Jeremia 26:10 - Uwumbɔr aagbaŋ

¹⁰ Juda aatiŋ aayidam aah ŋun tiwan ni ŋa na pu, le bi san nyan ni nnaan aadichal ni, ki dan Uwumbɔr Aadichal chee, le ki ti kal baakakaa chee, mbisamɔb mu bi yin mu ke Mbisamɔpɔɔn na chee.

Jeremia 26:10 ပူးပေါင်းရင်းမြစ်များ

2 Bibɔrb 15:35

Tɔ, waa nan ber baah dooni ŋiwaa nin chee na, le binib nan beenin toor kitork ki seer nnyɔknii nima chee. Jotam le nan ŋa Uwumbɔr Aadichal Aaŋangan wɔb Aabisamɔb na.

2 Bibɔrb Aabɔr 27:3

Jotam le nan maa Uwumbɔr Aadichal aabisamɔb mu bi yin mu ke Ŋŋangan Aabisamɔb na, le ki moo toor kitiŋ ngbaan aagoln Jerusalem aapepel liwɔb bi yin li ke Ofel na.

Jeremia 20:2

le u bui ke bi gbaa mi, ki di tikululn baa mi kaan mbisamɔb mu bi Uwumbɔr Aadichal chee, aan bi yin mu ke Benjaminn Aabisamɔb na.

Jeremia 26:21

Ubɔr Jehoyakim ni waajab, ni waaninkpiib aah ŋun Uria aah len pu na, le ubɔr ngbaan nan pɔɔn ubaa ke bi ku u. Uria nan ŋun ti pu, le ki di ijawaan san buen Ijipt aatiŋ ni.

Jeremia 26:24

Tɔ, Safann aajapɔɔn Ahikam aah nan si nchaŋ ni na, le baa nan di mi tii binib ngbaan ke bi ku mi.

Jeremia 34:10

Binib ngbaan mɔmɔk ni baayidam nan kii ke bi di baanaagbiib lii ki taa ki gir chuu bi. Bi nan sil di bi lii,

Jeremia 36:10

Tɔ, buyoonn binib ngbaan nan bi pel suuna na, le Baruk karn tibɔr ti mɔmɔk m nan tuk u na kigbaŋ ngbaan ni. U nan bi Safann aajapɔɔn Gemaria, u ye Uwumbɔr Aadichal aachiln ni aagbaŋmeer na aadiik ni le ki karn ki. Waadiik nan bi paacham aachiln ni, Uwumbɔr Aadichal aabisamɔb mu bi yin mu ke Mbisamɔpɔɔn na chee la.

Jeremia 36:25

Elnatann, ni Delaya, ni Gemaria ma nan gaŋ ubɔr ke u taa cha kigbaŋ ngbaan wu mmii, u mu aa nan koi gar bi.

Esekiel 22:27

Kitiŋ aaninkpiib naahn takɔ tiib la, le ki dar par baah ku tinann ti na. Bi ku binib le ke bi kan ŋimombil.

Esekiel 22:6

Israel yaab aasalolm mɔmɔk nan dak ke bibaa aapɔɔn pu le bi bi, le ki ku binib.