Jeremia 25:15 - Uwumbɔr aagbaŋ

¹⁵ Uwumbɔr, u ye Israel yaab Aawumbɔr na nan bui mi ke, “Ndaan aayikuuk ki gbii maaŋuul na sɔ. Di ki buen ŋitimbol ŋimɔk m tun si ŋi chee na, ki cha bi nyu ki ponn ni.

Jeremia 25:15 ပူးပေါင်းရင်းမြစ်များ

Job Aagbaŋ 21:20

Cha titunwanbirdam kan bibaa aatafadaan; Cha bi kan Uwumbɔr Mpɔɔnsakpiindaan aaŋuusakpeln.

Ilahn 11:6

U cha mmiisakɔn ni chirbil u gaal mmii na lir ni bibiindam pu; u joo libuln li ton na le dar bitafal.

Ilahn 60:3

Aa cha saanib jin falaa sakpen a. Ti chuun gbeer ke taah nyun ndaan le na.

Ilahn 75:8

Uwumbɔr joo kiyikuuk uŋaal ni, kiyikuuk ngbaan gbii ndapɔɔl mu ye waaŋuul na la. U bar mu, le bibiindam mɔmɔk nyun mu; bi nyun mu mɔmɔk pel pel.

Ilahn 75:9

Le mma ga li beenin len Uwumbɔr u Jakob mu nan dii u na aabɔr, ki ga li gaa ilahn ki pak u.

Aisaya 14:26

Maah ŋa maalandak mu ki tii dulnyaa na le na, le m fii sil ke m daa ŋitimbol aatafal.”

Aisaya 34:2

Uwumbɔr gee liŋuul ŋitimbol mɔmɔk ni ŋaajab bi jaa kijaak na pu. U ga kuln bi mɔmɔk.

Aisaya 51:17

Fii sil, Jerusalem yaab, fii sil man. Nyal ki fii sil man paacham. Ni jin ntafadaan aafalaa u Uwumbɔr gee liŋuul ki tii nimi ke ni ji na; ni jin falaa ngbaan, le u cha ni chuun gbeer.

Aisaya 51:22

Nidindaan Uwumbɔr si nipuwɔb ki bui ke, “M bi nyani falaa u m nan di tii nimi maaŋuul ponn ni na la. Naan ki ji falaa u cha ni chuun gbeer ke naah nyun ndaan le na.

Aisaya 51:23

M ga di falaa ngbaan tii binib bi muk nimi na la, binib bi nan cha ni doon titan ni, kitiŋ ponn ni na, aan bi taa taa ni pu ke naah ye titan le na, bima le ga ji falaa ngbaan.”

Jeremia 1:5

“M nan nyan si waahr le ki nin tii si limɔfal, le waahr aan bi nin ma si na, m nan lee si ke aa li ye maabɔnabr tii ŋitimbol.”

Jeremia 36:2

“Ban kigbaŋ ki ŋmee maah tuk si Israel, ni Juda, ni ŋitimbol mɔmɔk aabɔr ti na ŋa ki ponn ni. Ŋmee maah nan piin bundaal ki len aa chee tibɔr na, buyoonn Josia nan ye ubɔr na, ki nan saa din wee na.

Jeremia 43:11

Nebukadnesar ga dan ki nan nyaŋ Ijipt aatiŋ. Maah siin ke iween ku binib bi na ga kpo iween aakun; maah siin ke bi ga di bi buen tinaagbiir ni na mu ga buen, le maah siin ke bi ga kpo butɔb ni na, ga kpo butɔb ni.

Jeremia 45:5

Aa bi ban ke m ŋa si tiwankpaan la aa? Taa ban kina. M ban m cha tibɔbir dan unibɔn mɔmɔk pu la, le aa ma ga ŋmar nin chee mɔk aa ga li bi na. Min Uwumbɔr le len kina.”

Jeremia 46:1

Uwumbɔr nan len ŋitimbol aabɔr m chee.

Jeremia 48:26

Uwumbɔr bui ke, “Moab aatiŋ aah nyan mpuwɔb pu na, cha ki gbii ndaan. Moab aatiŋ ga biln kibaa aawuln ponn ni la, le binib ga laa.

Jeremia 49:12

“Hali binib bi kaa ba ye ke m daa bitafal na yaa ti nyun ntafadaan aayikuuk ni kan, ni dak ke nimi le aan kan ntafadaan aa? Mbamɔn ni ga nyu kiyikuuk ngbaan ponn ni.

Jeremia 51:7

Babiloŋ nan bi ke salmaa aayikuuk na le ŋŋaal ni, ki cha dulnyaa wee mɔmɔk nyun ki ponn ni ki ti gbii. Ŋitimbol nan nyun ki ponn ni aadaan le kaa ki kpa nlan.

Esekiel 23:32

Aadindaan Uwumbɔr ki bui ke, “Aa ga nyu aakpel aatafadaan aayikuuk ni la; ki wiir le ki nyoo mu. Kiyikuuk ngbaan gbii la; unii mɔmɔk ga ŋa si mbɔnyun ki laa si.

Esekiel 23:33

Ijawaan ni nkulm aayikuuk, ki ye aakpel Samaria aayikuuk na, ga bii aasui le ki cha aa gbii.

Esekiel 29:12

M ga cha Ijipt aatiŋ li ye kitikuun ki jer dulnyaa wee ni aatim mɔmɔk. Ijipt aatim ga doon nkuun ki ti saa ŋibin imonko ilee, ni ga li ye tilangbenkuun ki jer kitiŋ mɔmɔk. M ga ŋa Ijipt yaab bikusam. Bi ga yaa buen litingbaln mɔmɔk ni ki ti li koo nima chee aanib chee.”

Esekiel 36:5

“Min Dindaan Uwumbɔr le len tibɔbir ŋitimbol ŋi mann goln Israel na pu, ni Edom aatimbol mɔmɔk pu. Maaŋuul ponn ni le m len kina; ba pu? bi nan di mpopiin ni lik‑seen gaa maatiŋ Israel ni kaamoŋmɔpaan.

Obadia 1:16

Maanib nan kan ntafadaan mu bir na maajool li bi chain na pu. Binib bimɔk bi ki mann goln na ga kan ntafadaan mu jer kina na. Bi ga kan ntafadaan, le ki lil, kaan ki gir ni.

Habakuk 2:16

Sin le ga kan inimɔɔn, naan li ye kipak. Sin aabaa ga nyu ndaan ki gbii. Uwumbɔr le ga daa aatafal ki cha inimɔɔn biin saapak pu.

Tibɔkpiirkaan 14:10

ga nyu ndaan mu ye Uwumbɔr aaŋuul, le u kpir ŋa kiyikuuk ni, kaa di nnyun kpee mu pu. Nima le mɔk waaŋuul sakpen, le bi ga li bi waatuuntiib bi bi chain na, ni Upihbo ngbaan aanimbiin ni, ki ga ji falaa sakpen mmii ni chirbil ponn ni.

Tibɔkpiirkaan 14:19

Le Uwumbɔr aatuun ngbaan di waagɔrk ker dulnyaa aasubil ngbaan, ki di ŋa libuusakpeln li ponn ni bi ŋmaani ŋisubil ki nyani ŋaanyun na. Nima le mɔk Uwumbɔr aah ga bii binib bi kaa dii u na pu na.