Jeremia 24:10 - Uwumbɔr aagbaŋ

¹⁰ M ga cha butɔb, ni nkon, ni iween dan bi pu ki ti saa n‑yoonn mu bi ponn ni ubaa aan gur kitiŋ ki m di tii bi ni biyaajatiib na pu na.”

Jeremia 24:10 ပူးပေါင်းရင်းမြစ်များ

1 Bibɔrb 14:15

Uwumbɔr ga daa Israel aanib aatafal, le Israel aatiŋ ga deŋ ke kimɔɔmook aah deŋni nkpen ni pu na. U ga ŋɔb Israel yaab kitinyaan ki u nan di tii biyaajatiib na pu, le ki ga cha bi yaa ki puur Yufrates aamɔɔl aapuwɔb, baah naan liwaapii Asera aanaŋ ti ki fiin waaŋuul na pu.

Aisaya 51:19

Tibɔbir nfum mulee le lir ni pu: butɔb bii nimi aatiŋ kookoo, le nimi aanib kpoi nkon. Ubaa aa bi u san nimi kinimbaak.

Jeremia 14:12

Hali bi yaa lul bumɔb kan, maan pel baaterm aawiil; le bi yaa toor kitork ki see ki mmii ni tii mi, ki tii mi njikaabim aapiin kan, nsui aan piir bi pu. Maah ga ŋa pu na le ye ke m ku bi butɔb, ni nkon, ni iween ni.”

Jeremia 15:2

Bi yaa baa si ke bi ga buen la chee kan, tuk bi ke min le bui ke, Iween le ga ku bibaa, baah ga buen nin chee na le na. Bibaa mu ga kpo butɔb ni, baah ga buen nin chee na le na. Nkon le ga ku biken mu, baah ga buen nin chee na le na. Bidim ga chur biken mu buen tinaagbiir ni, baah ga buen nin chee na le na.

Jeremia 16:4

Iween i bir sakpen na le ga ku bi, le ubaa aan li bi ki wii baakpuul, ubaa mu aan ki li bi ki sub bi. Ŋinikpol ngbaan ga li dɔ kitiŋ ke tinaabin na la. Butɔb ni le bibaa ga kpoi, le nkon ku biken mu, le ŋinikpol ngbaan ga li ye inyoon ni ipeel aajikaar.

Jeremia 19:7

Do le m ga bii Juda ni Jerusalem aanib aalandak mɔmɔk. M ga cha baadim nyaŋ bi, ki ku bi butɔb ni. Le m ga di ŋinikpol ngbaan tii inyoon, ni ipeel, i di ŋa tijikaar.

Jeremia 21:9

Unii umɔk gaar kitiŋ ngbaan ni na ga kpo butɔb, ni nkon, ni iween ni. Le uma nyan ki ti di ubaa tii Babiloŋ aanib bi bi tak kitiŋ ngbaan na kan, waan kpo, u ga ŋmar.

Jeremia 27:8

“Litimbol, bee nnaan mubaa yaa kaa kii tii u kan, m ga di butɔb, ni nkon, ni iween daa litafal ki ti saa buyoonn m ga cha Nebukadnesar kuln li pel pel na.

Jeremia 29:17

Uwumbɔr Mpɔɔnsakpiindaan len ke, ‘M ban m cha butɔb, ni nkon, ni iween lir bi pu, m ga ŋa bi ke ŋikakan ŋi bur aan baan ŋmaa ŋmɔ ŋi na.

Jeremia 29:18

M ga li joo ni butɔb, ni nkon, ni iween le san dii bi, le dulnyaa wee aatimbol mɔmɔk ga san ijawaan, baah kan pu na pu. Nimɔk m cha bi yaa ki bi na, binib aapobil ga yuk, ki san ijawaan, baah kan tiwan ni mɔmɔk na. Binib ga laa bi, ki li joo baayimbil puuni lir biken pu.

