Jeremia 25:10 - Uwumbɔr aagbaŋ

¹⁰ M ga cha baamɔɔn, ni mpopiin aafuuk, ni tibɔndinn aajim aapopiin aafuuk na ŋmin chii. Baan ki kan nkpan ki ŋa baakaryaa mam ni, kaan ki kan tijikaar mu.

Jeremia 25:10 ပူးပေါင်းရင်းမြစ်များ

Esta 3:13

Bitaasam le nan di tigbann ngbaan buen nnaan ngbaan aapepel mɔmɔk ni. Ti nan mɔk ke nwiin mubaa daal, Adar aaŋmal aawiin kipiik ni itaa daal kan, bi ku Juu yaab mɔmɔk, binachipɔm ni bi por na, ni bipiib ni bibilb mɔmɔk. Bi kɔr bi mɔmɔk ki taa san bi kinimbaak, ki gaa baawangol mɔmɔk.

Esta 7:4

Bi di m ni maanib kooh ke bi ku timi. Ni yaa kaa ba ye linikul, ki yaa ba ye tinaagbiir kan, m ba ga li ŋmin kaan muk si; tɔ, ni ye le ke bi ku doo ti mɔmɔk.”

Esta 8:11

Tigbann ngbaan nan mɔk ke ubɔr tii Juu yaab nsan ntim mɔmɔk ni ke bi gor bibaa pu ki li kii bibaa. Bijab yaa nyan ni linibol limɔk ni ki ban bi tak bi ni bipuutiib ni baabim na kan, bi fii sil ki kiir bi, ki ku doo bi; bi ku bi mɔmɔk, ubaa taa gur, ki yoor baawangol.

Aisaya 47:2

Chuu labr kinaak ngbaan. Nan n‑yon. Chuu nyan saah di likekeln li bii aanimbil wɔb na. Chuu gbabr saakekenyaan ngbaan. Chuu kuun saawando mam ki puur ikpen.

Jeremia 16:9

Li pel, min Uwumbɔr Mpɔɔnsakpiindaan, u ye Israel yaab Aawumbɔr na aah kpa pu m len na. M ga ŋmin mpopiin ni mmɔɔn aafuuk, ni tibɔndinn aajim aafuuk na. Binib bi bi do na ga li bi ki nan kan nimina aah ga ŋa pu na.

Jeremia 48:33

Mmɔɔn ni mpopiin doo Moab aatiŋ ki kpa tijikaar sakpen na pu. M cha ndaan doo baah ŋaa ndaan nin chee na; ubaa aa ki bi ke u ŋaa ndaan ki faa mpopiin aafuuk.

Jeremia 7:34

Kitiŋ ngbaan ga kpaln nteersakpiin la. Mpopiin, ni mmɔɔn aafuuk, ni tibɔndinn aajim aamɔɔn ga doo Juda aatim, ni Jerusalem ponn ni.

Inandalahn 5:15

Taa ki kpa mpopiin; mpombiin cha taa ki waa liwaal.

Esekiel 26:13

M ga ŋmin nimi aalahn mɔmɔk, ki cha nimi aabar aawiil ŋmin.

Hosea 2:11

M ga kuln waajim mɔmɔk; m ga kuln libiln libiln, ni uŋmal uŋmal, ni likpaakool daal aajim, ni njim mu u siin na mɔmɔk.