Jeremia 25:1 - Uwumbɔr aagbaŋ

¹ Juda aabɔr Jehoyakim, u aate nan ye Josia na, aanaan aabinanar ni, le Uwumbɔr nan di Juda aanib mɔmɔk aabɔr tee tuk mi. Babiloŋ aabɔr Nebukadnesar aanaan ni aajan aabiln ni le na.

Jeremia 25:1 ပူးပေါင်းရင်းမြစ်များ

2 Bibɔrb Aabɔr 36:4

Ubɔr Neko nan di Joahas aakpel Eliakim le kaan Juda aanaan, le ki kpeln waayimbil ki yin u ke Jehoyakim. Ubɔr Neko nan di Joahas buen Ijipt aatiŋ ni.

2 Bibɔrb Aabɔr 36:6

Babiloŋ Aabɔr Nebukadnesar nan dan nan koo Juda aatiŋ ni, le ki chuu Jehoyakim, ki buu u tikululn ki di buen Babiloŋ aatiŋ ni.

Jeremia 1:3

le ki ki gir len u chee buyoonn Josia aajapɔɔn Jehoyakim mu nan ye ubɔr na. Nee aapuwɔb na, Uwumbɔr nan ki len u chee n‑yoonn n‑yoonn pam, ki ti saa Josia aajapɔɔn Sedekia aanaan ni aabin kipiik ni libaa ni. Libiln ngbaan aaŋmaŋmu ni, le bidim nan nyaŋ Jerusalem yaab ki chur bi buen tinaagbiir ni.

Jeremia 32:1

Sedekia aah nan ye Juda aabɔr pu na aabin kipiik ni le Uwumbɔr nan len m chee tibɔr. Libiln ngbaan le nan ye Babiloŋ Aabɔr Nebukadnesar mu aabin kipiik ni ŋiniin nnaan ni.

Jeremia 35:1

Josia aajapɔɔn Jehoyakim aah nan ye Juda aabɔr na, le Uwumbɔr nan bui mi ke,

Jeremia 36:1

Josia aajapɔɔn Jehoyakim aah nan ye Juda aabɔr pu na aabinanar ponn ni, le Uwumbɔr nan bui mi ke,

Jeremia 45:1

Josia aajapɔɔn Jehoyakim aah nan ye Juda aabɔr pu na aabinanar ponn ni, le Baruk nan ŋmee maah nan ŋeer tibɔr ti tuk u na bil.

Jeremia 46:2

U nan di Ijipt aatimbol aabɔr le loln nsan. U nan len Ijipt Aabɔr Neko aajab bi Babiloŋ Aabɔr Nebukadnesar nan nyaŋ bi Kakemis aatiŋ ki bi gbɔk Yufrates Aamɔɔl na aabɔr. Ni nan ye Juda aabɔr Jehoyakim aanaan aayoonn aabinanar ni la. U nan len ke,

Jeremia 7:1

Uwumbɔr nan tun mi ke m ti li si mbisamɔb mu Juda aanib diir koo Uwumbɔr Aadichal ni ti dooni uma Uwumbɔr na. U nan bui mi ke m li si nima ki mooni Uwumbɔr Mpɔɔnsakpiindaan, Israel yaab Aawumbɔr aah kpa pu u di tuk bi na ke, “Kpeln mbimbin mu ni bi na, ni tiwan ni ni ŋani na man, aan m cha ni li beenin koo do.

Daniel 1:1

Jehoyakim aah nan ye ubɔrkpaan Juda aatiŋ pu na aabitatar ni, le Babiloŋ Aabɔrkpaan Nebukadnesar nan ti tak Jerusalem ki gob kitiŋ ngbaan.

Daniel 1:2

Uwumbɔr nan cha u nyaŋ Ubɔrkpaan Jehoyakim ki chuu u ki gaa Uwumbɔr Aadichal aawangol libaa ki di bi buen waawaa aadiik, Babiloŋ aatiŋ ni, ki di Uwumbɔr Aadichal aawan ngbaan di bil waawaa aawangol aadiik ni.

Daniel 2:1

Nebukadnesar aah jin nnaan ki nan saa ŋibin ŋilee na, le u nan daŋ tidaŋ. Ti nan muk u sakpen le waa nan geen kinyeek ngbaan,