Jeremia 32:24

“Babiloŋ yaab maa ŋikɔl ŋikɔl kitiŋ kimina aagon aataab ke bi nyaŋ ki, le ki bi tak ki. Butɔb, ni nkon, ni iween ga cha bi nyaŋ kitiŋ kimina. Sin aabaa kan ke saah nan len pu na mɔmɔk gbiin a.

Jeremia 32:25

Tɔ, Ndindaan Uwumbɔr, Babiloŋ yaab ban bi nyaŋ kitiŋ kimina, sin mu le bui ke m daa nkpaakon ngbaan biseeraadam aanimbil ni.”

Jeremia 34:17

Le min Uwumbɔr bui ke ni yii maamɔboln, ke naan tii nina aabitiib Israel yaab lifuur li bi ban na. Kina pu na, m ga tii nimi lifuur, m ga tii nimi lifuur ke ni kpo butɔb ni, ni iween ni, ni nkon ni. Maah ga ŋa nimi pu na ga cha dulnyaa wee aatimbol mɔmɔk san ijawaan.

Jeremia 42:17

Binib bi mɔmɔk aanimbil mann ke bi ga buen ti li koo Ijipt aatiŋ pu na, butɔb, ni nkon, ni iween le ga ku bi. Bi ponn ni ubaa aan ŋmar, ubaa aan nya tibɔbir ti m ban m cha ti dan bi pu na.’”

Jeremia 42:22

Kina pu na, teer nimina man: butɔb, ni nkon, ni iween le ga ku nimi kitiŋ ki pu ni ban ke ni ti li koo na.”

Jeremia 5:12

Uwumbɔr aanib yii u ki bui ke, “Mbamɔn, waan sil ŋa nibaa. Tibɔbir aan dan ti pu; butɔb ni nkon aan lir ti pu.”

Jeremia 9:15

Kina pu na, li pel man, min, Uwumbɔr Mpɔɔnsakpiindaan, u ye Israel yaab Aawumbɔr na aah ban m ŋa pu na; m ga di tijikaar ti to na le tii maanib bi ji, ki tii bi njinn bi nyu.

Jeremia 9:16

M ga cha bi yaa koo ŋitimbol ŋi bima ni biyaajatiib aa kee ŋun ŋi pu na ni, le ki di bijab tun ti tak bi ki ti saa buyoonn m ga kuln bi na.”

Esekiel 33:27

“Tuk bi ke min Bidindaan Uwumbɔr sak bi ke maah ye Uwumbɔr u bi n‑yoonn mɔmɔk na pu, bi ga ku binib bi koo tilangbenn aatim ngbaan ni na. Ipeel le ga ŋmɔ binib bi koo itingbaan ni na. Iween mu le ga ku binib bi bɔr ŋijoo ni titakpalunn ni na.

Esekiel 6:11

Tidindaan Uwumbɔr len ke, “Ŋmaan aaŋaal. Di aataa taa kitiŋ mpɔɔn pu. Li wii ni mpombiin Israel yaab aah tun titunwanbir ni tiwan ni sukr ponn ni na pu. Bi ga kpoi butɔb ni, ni nkon, ni iween ni.

Esekiel 7:15

Kijaak bi kitiŋ ponn ni, le iween ni nkon bi ŋidichal ni. Unii umɔk bi timoor ni na ga kpo kijaak ni la, le iween ni nkon ga ku umɔk bi kitiŋ ponn ni na.

Ikaal 28:21

U ga cha iween aabɔŋ dan ni pu, le ki kuln ni mɔmɔk, ubaa aan ti ki gur kitiŋ ki ni ban ni gaa ki na ni.

Tibɔkpiirkaan 6:8

Le m lik ki kan utanyɔnyɔn. Unii u dik u pu na aayimbil ye Nkun. U bi yin u ke Kitekpiitiŋ na mu dii u. Le Uwumbɔr tii bi mpɔɔn ke bi di kijaak aajum, ni nkon, ni iween, ni ipeel ku dulnyaa aanib lipepel nanar wɔb.