Jeremia 25:9 - Uwumbɔr aagbaŋ

⁹ ‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 25:9 ပူးပေါင်းရင်းမြစ်များ

2 Bibɔrb 24:2

Uwumbɔr nan cha Babiloŋ aajab, ni Siria aajab, ni Moab aajab, ni Amonn aajab dan ki nan tak Jehoyakim le ki kuln Juda aatiŋ. Ni nan ŋa ke Uwumbɔr aah nan cha waatutum bi ye waabɔnabtiib na len ke u ga ŋa pu na la.

2 Bibɔrb Aabɔr 29:8

Nima pu le Uwumbɔr gee liŋuul Juda ni Jerusalem pu, le waah ŋa bi tiwan ni na cha ijawaan chuu unii mɔk ki yuk bipobil. Ni nyi nimina mɔmɔk.

2 Bibɔrb Aabɔr 36:21

Kina pu na, Uwumbɔr aah nan cha waabɔnabr Jeremia len pu na gbiin ke, “Kitiŋ ngbaan ga doon nkuun ki ti saa ŋibin imonko itaa ni kipiik, ki teen Likpaakool daal aafuur li bi nan yii kaa kal fuur na.”

Ŋiyataŋak 21:1

Uwumbɔr aah mɔk ubɔr aalandak ke i tun pu na, ni waah mɔk nkpen mu aah ga dii pu na aa pɔɔ u chee kpala.

Aisaya 10:5

Uwumbɔr len ke, “Asiria, maaŋuul yaa ti fii unii u pu na, m joo sin Asiria le gbaa u ke baah joo lichakukul jaa kijaak pu na.

Aisaya 13:3

Uwumbɔr yin waatɔb aajab bi kpa kigaak ki nyi bibaa pu na ke bi nan jan mbamɔn aajaak ki daa waah gee binib bi pu liŋuul na aatafal.

Aisaya 39:7

Bi ga nan yoor sin aabaa aayaabitiib bibaa di buen Babiloŋ aatiŋ ni, aan ki ti lee bi, aan bi li tun lituln ubɔrkpaan ngbaan aadichal ni.’”

Aisaya 44:28

Le m ga bui ubɔrkpaan Sairus ke, ‘Sin le ga joo maanib; aa ga ŋa maah ban ke aa ŋa pu na: aa ga cha bi ki gir maa Jerusalem, ni Maadichal aadinyikl mu.’”

Jeremia 1:14

Le u nan bui mi ke, “Libiil le bi ŋŋangan wɔb ki kpinni kina choo binib bi mɔmɔk bi kitiŋ kee pu na,

Jeremia 1:15

ba pu? m bi yin ŋitimbol ŋi bi ŋŋangan wɔb na ke ŋi dan la. Ŋaabɔrb ga di baabɔrjal siin Jerusalem aabisamɔi chee, ki siin mann goln kaagon, ki siin mann goln Juda aatim muken na mu.

Jeremia 10:22

Li pel man. Tibɔchann fuu ni a. Kinikpakpak sakpeŋ fii ŋŋangan wɔb aatimbol ni; laajab ga cha Juda aatim mɔmɔk kpaln nteersakpiin nin chee ikakal koo na.”

Jeremia 12:14

Uwumbɔr nan bui ke, “M kpa tibɔr tibaa m tuk binib bi ka maanib Israel yaab chee aan ki kuln kitiŋ ki m nan di tii bima Israel yaab na. M ga nyan bibiindam ngbaan baatim ni ke baah chuu ŋɔb busub pu na la, le ki gaa Juda aanib bi chee lii.

Jeremia 18:16

Bi cha kitiŋ kee kpaln ijawaan aawan la, le binib mɔmɔk ga li lik bi fam n‑yoonn mɔmɔk. Unii umɔk jer nima na aasui ga yuk, waah ga kan tiwan ni na pu; bi ga li gbakr biyil iwaan pu.

Jeremia 2:15

Bi ŋuuni bi pu ke ichinn na la; bi cha baatiŋ kpaln nteersakpiin, le baatim kpaln tilangbenn, ubaa aa ki bi mu ponn ni.

Jeremia 20:4

Uwumbɔr ubaa le len ke, ‘M ban m cha aa li ye ijawaan aawan ki tii sin aabaa ni aajɔtiib la, le baadim ga di kijaak aajum ku bi aanimbil ni. M ga di Juda aanib mɔmɔk di ŋa Babiloŋ aabɔr aapɔɔn ni; u ga chur bibaa tinaagbiir buen waatiŋ pu, le ki ku biken mu.

Jeremia 24:9

Maah ga cha tibɔbir ti aaboln dan bi pu na ga chuu dulnyaa aatimbol mɔmɔk ijawaan. Binib ga ŋa bi yaansara, ki ŋa bi mbɔnyun, ki li laa bi, ki li joo baayimbil puuni lir biken pu baah yaa ki bi ni kookoo na.

Jeremia 25:8

“Kina pu na, naah kaa ŋun tii u na, Uwumbɔr Mpɔɔnsakpiindaan bui ke,

Jeremia 29:18

M ga li joo ni butɔb, ni nkon, ni iween le san dii bi, le dulnyaa wee aatimbol mɔmɔk ga san ijawaan, baah kan pu na pu. Nimɔk m cha bi yaa ki bi na, binib aapobil ga yuk, ki san ijawaan, baah kan tiwan ni mɔmɔk na. Binib ga laa bi, ki li joo baayimbil puuni lir biken pu.

