Jeremia 25:3 - Uwumbɔr aagbaŋ

³ “Ŋibin moninko ni ŋitaa ponn ni, ki nya Amonn aajapɔɔn Josia aah nan ye Juda aabɔr pu na aabin kipiik ni litatar ni ki nan saa din wee na, Uwumbɔr len m chee tibɔr, le m mu aa kee yii kaa di waah len pu na tuk nimi. Le ni yii, kaa pel waah len pu na.

Jeremia 25:3 ပူးပေါင်းရင်းမြစ်များ

Mpiin 22:3

Naah woln kichakpiik ni na, le Abraham ban idɔ ki di paan waabon pu, le ki yoor Aisak ni waanaagbiib bilee ki di kpee ubaa pu. Le bi piin ki cha Uwumbɔr aah nan mɔk u kitiŋ ki na ni.

1 Bibɔrb 22:3

Ahab nan baa waaninkpiib ke, “Ba ŋa taa pɔɔn tibaa ke ti gaa Ramof aatiŋ ki bi Gilead aatiŋ pu na Siria aabɔr chee? Ki ye timi aatiŋ la.”

2 Bibɔrb 17:13

Uwumbɔr nan tun ni waatuun, ni waabɔnabr ke bi nan sak Israel ni Juda aanib ke: “Di cha man nimi aatunwanbir aasan, ki kii maakaal i bi ikaal i m nan di tii niyaajatiib na, ni maah di i tii ni maatutum bi ye maabɔnabr na.”

2 Bibɔrb Aabɔr 24:19

Uwumbɔr nan tun bibɔnabr ke bi ti sak bi ki cha bi gir ni u chee, le binib ngbaan yii, kaan ŋun tii u.

2 Bibɔrb Aabɔr 34:1

Josia nan ye ŋibin ŋiniin aanii le ki jin Juda aanaan, ki koo Jerusalem aatiŋ ponn ni ki joo waanib ki ti saa ŋibin piitaa ni libaa.

2 Bibɔrb Aabɔr 34:3

Josia aah nan jin nnaan ki ti saa ŋibin ŋiniin, aan ki laa beenin ye unachipɔnbo na, le u piin ki dooni uyaaja Ubɔr David Aawumbɔr. Ki nyan n‑yoonn ngbaan ki ti saa ŋibin ŋinaa aapuwɔb, le u piin ki ber tiwaadir, ni liwaapii Asera aanaŋ, ni ŋiwaa ŋi mɔmɔk gur na.

2 Bibɔrb Aabɔr 34:8

Waanaanjil aabin kipiik ni ŋiniin ponn ni, Ubɔr Josia aah nan toor nyan kitiŋ, ni Uwumbɔr Aadichal ŋiwaa aadoon aajɔŋ pu doo na, le u tun bijab bitaa ke bi ti toor Tidindaan Uwumbɔr Aameen Aadichal. Bijab ngbaan le nan ye: Safann u aate nan ye Asalia na, ni Jerusalem aatiŋ aayidaan Maaseya, ni Joahas aajapɔɔn Joa, u nan ye kitiŋ aaninkpekpaan ubaa na.

2 Bibɔrb Aabɔr 36:15

Uma Uwumbɔr u ye biyaajatiib Aadindaan Uwumbɔr na nan beenin tun waabɔnabr ke bi nan sak waanib. U nan ŋani kina ke u cha bi ni Waadichal ŋmar la.

Ilahn 81:13

M ba gee sakpen ke maanib li kpa ŋuntii ki tii mi; m ba gee sakpen ke bi li keei maamɔb.

Nnyam 8:20

Uwumbɔr nan ki bui Moses ke, “Fen kichakpiik ni, aa fe pue ki ti to ubɔr buyoonn u cha limɔɔl ni na, aan ki tuk u ke Uwumbɔr bui ke, ‘Cha maanib nya saatiŋ ni, nima kan, bi ga ŋmaa buen ki ti doon mi.

Aisaya 55:2

Ba ŋa ni joo ŋimombil daa tiwan ni kaan gbiin lipuul na? Ba ŋa ni ji nimi aapal aan nkon beenin joo nimi? Li pel ki ŋa maah len pu na man, aan ki ji tijikaar ti mɔ sakpen na.

Jeremia 1:2

Uwumbɔr nan len Jeremia chee tibɔr, buyoonn Amonn aajapɔɔn Josia nan ye Juda aabɔr na aabin kipiik ni litatar ponn ni na la,

Jeremia 11:7

Maah nan nyan ni biyaajatiib Ijipt aatiŋ ni na, m nan sak bi mbamɔm ke bi kii maamɔb, le ki beenin sakr bi ki nan saa din wee.

