Jeremia 25:18 - Uwumbɔr aagbaŋ

¹⁸ Jerusalem aatiŋ, ni Juda aatim mɔmɔk, ki kpee kaabɔrb ni biyidam mɔmɔk, m nan cha bi nyun ki ponn ni, ki cha bi kpaln nteersakpiin, ki kpa ijawaan, ki cha binib joo baayimbil puuni lir biken pu, ke baah beenin ŋani pu na.

Jeremia 25:18 ပူးပေါင်းရင်းမြစ်များ

1 Bibɔrb 8:24

Aa joo saah nan puu tipuur ti tii nte David na, ti mɔmɔk gbiin din wee.

2 Bibɔrb 22:19

le ki kpeln saabimbin ki sunn aabaa taab nnimbiin ni, ki daa kar saawanpeenkaan ki wii buyoonn aa ŋun maah nyan sil ke m daa Jerusalem ni kaanib aatafal pu na. M ga cha nima chee kpaln ijawaan sakpiin aabuul ni, le binib ga li joo nima aayimbil puuni lir biken pu. Tɔ, m ŋun saameel,

2 Bibɔrb Aabɔr 29:8

Nima pu le Uwumbɔr gee liŋuul Juda ni Jerusalem pu, le waah ŋa bi tiwan ni na cha ijawaan chuu unii mɔk ki yuk bipobil. Ni nyi nimina mɔmɔk.

Esra 9:7

Ki nyan tiyaaja tiib yoonn ki nan saa din, timi saanib tun titunwanbir sakpen. Timi aatunwanbir pu le timi, ni timi aabɔrb, ni timi aatotoorb koo ntiyayam aabɔrb aaŋaal ni, le bi ku timi, ki sun timi aawangol, ki di timi buen tinaagbiir ni. Ti kpaln binimɔɔnib le ki nan saa din wee.

Nehemia 9:36

Le ti kpaln binaagbiib kitiŋ ki ponn ni aa nan di tii timi na, kitiŋ ki nyuun ki tii timi tijikaar na.

Ilahn 60:3

Aa cha saanib jin falaa sakpen a. Ti chuun gbeer ke taah nyun ndaan le na.

Aisaya 40:23

U sunni bitinjoob bi pɔɔ sakpen na taab, le baa ki bi tibaa ni.

Aisaya 65:15

Maanib bi m nyan bi na ga li joo nimi aayimbil le puuni lir binib pu, ke bi li bee fam ke nimi na. Min, Bidindaan Uwumbɔr le ga ku nimi, le ki tii binib bi kii maamɔb na liyimbipɔln.

Jeremia 1:10

Din wee, m tii si mpɔɔn ŋitimbol ni nnaan pu ke aa ber, ki tur ŋi lii, ki nyaŋ ki kuln ŋi, ki ki maa ki siin ŋi.”

Jeremia 13:3

Le Uwumbɔr ki len m chee ki bui ke,

Jeremia 13:9

“Kina le m ga bii Juda ni Jerusalem yaab aagaak sakpeŋ ngbaan.

Jeremia 24:9

Maah ga cha tibɔbir ti aaboln dan bi pu na ga chuu dulnyaa aatimbol mɔmɔk ijawaan. Binib ga ŋa bi yaansara, ki ŋa bi mbɔnyun, ki li laa bi, ki li joo baayimbil puuni lir biken pu baah yaa ki bi ni kookoo na.

Jeremia 25:11

Kitiŋ kee mɔmɔk ga kpaln tilangbenn le ki li kpa ijawaan, le kaanib ni ŋitimbol ŋi bi gbɔk na ga li tun tii Babiloŋ aabɔr ki ti saa ŋibin imonko itaa ni kipiik.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 26:6

Ni yaa beenin yiil kan, m ga bii Maadichal lee ke maah nan bii Silo aatiŋ pu na, le dulnyaa wee aatimbol mɔmɔk ga li joo Jerusalem aayimbil puuni lir biken pu.”

Jeremia 44:22

Din wee na, nimi aatiŋ dɔ nkuun, le ubaa aa bi ki pu. Binib gur san ki ijawaan la, le Uwumbɔr aah kaa nan ki ŋmaa gaa nimi aabiin ni titunwanbir pu na, le binib gur joo kaayimbil puuni lir biken pu.

Esekiel 30:7

Kitiŋ ngbaan le ga doon nkuun ki jer dulnyaa aatim mɔmɔk, le kaatikpaan ga kpaln ŋilangben.

Daniel 9:12

Aa nan ŋa saah nan bui ke aa ga ŋa timi, ni binib bi joo timi na mɔmɔk pu na. Kitiŋ kibaa aa ki bi taab do ki kan ntafadaan mu aa nan di tii Jerusalem na.

Amos 2:5

Kina pu na, m ga cha mmii wu Juda ki wu Jerusalem yaab aah maa ŋidichal ŋi fɔk ki pɔɔ kiir bibaa na mɔmɔk.”

Amos 3:2

“Dulnyaa aanibol mɔmɔk ponn ni, nimi baanja le m nyi nimi ki lik nimi, nibaa taa ŋa nimi. Nima le cha nimi aatunwanbir bir sakpen, ki cha m ga sil daa nitafal.”

Maika 6:16

Naah dii Ubɔr Omri aajapɔɔn Ubɔr Ahab aatunwanbir aasan na pu, le kina ga ŋa. Ni beenin joo baakaal la, kina pu le m ga bii doo nimi, le unii mɔk ga lik nimi fam. Binib bi bi dulnyaa wee ni na ga lik seen nimi.”

Josua 6:18

Ni taa yoor tiwan ni Uwumbɔr tuk timi ke ti bii na nibaa. Ni yaa yoor nibaa kan, ni ga joo ni tibɔbir Israel yaab pu.

1 Piita 4:17

Ni ŋeer Uwumbɔr piin ki ji binib tibɔr. U ga puen ji waanib le tibɔr, le ki nin ji biken tibɔr. U yaa puen ji timi waanib tibɔr kan, binib bi kaa kii waabɔnyaan na aabɔr ga doo kinye?