Jeremia 25:14 - Uwumbɔr aagbaŋ

¹⁴ Babiloŋ yaab aah tun pu na, kina le m ga di teen bi, le ŋitimbol pam ni bibɔrkpaam di bi ŋa baanaagbiib.’”

Jeremia 25:14 ပူးပေါင်းရင်းမြစ်များ

Ilahn 137:8

Babiloŋ aatiŋ, aa ga kuln. Unii u teen si saah nan tun timi pu na kpa mpopiin,

Aisaya 13:4

Li pel kifuuk ŋijoo ngbaan pu man, ni ye kinipaak sakpeŋ aafuuk; kifuuk ngbaan ye ŋitimbol ni nnaan aanib le bi kuuni tɔb chee. Uwumbɔr Mpɔɔnsakpiindaan le bi gor bijab ke bi buen butɔb.

Aisaya 14:2

Ŋitimbol pam le ga ter Israel yaab aan bi ki gir ni kitiŋ ki pu Uwumbɔr nan di tii bi na, le ŋitimbol pam ga li ye Israel yaab aanaagbiib ki tun lituln tii bi. Israel yaab ga ki nyaŋ binib bimɔk nan nyaŋ bi ki chur bi tinaagbiir na; le Israel yaab ga li gur joo binib bi nan muk bi na.

Aisaya 66:6

Li pel man, kifuuk sakpeŋ ki bi kitiŋ ponn ni na, ni ki bi Uwumbɔr Aadichal ni na, ki ye Uwumbɔr aah bi dar waadim aatafal pu na aafuuk la.

Jeremia 27:7

Ŋitimbol mɔmɔk ga tun tii u, ki ga tun tii ujapɔɔn, ni uyaabil ki ti saa buyoonn waatimbol ga lir na. N‑yoonn ngbaan le waatimbol ga li tun tii ŋitimbol ni bibɔrkpaam bi kpa ipɔɔn na.

Jeremia 32:19

Aa dak ilandak nyaan ki tun ŋitukpaan; aa kani binib aah ŋani tiwan ni mɔmɔk na, le ki pa bi baatun aah ŋeer pu na.

Jeremia 50:41

Binib nyan ni ŋŋangan wɔb aatiŋ kibaa ni ki choo, ki ye litimbokpaan libaa le ki bi dandar; bibɔrb pam le bi gor kiir butɔb.

Jeremia 50:9

M ban m ti saa ŋitimbol ŋibaa ŋŋangan wɔb le ki cha ŋi ti tak Babiloŋ. Bi ga lul butɔb ki nyaŋ Babiloŋ. Bi ye bikpam bi nyi kikpaŋ aabɔr na la, bi yaa too ipiin kan, baa lanni.

Jeremia 51:6

San nya Babiloŋ ni man. Li san ban nibaa man. Taa cha bi ku nimi Babiloŋ aanib aatunwanbir pu. M bi teeni le ki dar bitafal naah ŋeer bi pu na.

Daniel 5:28

n‑yakr, u chuu yakr saanaan ki di tii Media ni Pesia yaab.”

Hosea 9:7

Ntafadaan aayoonn fuu a, n‑yoonn ngbaan binib ga kan ni ŋeer bi na. Kina yaa nan ŋa kan, Israel yaab ga bee ni. Ni bui ke, “Uwumbɔr aabɔnabr umina ye ujɔr la. Unii u Nfuur Nyaan fir u pu ngbaan na aa ki kpa nlan la.” Nimi aatunwanbir aah nyaŋ na le kinanaŋ gbiin nimi.