Jeremia 35:11

Le Ubɔr Nebukadnesar aah nan di waajab koo kitiŋ ngbaan ni na, ti nan bui ke ti ga dan Jerusalem ni do ki nya Babiloŋ ni Siria aajab ni. Nima pu le ti koo Jerusalem ponn ni do.”

Jeremia 36:2

“Ban kigbaŋ ki ŋmee maah tuk si Israel, ni Juda, ni ŋitimbol mɔmɔk aabɔr ti na ŋa ki ponn ni. Ŋmee maah nan piin bundaal ki len aa chee tibɔr na, buyoonn Josia nan ye ubɔr na, ki nan saa din wee na.

Jeremia 36:29

Uwumbɔr nan bui mi ke m tuk ubɔr ke, “Aa see kigbaŋ ngbaan mmii, le ki baa Jeremia ke ba ŋa u ŋmee kigbaŋ ke Babiloŋ aabɔr ga dan ki nan kuln kitiŋ kee ki ku kaanib ni tiwakor.

Jeremia 4:7

Uchinn aah nyani waabɔbɔryaan ni pu na, kina le unii u bii ŋitimbol na nyan ni. U choo u nan bii Juda aatiŋ la. Juda aatim ga kpaln tilangbenn la, le ubaa aan ŋmaa koo mu ni.

Jeremia 40:2

Uyidaan ngbaan nan di mi nyan n‑gbaan le ki bui mi ke, “Aadindaan Uwumbɔr nan puu ke kitiŋ kimina ga bii,

Jeremia 43:10

ki bui bi ke min Uwumbɔr Mpɔɔnsakpiindaan, u ye Israel yaab Aawumbɔr na, ga cha maatutunn u ye Babiloŋ Aabɔr Nebukadnesar na dan do, u ga nan di waabɔrjal siin ŋitakpal ŋi aa di sub na pu, le ki taln nnaan aakekeln biin ŋi pu.

Jeremia 46:20

Ijipt aatiŋ bi ke unaanyaan u kinaagangaŋ ki nyan ni ŋŋangan wɔb na bi juuni u na la.

Jeremia 49:19

M ga dan ki nan cha Edom yaab san libuul ni ki nya baatiŋ ni, ke uchinn le aah nyan ni kichook ni ki di bɔ dii Jɔɔdann aagbaan pu ki nan nya timosɔnn ni pu na la, le maah lee usaloln u na ga li joo litimbol ngbaan. M ni ubaa aa ŋak. Ubaa aan ŋmaa kpak mi. Utinjoor ubaa aan ŋmaa kpak mi.

Jeremia 6:1

Benjaminn aanib, li san ban ŋŋmarm man. San nya Jerusalem ni man. Pii ukpiin Tekoa aatiŋ ni, ki tuur limɔkl aamii Bef Hakerem aatiŋ ni man. Tibɔbir ni libiil ban ni nya ni ŋŋangan wɔb ki dan la.

Jeremia 8:16

Timi aadim kpaan fuu ni Dann aatiŋ ni; ti ŋun baataan aah fɔi pu na. Baataan yaa wii kan, kitiŋ mɔmɔk deŋni la. Timi aadim dan ke bi nan bii timi aatiŋ, ni tiwan ni mɔmɔk bi ki pu na la, ni timi aatiŋ, ni kaanib.”

Esekiel 12:20

Ntim mu ponn ni gbii binib dandana na ga kuln, le litingbaln ngbaan ga kpaln kipɔɔkuun. N‑yoonn ngbaan le bi ga bee ke min le ye Uwumbɔr.”

Esekiel 16:40

“Bi ga peei kinipaak ke bi mae si ŋitakpal, le ki ga di baajaak aajum ku si.

Esekiel 21:11

Bidim duun kijaak aajuk ngbaan, ki gor ki ke ki tun lituln la. Bi luun ki le ki duun ki chain chain, ke bi di ki ŋa unikur aaŋaal ni.

Esekiel 26:7

Tidindaan Uwumbɔr ki len ke, “M ga joo ni Babiloŋ aabɔr Nebukadnesar u ye bibɔrb mɔmɔk aabɔrkpaan na, le u nan tak Taya aatiŋ. U ga di butɔb aajab bi wiir na nya ni ŋŋangan wɔb, le bi ga li kpa itaan, ni yaatɔroku tiib, ni bitandam.

Esekiel 36:5

“Min Dindaan Uwumbɔr le len tibɔbir ŋitimbol ŋi mann goln Israel na pu, ni Edom aatimbol mɔmɔk pu. Maaŋuul ponn ni le m len kina; ba pu? bi nan di mpopiin ni lik‑seen gaa maatiŋ Israel ni kaamoŋmɔpaan.

Daniel 5:18

“Uwumbɔr u kaa kpa ŋeen aatɔ na nan ŋa aate Nebukadnesar ubɔrkpaan, ki tii u liyimbil ni mpɔɔn.

Habakuk 1:12

Uwumbɔr, ki nyan mpiin na, sin le ye Uwumbɔr. Sin le ye Maawumbɔr u bi chain kaa kpa ndoon na. Uwumbɔr, Ndindaan ni maakikiir, sin le lee Babiloŋ yaab ki cha bi kpa mpɔɔn ke bi ŋmaa daa timi aatafal.

Habakuk 1:17

Bi ga li joo baajaak aajum kuln ŋitimbol, kaa san ŋi kinimbaak kina le ki cha aa?

Ikaal 28:37

Ntim mu ponn ni Uwumbɔr ga cha ni yaa ki koo mu ni na, binib ngbaan aapobil ga yuk tiwan ni ŋa nimi na pu, le bi ga ŋa nimi mbɔnyun ki nyei nimi.