len tibɔr ti kitiŋ kee pu na pu. Nimi nibaa aatafal ŋun waah len pu na.”

Jeremia 26:11 ပူးပေါင်းရင်းမြစ်များ

Jeremia 18:23

Tɔ, Uwumbɔr, aa nyi baah kpokl pu ke bi ku mi na. Taa di baatunwanbir cha pinn bi, ki taa di cha baataani. Buyoonn saaŋuul fii na kan, mee bi lii ki nyaŋ bi.”

Jeremia 26:16

Le biyidam ni binib ngbaan bui bitotoorb ni bibɔnabr ngbaan ke, “Uja wee len ti chee tibɔr Tidindaan Uwumbɔr aayimbil pu la; naa ŋan ke ni ku u.”

Jeremia 38:4

Le bininkpiib ngbaan buen ubɔr chee ki ti len ke, “Ni ŋeer ke ti ku uja umina. Waah bi len pu na ga cha bijab bi bi kitiŋ kee ponn ni na aataakpab yɔl, u bi ŋani unii umɔk gur kitiŋ kee ponn ni na tiwanbaan ngbaan la. Waa ban ke u ter binib ngbaan, u ban u tii bi tibɔr la.”

Matiu 26:66

Ni dak kinye?” Le bi bui ke, “U ŋeer ti ku u la.”

Jɔnn 18:30

Le bi bui u, “Uja ngbaan yaa kaa ba ye bakadaan kan, taa ba ga chuu u ŋa aaŋaal ni.”

Jɔnn 19:7

Le bi bui u, “Ti kpa nkaal la. Nkaal ngbaan aah dii pu na, u ŋeer nkun; ba pu? u len ke u ye Uwumbɔr Aajapɔɔn la.”

Lituln 22:22

Pɔɔl aah len kina na, le kinipaak ngbaan aa ki pel. Le bi mɔmɔk teen mpɔɔn pu, “Ku u man. Naa ŋan ke u ki li bi dulnyaa wee ni.”

Ikaal 18:20

Ubɔnabr umɔk di maayimbil len tibɔr ti maa tuk u na kan, ni ku u kina pu. Le ubɔnabr u mu di ŋiwaa aayimbil len tibɔr na, ni ku u kina pu.’

Bibɔjirb 6:30

Le bi bui Joas ke, “Nyan ni aajapɔɔn do, aan ti nan ku u. U ber liwaal Baal aatork aabimbiln, ki gaar geei Asera aanaŋ ki si gbɔk li na.”