Jeremia 23:4 - Uwumbɔr aagbaŋ

⁴ M ga ban biyidam bi ga li joo bi na. Maanib aan ki li san ijawaan, le maan ki daa bitafal. Min Uwumbɔr le len kina.”

Jeremia 23:4 ပူးပေါင်းရင်းမြစ်များ

Aisaya 11:11

Nwiin ngbaan yaa nan fuu ni kan, Uwumbɔr ga di waapɔɔn kunn ni waanib bi gaar Asiria, ni Ijipt, ni Patros, ni Kus, ni Elam, ni Babiloŋ, ni Hamaf aatim ni, ni ntim mu bi nnyusakpem aagbaan na ni, ni mu bi ŋidik pu nnyusakpem ni na.

Jeremia 30:10

Maanib, taa san ijawaan man; Israel aanib, taa cha ijawaan joo nimi man. M ga nyan ni nimi dandar aatiŋ ni, m ga nyan ni nimi kitiŋ ki ponn ni, ni ye binaagbiib na. Ni ga gir ni linampal ki nan li bi nsuudoon ni, ni ga li bi lifuur ni, le ubaa aan ki cha ijawaan chuu nimi.

Jeremia 31:10

Uwumbɔr ki bui ke, “Ŋitimbol, li pel m chee man, ki di maabɔr moon nnyusakpem aagbaan ni daa na. M nan yaa maanib, le m ga ki kuun ni bi, ki li kpaa bi ke upihkpaal aah kpaa waapiih pu na.

Jeremia 33:26

Ni ye mbamɔn ke maah ŋa kina pu na, kina le m ga li beenin joo tipuur ti m puu tii Jakob aayaabitiib, ni maatutunn Ubɔr David na. M ga lee Ubɔr David aayaabitiib ponn ni ubaa le u li joo Abraham, ni Aisak, ni Jakob aayaabitiib. M ga san maanib kinimbaak ki cha bi ki kan nkam.”

Esekiel 36:11

M ga cha binib ni tiwakor moo pɔr kpee. Ni ga wiir jer n‑yaayoonn na, le ki ga kan mbim pam. M ga cha ni li koo nima chee ke naah nan koo pu na, ki ga cha ni kan liwangol ki jer naah kaa kee kan pu na. N‑yoonn ngbaan le ni ga bee ke min le ye Uwumbɔr.

Liifai Yaab 26:9

M ga ŋa nimi tinyoor ki tii nimi mbim pam. Maah puu tipuur ti tii nimi na, m ga ŋa min yaan.

Maika 4:4

Unii mɔmɔk ga li bi nsuudoon ni ubaa aadaan aasubil, ni ŋisubil ŋiken aasui aasar ni, le ubaa aan faan u nima. Uwumbɔr Mpɔɔnsakpiindaan le puu kina.

Maika 5:2

Uwumbɔr bui ke, “Betlehem Efrata, aa ye kitiwaatiir kibaa le Juda aatiŋ pu, le sin ponn ni le m ga nyan ni ujojoor u ga li joo Israel aanib na, u ga nya ni mmaal mu ye n‑yaayoonn na aamaal ponn ni la.”

Maika 7:14

Uwumbɔr, li bi saanib bi aa lee na chee ke upihdaan na. Bi yaa, ki bi kipɔɔk ni la, le kitiŋ ki nyuun na bi bi chee. Cha bi buen Basann, ni Gilead aapihkpaamoor ti nyuun na ni, ke baah nan bi n‑yaayoonn na pu na.

Sefania 3:13

Israel aanib bi ŋmar na aan tun ubaa taani, kaan gii inyamɔn, kaan ŋmann ubaa. Bi ga kan liwangol, ki li bi ŋŋmarm ni, kaan li san unii ubaa ijawaan.”

Nkahm 31:49

ki ti bui u ke, “Uninkpel, ti mɔmɔk aah nan di bijab bi buen butɔb ni ki gir ni aan ti mɔmɔk kahn timi aajab na, ubaa kina aa wɔŋ.

Jɔnn 17:12

Maah bi bi chee buyoonn na, m lik bi saayimbil li aa tii mi na aapɔɔn pu la. M lik bi, le bi ponn ni ubaa aa bee yɔli, see nifam na baanja. Waah bee fam na, ni gbiin Uwumbɔr Aagbaŋ aah len pu na.

Jɔnn 18:9

U len kina ke ni gbiin waah len pu na, ke Uwumbɔr aah tii u binib bi na, waa cha bi ponn ni ubaa bee fam.

1 Piita 1:5

Naah gaa Yesu ki kii na, nima le Uwumbɔr aapɔɔn biin ni pu, ki ti saa buyoonn ni ga kan waah ga gaa nimi lii mbamɔm pu na, kookoo aataadaal.