Jeremia 25:34 - Uwumbɔr aagbaŋ

³⁴ Nimi biyidam, li wii man, nimi maanib aayidam, wii mpɔɔn pu man. Li wii ikpowiil ki bilni titan ni man. N‑yoonn mu bi ga ku nimi na fuu ni a, bi ga kɔr nimi ke ipihja na, le ŋinikpol ga yaa ni kookoo.

Jeremia 25:34 ပူးပေါင်းရင်းမြစ်များ

2 Bibɔrb Aabɔr 36:10

Unaalan yoonn, le Ubɔr Nebukadnesar nan chuu Jehoyachinn tinaagbiir di buen Babiloŋ aatiŋ ni, le ki yoor Uwumbɔr Aadichal ni aawangol mu buen. Nebukadnesar nan di Jehoyachinn aatewaa Sedekia kaan Juda aanaan, Jerusalem ponn ni.

Ilahn 2:9

Aa ga di tikur aadabil gbaa kool bi; aa ga gbaa wii bi yak yak ke tiyakr aabuul na la.’”

Aisaya 10:12

Uwumbɔr nan ki bui ke, “M yaa doo maah bi tun lituln li Sionn Aajool pu ni Jerusalem ni na kan, m ga daa Asiria aabɔrkpaan ngbaan aatafal, waah puk tipupuur timɔk na, ni waamakl ngbaan pu.”

Aisaya 2:16

U ga cha iŋɔsakpiin i ŋan na bee nnyun ni.

Aisaya 30:14

Ni wii yak yak ke tiyakr aabuul na la, ni wii yak yak sakpen le kisanjaŋ aan ki li bi, bi di moo mmii, bee bi di kab nnyun nkin ponn ni.”

Aisaya 33:1

Timi aadim aamɔfal junn a. Bi sun kinaayuk, ki bii binib, le ubaa ma aa sun bi kinaayuk kaa bii bi mu. Tɔ, baayoonn mu bi joo su ki bii binib na ga doo, le binib mu ga su bi kinaayuk ki bii bi mbamɔm.

Aisaya 34:6

Waajaak aajuk po ga li ye nsin ni nkpan ŋmeen la, ki ga li naahn ipiih ni iŋoob i bi di toor kitork na aasin ni nkpan la. Uwumbɔr ga toor kitork kimina Bosra aatisakpeŋ ni la; u ga ŋa linikul sakpeln limina Edom aatiŋ ni la.

Aisaya 34:7

Binib ngbaan ga lir ke ipɔɔnaa na, ni inaajabi na la, le kitiŋ po ga li ye nsin ni nkpan ŋmeen.

Jeremia 18:22

Cha kinipaak nan loon bi ki gaa baawangol; cha ijawaan chuu bi aan bi wii mpɔɔn pu. Bi gbii libuul bil mi ke m nan lir li ponn ni, ki pen mi gaawɔb mam.

Jeremia 22:28

Le m bui ke, “Ubɔr Jehoyachinn kpaln libuul li wii aan bi di li mee ubaa aa ki ban li na la aa? Kina pu le u ni waabim bi tinaagbiir ni, kitiŋ ki baa nyi kaabɔr na ni ii?

Jeremia 23:1

Uwumbɔr yaa nan jin biyidam bi bii ki yaa waanib na tibɔr kan, naan li ŋan bi pu.

Jeremia 25:12

Nee aapuwɔb le m ga daa Babiloŋ aatiŋ ni kaabɔr aatafal baatunwanbir pu. M ga kuln kitiŋ ngbaan ki cha ki kpaln tilangbenn ki ti saa n‑yoonn mu kaa kpa ndoon na.

Jeremia 25:36

Uwumbɔr aaŋuul ponn ni le u kuln nimi aatimbol ki cha nimi aasuudoon aatiŋ nkuun, le ni wii ki ŋuuni ke inaa na.

Jeremia 27:7

Ŋitimbol mɔmɔk ga tun tii u, ki ga tun tii ujapɔɔn, ni uyaabil ki ti saa buyoonn waatimbol ga lir na. N‑yoonn ngbaan le waatimbol ga li tun tii ŋitimbol ni bibɔrkpaam bi kpa ipɔɔn na.

Jeremia 3:19

Uwumbɔr bui ke, “Israel yaab, m nan ban ke m gaa nimi ke njapɔɔn na la, ki tii nimi mpopiin aatiŋ, dulnyaa wee ni aatiŋ ki ŋan ntim mɔmɔk ni na. M nan ban ke ni li yin mi ke nite la, ki taa ki fenn nipuwɔb tii mi daalbaadaal.

Jeremia 48:26

Uwumbɔr bui ke, “Moab aatiŋ aah nyan mpuwɔb pu na, cha ki gbii ndaan. Moab aatiŋ ga biln kibaa aawuln ponn ni la, le binib ga laa.

Jeremia 48:38

Ikpowiil le bi Moab aadichapaab ni baakakaa mɔmɔk chee, ba pu? m wii Moab ke libuul li ubaa aa neen li na la.

Jeremia 50:27

Ku baajab mɔmɔk. Kɔr bi man. Babiloŋ aanib aadoon fuu ni a. Baatafadaan aayoonn fuu ni a.”

Jeremia 6:26

Le Uwumbɔr bui waanib ke, “Di tiwanpeenkaan ni saak kuub na peen, ki di nfatan pɔŋ nibaa. Li wii ikpowiil ke lijapɔnbaal aah kpo kan, bi wii pu na; ba pu? unii u choo u nan bii doo nimi na ga fuu ni n‑yoonn mu naa dak u pu na la.

Inandalahn 4:21

Edom ni Us aanib, li laa man; buyoonn ni ga ŋman na kan, li kpa mpopiin man. Ni mu aabɔbir choo; ni mu ga li chuun gbeer niŋmeen inimɔɔn ŋmeen.

Esekiel 34:20

“Kina pu na, min Nidindaan Uwumbɔr bui nimi ke m ga gann nimi ipiih i pɔɔ na, ni i kaa pɔɔ na.

Daniel 11:8

U ga yoor baawaa, ni salmaa, ni tikunabr aawan ni bi nan di tii baawaa ngbaan na mɔmɔk ki di gir buen Ijipt aatiŋ ni. Ŋibin siib ga jer ki li ye nsuudoon aabin la;

Hosea 8:8

Israel gur bi ke ŋitimbol ŋiken aah bi pu na la, kaa bi tibaa ni ke libuul li wii na,

Amos 5:11

Ni muk bigiim le ki gaal baah kpa tijikaar ni tiwan siib ni na. Kina pu na, naan koo ŋitakpal aadichanyaan ŋi ni maa siin na ni, kaan nyu naah ŋum ŋisubil aasui i na aadaan mu.

Sekaria 10:3

Uwumbɔr bui ke, “Biwɔwɔm bi joo maanib na le cha maaŋuul fii sakpen, le m ga daa bitafal. Juda aanib ye maanib la, le min Uwumbɔr Mpɔɔnsakpiindaan ga li joo bi. Bima le ga li ye maatɔb aataan i pɔɔ na.

Sekaria 11:3

Bijojoob na wii mpombiin pu la; baapɔɔn mɔmɔk doo a. Li pel ichinn aah ŋuuni pu na; kichook ki ponn ni i koo Jɔɔdann aamɔɔl aagbaan na kuln a.

Jemisi 5:5

Ni bi dulnyaa wee ni, ki piir nisui, ki ŋani naah gee pu na mɔmɔk, ki kpiini nibaa ki filk sakpen a; ni bi ke inaa i filk aan bi kɔr i na la.