Jeremia 23:8 - Uwumbɔr aagbaŋ

⁸ Bi ga li gur puur maayimbil pu ke, ‘Uwumbɔr u bi ki nyan ni Israel aanib ŋŋangan wɔb aatiŋ ni, ni ntim mu ponn ni m cha bi yaa ki bi mu ponn ni na la.’ Le bi ga li koo bima bibaa aatiŋ pu.”

Jeremia 23:8 ပူးပေါင်းရင်းမြစ်များ

Aisaya 11:11

Nwiin ngbaan yaa nan fuu ni kan, Uwumbɔr ga di waapɔɔn kunn ni waanib bi gaar Asiria, ni Ijipt, ni Patros, ni Kus, ni Elam, ni Babiloŋ, ni Hamaf aatim ni, ni ntim mu bi nnyusakpem aagbaan na ni, ni mu bi ŋidik pu nnyusakpem ni na.

Aisaya 14:1

Uwumbɔr ga ki gir san waanib Israel yaab kinimbaak ki lee bi ke uyaab. U ga ki cha bi ki koo baatiŋ ponn ni, le biwɔwɔm ga dan nan li bi bi chee.

Jeremia 16:14

Uwumbɔr nan ki bui ke, “N‑yoonn choo le binib aan nan ki puu tipuur m pu, ke Uwumbɔr u bi, ki nan nyan ni Israel yaab Ijipt aatiŋ ponn ni na.

Jeremia 16:15

Bi ga li gur puur m pu, ke Uwumbɔr u bi, ki nyan ni Israel aanib ŋŋangan wɔb aatiŋ ni, ni ntim mu mɔmɔk ni m nan cha bi yaa ki ti bi mu ni na la. M ga giin ni bi baatiŋ pu, kitiŋ ki m nan di tii biyaajatiib na pu. Min Uwumbɔr le len kina.”

Jeremia 23:3

M ga kuun ni maanib bi ŋmar na ki nya ni ntim mu m yaa bi aan bi bi mu ponn ni na, le ki giin ni bi bido aatiŋ pu. Bi ga li kpa mbim pam ki pɔr kpee.

Jeremia 29:14

Een, m bui ke, ni ga kan mi, le m ga giin ni nimi nido aatiŋ pu. M ga kuun ni nimi litimbol mɔk ni, ni nimɔk m cha ni yaa ki bi na, le m ga giin ni nimi kitiŋ ki pu m nan nyan nimi di buen tinaagbiir ni na. Min Uwumbɔr le len kina.’

Jeremia 30:10

Maanib, taa san ijawaan man; Israel aanib, taa cha ijawaan joo nimi man. M ga nyan ni nimi dandar aatiŋ ni, m ga nyan ni nimi kitiŋ ki ponn ni, ni ye binaagbiib na. Ni ga gir ni linampal ki nan li bi nsuudoon ni, ni ga li bi lifuur ni, le ubaa aan ki cha ijawaan chuu nimi.

Jeremia 30:3

ba pu? n‑yoonn choo le m ga nan giin ni maanib, Israel ni Juda yaab. M ga giin ni bi biyaajatiib aatiŋ ki m nan di tii bi na pu, le ki ga ki ŋa baatiŋ. Min Uwumbɔr le len kina.”

Jeremia 31:8

M ga nyan ni bi ŋŋangan wɔb ki kuun bi nya ni kitiŋ aanaanmɔk. Bijoom ni biwɔb ga dii ni bi, bipudam ni bipiib bi ban bi maa na mu ga dii ni, bi ga gir ni ki li ye litimbol sakpeln.

Jeremia 32:37

M ga ki kuun ni binib ngbaan maaŋuusakpeln aah nan cha bi yaa ki bi ntim mu ni na, ki giin ni bi do, ki nan cha bi li koo nsuudoon ni.

Jeremia 8:3

Le titunwanbir aatimbol limina aanib bi ŋmar, ki koo maah cha bi yaa ki bi nin chee na, ga li neen nkun ki jer ke bi li fu. Min Uwumbɔr le len kina.”

Esekiel 28:25

Tidindaan Uwumbɔr nan ki len ke, “M ga ki nyan Israel yaab maah nan cha bi yaa ki bi ŋitimbol ŋi na ni, ki cha ŋitimbol mɔmɔk bee ke m ye chain la. Israel aanib ga li koo bibaa aatiŋ pu la, kima le ye kitiŋ ki m nan di tii maatutunn Jakob na.

Esekiel 34:13

M ga nyan ni i nwɔwɔtim ni, ki kuun ni i nan kpaan, ki giin ni i yaatiŋ pu. M ga di i giin buen Israel aajoo, ni ikpen chee, ki ga cha i ŋmɔ timoor mmoŋmɔpaan mu ŋan na ni.

Esekiel 36:24

M ga nyan ni nimi litimbol, ni kitiŋ mɔmɔk ni, ki giin nimi nibaa aatiŋ pu.

Esekiel 36:35

Unii mɔmɔk ga len kitiŋ ki nan ye kipɔɔk sakpeŋ na aah kpaln tisar ke Edenn aatiŋ aasaak na, ki len ntim mu binib nan ber, ki yoor mu aawan ki cha mu tilangbenn na aah gur ye binib ŋmeen ki pɔɔk na aabɔr.

Esekiel 37:25

Bi ga li bi kitiŋ ki m nan di tii maatutunn Jakob, nin chee biyaajatiib nan bi na. Bi ga li bi nima chee ki ti saa n‑yoonn mu kaa kpa ndoon na, le baabim ni biyaabitiib mɔmɔk mu ga li bi nima kina. Ubɔr u bi ke maatutunn David na le ga li joo bi ki ti saa n‑yoonn mu kaa kpa ndoon na.

Esekiel 39:28

Nima le maanib ga bee ke min le ye Bidindaan Uwumbɔr. Tiwan ni ga cha bi bee kina na le ye ke min le nan cha bi chur bi buen tinaagbiir ni, le ki ki kuun ni bi ki joo ni bi bibaa aatiŋ pu, kaa cha ubaa kina gaar puwɔb.

Joel 3:7

Dandana wee ma kan, m ban m buen ti nyan ni bi nin chee ni ti di bi kooh tii na la. M ga ŋa nimi ke naah nan ŋa bi pu na,

Maika 7:15

Uwumbɔr, tun lijinjiir aatun tii timi saanib, ke saah nan ŋa pu n‑yoonn mu aa nan nyan ni timi Ijipt aatiŋ ni na.

Sefania 3:20

N‑yoonn ngbaan choo, le m ga giin ni nimi aanib bi yaa na linampal; m ga cha ni li kpa liyimbil dulnyaa wee mɔmɔk ni, ki cha ni ki gir kan liwangol.” Uwumbɔr le len kina.