Jeremia 25:12 - Uwumbɔr aagbaŋ

¹² Nee aapuwɔb le m ga daa Babiloŋ aatiŋ ni kaabɔr aatafal baatunwanbir pu. M ga kuln kitiŋ ngbaan ki cha ki kpaln tilangbenn ki ti saa n‑yoonn mu kaa kpa ndoon na.

Jeremia 25:12 ပူးပေါင်းရင်းမြစ်များ

2 Bibɔrb 24:1

Jehoyakim aah nan ye ubɔr na, le Babiloŋ aatiŋ aabɔr Nebukadnesar nan koo ni Juda aatiŋ ni, le ki muk Jehoyakim u bi u taab ki ti saa ŋibin ŋitaa; nee aapuwɔb le u nyan upuwɔb.

2 Bibɔrb Aabɔr 36:22

Sairus aah nan ye Pesia aabɔr pu na aajan aabiln ni, le Uwumbɔr nan cha waabɔnabr Jeremia aah nan len pu na gbiin. U nan cha Ubɔr Sairus siin nkaal mumina ki cha bi ŋmee mu, ki di tun waanaan mɔmɔk ni ke bi karn mu mpɔɔn pu ke:

Ilahn 137:8

Babiloŋ aatiŋ, aa ga kuln. Unii u teen si saah nan tun timi pu na kpa mpopiin,

Aisaya 13:19

Babiloŋ aanaan le ŋan jer nnaan mɔmɔk; le mu aanib kpa kipupuk mu pu. Le min Uwumbɔr ga kuln Babiloŋ ke maah nan ŋa Sodom ni Gomora aatim pu na.

Aisaya 14:23

M ga labr Babiloŋ ŋa kipuuk la, ifiin le ga li bi nima. M ga di ŋŋaan mu ŋar tiwan mɔmɔk na le ŋar Babiloŋ aatiŋ. Min Uwumbɔr Mpɔɔnsakpiindaan le len kina.”

Aisaya 15:6

Nnyun mu nan bi Nimrim aabun ni na foor a, timoor ti si mbun aagbaan na mɔmɔk yɔl a, le tiwasɔnn nibaa aa gur ki si.

Aisaya 20:1

Asiria aabɔrkpaan Sargonn nan cha waatɔb aajab aaninkpel ti tak Filistia aatikpaan Asdod.

Aisaya 33:1

Timi aadim aamɔfal junn a. Bi sun kinaayuk, ki bii binib, le ubaa ma aa sun bi kinaayuk kaa bii bi mu. Tɔ, baayoonn mu bi joo su ki bii binib na ga doo, le binib mu ga su bi kinaayuk ki bii bi mbamɔm.

Aisaya 46:1

Babiloŋ aawaa aadoon le na. Bel ni Nebo nan ye ŋiwaa ŋi bi nan dooni ŋi na la, le dandana ma bi di ŋi buu paan ibon pu, ŋi gur ye ŋitun ŋi nyuun na le ki tii ibon i bak na.

Jeremia 23:2

Uwumbɔr, u ye Israel yaab Aawumbɔr na aah len biyidam bi aatuln ba ye bi li joo waanib mbamɔm na aabɔr pu na sɔ: “Naa joo maanib; ni yaa bi, le ki jenn bi buen. Tɔ, m ga daa nitafal naah tun titunwanbir ti na pu.

Jeremia 25:14

Babiloŋ yaab aah tun pu na, kina le m ga di teen bi, le ŋitimbol pam ni bibɔrkpaam di bi ŋa baanaagbiib.’”

Jeremia 27:22

Bi ga yoor li buen Babiloŋ aatiŋ ni ki ti saa n‑yoonn mu m ga fenn maalandak toŋ li wɔb na. Le m ga giin ni li ki nan di siin libuul lee ni. Min Uwumbɔr le len kina.”

Jeremia 27:7

Ŋitimbol mɔmɔk ga tun tii u, ki ga tun tii ujapɔɔn, ni uyaabil ki ti saa buyoonn waatimbol ga lir na. N‑yoonn ngbaan le waatimbol ga li tun tii ŋitimbol ni bibɔrkpaam bi kpa ipɔɔn na.

Jeremia 29:10

“Uwumbɔr ki len ke, ‘Babiloŋ aabin imonko itaa ni kipiik na yaa jer kan, m ga mɔk nimi maah neen nimi pu ki joo tipuur ti m nan puu ke m ga giin ni nimi nido na.

Esekiel 35:9

M ga cha aa doon nkuun ki cha n‑yoonn mu kaa kpa ndoon na, le ubaa aan ki koo saatim ni daalbaadaal. N‑yoonn ngbaan le aa ga bee ke min le ye Uwumbɔr.

Daniel 9:2

Waah nan jin nnaan ngbaan na aajan aabiln ponn ni, le m nan bi bae Uwumbɔr aagbann ponn ni, ki dakl lik ŋibin imonko itaa ni kipiik ŋi ponn ni Jerusalem ga li bi libiil ni na. Uwumbɔr nan di libiil ngbaan aabɔr kpiir tuk waabɔnabr Jeremia la.

Habakuk 1:17

Bi ga li joo baajaak aajum kuln ŋitimbol, kaa san ŋi kinimbaak kina le ki cha aa?