Jeremia 23:25 - Uwumbɔr aagbaŋ

²⁵ M nyi bibɔnabr ngbaan aah len pu ki mɔln inyamɔn maayimbil pu, ke min le di maabɔr tuk bi tidaŋ ponn ni pu na aatataa.

Jeremia 23:25 ပူးပေါင်းရင်းမြစ်များ

Mpiin 37:5

Kinyeek kibaa daal, le Josef nan daŋ tidaŋ, le ki tuk ukpetiib tidaŋ ngbaan aabɔr. Waah tuk bi na, le bi moo nann u sakpen.

Mpiin 37:9

Josef nan ki daŋ tidaŋ tiken, le ki bui ukpetiib ke, “M ki daŋ tidaŋ tiken, ki kan nwiin, ni uŋmal, ki kpee iŋmabi kipiik ni ubaa gbaan nnimbiin ni.”

Ilahn 139:2

Aa nyi maah ŋani tiwan nimɔk na; aa bi dandar le ki nyi maah dak pu na.

Ilahn 139:4

Waahr aan m nin len tibɔr na, aa puun nyi maah ga len pu na.

Jeremia 13:27

U kan nimi, ni tun tijɔŋ aatuln. U kan naah chuun ban ŋiwaa ŋigongon paab, ni ikpaakon ni, ke uja aah neen uŋeen aatɔ aapuu pu, bee utanja aah neen utaninkpel pu na. Jerusalem aanib, nimi aamɔfal junn a. Bayoonn aan ni mu ga ŋaŋ?

Jeremia 14:14

Le Uwumbɔr gar mi ke, “Bibɔnabr ngbaan joo maayimbil le geei inyamɔn; maa nan tun bi, kaa tii bi maamɔboln, kaa tii bi nsan mubaa. Tibɔkpiirkaan ti bi joo len na aa nyan ni m chee; baah len ke tiwan ni ga ŋa na aa kpa tinyoor, bima bibaa le dakl ti.

Jeremia 16:17

M waa tiwan ni mɔmɔk bi ŋani na. Nibaa aa bɔ m chee; nnimbil kani baatunwanbir mɔmɔk.

Jeremia 23:28

Ubɔnabr u daŋ tidaŋ na, u bui ke ni ye tidaŋ la, tɔ, ubɔnabr u m di maabɔr tuk u na, u moon ti mbamɔm. Imuul ni timoor aa kpaa.

Jeremia 23:32

Uwumbɔr bui ke, “Li pel man maah len pu na. M ni bibɔnabr bi joo baadaŋ ti gbii inyamɔn na mooni na ga kan tɔb. Bi joo tidaŋ ngbaan le len, ki joo baanyamɔn ni kipupuk ŋmanni maanib. Maa tun bi, kaa bui bi ke bi li cha, le baa kpa nterm mubaa ki tii binib ngbaan. Min Uwumbɔr le len kina.”

Jeremia 27:10

Bi ŋmanni nimi la, le kina ngbaan ga cha bi chur nimi buen dandar ki cha nimi aatiŋ. M ga jenn nyan nimi, le bi ku doo nimi.

Jeremia 27:15

Uwumbɔr ubaa le len ke waa tun ni bi, ke bi joo inyamɔn le tuk nimi waayimbil pu. Kina pu na, u ga jenn nyan nimi, le bi ku nimi; nimi ni bibɔnabr bi joo inyamɔn yee tuk nimi na ga kpo.”

Jeremia 29:23

Baah tun titunwanbir sakpen pu na, baadoon le ga li bi na; bi goor kidagook, ki di Uwumbɔr aayimbil geei inyamɔn. Uwumbɔr aa nan gee kina; u nyi baah tun pu na, le uma le ye useeraadaan. Uwumbɔr le len kina.”