Jeremia 19:15

Uwumbɔr Mpɔɔnsakpiindaan, u ye Israel yaab Aawumbɔr na le len ke, “M ga cha ntafadaan dan kitiŋ kee, ni ntim mu bi gbɔk ki na pu, ke maah len ke m ga ŋa pu na, ba pu? bi kpa tafalaaŋun, kaa pel maah tuk bi pu na.”

Jeremia 22:21

Naah nan laa kpa liwangol buyoonn na, le Uwumbɔr nan len ni chee le ni yii kaa pel. Nimi aatuln le bi na, nimi aamɔfal aayoonn mɔmɔk ni; naa kee kii Uwumbɔr aamɔb.

Jeremia 25:4

Naa pel, kaa kpa ŋuntii, le Uwumbɔr ma beenin tun ni waabɔnabr bi ye waatutum na ni chee.

Jeremia 26:5

ki li ŋun ŋimɔbon ŋi maatutum, bi ye bibɔnabr aan m tuni bi ni chee n‑yoonn mɔmɔk na. Naa kee kii tii baah len pu na daalbaadaal.

Jeremia 29:19

Baah kaa kii tibɔr ti m nan joo tii ni maatutum, bi ye bibɔnabr na, le cha nimina ŋa. Tɔ, nimi bi bi tinaagbiir ni, Babiloŋ aatiŋ ni na mu aa nan ŋun.

Jeremia 32:33

Bi fenn bipuwɔb tii mi, le m ma beenin mɔk bi, le baa pel ki bae.

Jeremia 35:14

Jonadab aayaabitiib kii tii waakaal kaa nyu ndaan, ki di nan saa din, bi ponn ni ubaa aa nyu ndaan. Le m ma len ni chee ki gir len, le naan kii tii mi.

Jeremia 35:15

M beenin tun ni maatutum bi ye bibɔnabr na ni chee, le bi tuk nimi ke ni di cha nimi aabimbin mu kaa ŋan na, ki tun ni ŋan na. Bi sak nimi ke ni taa tun tii ŋiwaa, ki taa dooni ŋi, aan ki li beenin bi kitiŋ ki m nan di tii niyaajatiib na pu. Le naan ŋun tii mi, kaa pel m chee kpala.

Jeremia 36:1

Josia aajapɔɔn Jehoyakim aah nan ye Juda aabɔr pu na aabinanar ponn ni, le Uwumbɔr nan bui mi ke,

Jeremia 36:2

“Ban kigbaŋ ki ŋmee maah tuk si Israel, ni Juda, ni ŋitimbol mɔmɔk aabɔr ti na ŋa ki ponn ni. Ŋmee maah nan piin bundaal ki len aa chee tibɔr na, buyoonn Josia nan ye ubɔr na, ki nan saa din wee na.

Jeremia 44:4

Le m joo maatutum bi ye bibɔnabr na tuni ni chee, le bi nan bui nimi ke ni taa ŋani tiwan ni sukr ponn ni na maah kaa gee ni na.

Jeremia 7:13

Ni tun titunwanbir tee mɔmɔk, le m tuk nimi, ki ki gir bui nimi, le ni yii, kaan pel. Buyoonn m yin nimi na le ni yii, kaan kii.

Jeremia 7:25

Ki nya bundaal niyaajatiib nan nyan Ijipt aatiŋ ni ki nan saa din wee na, m tun ni maatutum bi ye maabɔnabr na, ni chee.

Esekiel 33:4

Unii yaa ŋun nkuun ngbaan pu kaa gar, aan bidim ngbaan nan ku udaan kan, u yeh ubaa aakun aagalm.

Sekaria 1:4

Ni taa li bi ke niyaajatiib na. N‑yaayoonn na le bibɔnabr nan di maabɔr tuk bi, ki tuk bi ke bi taa ki tun titunwanbir, ki taa ki li bi kinimbɔŋ aabimbin ni. Le baa ŋun tii mi, kaa kii maamɔb mu.

Tibɔnyaan ti Mak ŋmee ti na 1:35

Njan aakooja aah wii na, le Yesu fii ki nyan lipaal, ki buen nibaa chee, le ki ti bi nima ubaa ki mee Uwumbɔr.

Jɔnn 8:2

Le ki woln kitaak kichakpinaanyeek ni, le u gir buen Uwumbɔr Aadichal ni. Le kinipaak kuun u chee, le u kal ki tuk bi Uwumbɔr aabɔr.

Jɔnn 8:47

Unii umɔk ye Uwumbɔr yoo na kan, uma le ŋun waaliin. Nimi le aa ŋun waaliin. Ba pu? Naa ye waanib. Nima le cha naa ŋun waaliin.”

2 Timoti 4:2

li chuun mooni waabɔr. Ni yaa ŋeer, bee naa kee ŋeer kan, aa li mooni waabɔr, ki kae binib, ki li kpaa bi, ki li sur bi, ki li kpa limɔr ki tuk bi Uwumbɔr aabɔr, ki taa di cha.