Jeremia 29:8

Min Uwumbɔr u ye Israel yaab Aawumbɔr na sak nimi ke ni taa cha bibɔnabr bi bi ni ponn ni na li ŋmanni nimi, ki taa cha binib bi bui ke bi nyi fen aabɔr na ŋmann nimi. Taa pel man baadaŋ ti bi daŋni na.

Jeremia 8:6

M pel suuna, le kaa ŋun ubaa len ibamɔn. Ni ponn ni ubaa kina aasui aa bii waabiin pu; ubaa le aa len ke, ‘M tun taani la.’ Ni mɔmɔk cha naah gee nin chee na ke utaan le aah san cha butɔb ni na.

Inandalahn 2:14

Bibɔnabr nan tuk si inyamɔn ŋmeen la. Baah nan tuk si tibɔr ti na le ŋmann si, ba pu? baa nan kpiir saatunwanbir pu. Bi nan cha aa dak ke saa kpa tibɔbir tibaa aa kpiir.

Esekiel 22:28

Maabɔnabr di titunwanbir timina bɔr ke binib aah joo nfatan booni ligoln pu na la. Bi kani tibɔkpiirkaan ti kaa gbii na, le ki geei inyamɔn ke tiwan nee ga ŋa. Bi geei inyamɔn le ke bi nabr Bidindaan Uwumbɔr aamɔboln la, min Uwumbɔr mu aa len bi chee tibɔr.

Joel 2:28

“N‑yoonn mu choo na, m ga di Maafuur Nyaan di ŋa maanib mɔmɔk pu: nijapɔtiib ni nibisatiib ga nabr min Uwumbɔr aah len pu na; nimi aaninkpiib ga daŋ tidaŋ, le nimi aanachipɔm ga kan lijinjiir aawan.

Sekaria 13:3

Le unii u beenin ban ke u nabr tibɔr na aate ni una le ga bui u ke bi ga ku u, ba pu? u bui ke u nabr Uwumbɔr aamɔboln la, le ki tee mɔln inyamɔn. U yaa nabr tibɔr kan, ute ni una le ga saa kijuk ku u.

Nkahm 12:6

Le Uwumbɔr bui bi ke, “Li pel man maah ban m len pu na. N‑yoonn mu maabɔnabtiib bi ni chee na, min le joo mbaa mɔk bi tidaŋ ni, le ki len bi chee tibɔr.

Matiu 1:20

Waah dakl tibɔr ngbaan kina na, le u kan Uwumbɔr aatuun ubaa tidaŋ ponn ni. Le Uwumbɔr aatuun ngbaan bui u, “Josef, Ubɔr David aayaabil, taa yii ke saan joo Mari u li ye aapuu; ba pu? Uwumbɔr Aafuur Nyaan le tii u lipuul ngbaan.

Tibɔnyaan ti Luk ŋmee ti na 12:3

Naah loon len tibɔr ti mbɔmbɔɔn ni na, binib ga ŋun ti nwiihn pu. Naah loon tibɔr ti binib aatafal ni kidiik ponn ni na, bi ga di ti moon lipaal.”

1 Korenti 4:5

Nima pu na, ni yaa kaa kee ŋeer kan, ni taa ji unii ubaa tibɔr, see Tidindaan nan gir ni. Uma le ga kpiir tiwan ni bɔɔ mbɔmbɔɔn ni na, ki kpiir unibɔn mɔmɔk aalandak. Liyaadaal ngbaan kan, Uwumbɔr ga pak binibamɔm mɔmɔk.

Hiibru Yaab 4:13

Tiwan nibaa aa bi ki bɔr Uwumbɔr. Tibɔr mɔmɔk nyan ki dɔ mpaan pu, ki dɔ tiŋmeen unimbil ni. Uma le ti ga len timi aabɔr ki tuk u.

Tibɔkpiirkaan 2:23

ki ga ku waabim mu. Le maanib bi bi ŋipepel mɔmɔk na ga bee ke min le nyi bisui ni aah bi pu na. M ga tii ni ponn ni unii mɔmɔk waatuln aah ŋeer pu na.