Jeremia 23:24 - Uwumbɔr aagbaŋ

²⁴ Ubaa aan ŋmaa bɔr mi m taa kan u. Naa nyi ke m bi paacham, ni kitiŋ ni, ni ni kookoo la aa?

Jeremia 23:24 ပူးပေါင်းရင်းမြစ်များ

Mpiin 16:13

Hagar nan baa ubaa ke, “M sil kan Uwumbɔr, le ki beenin bi limɔfal ni, ki ga ŋmaa tuk binib maah kan u pu na aa?” Le u nan yin Uwumbɔr u nan len u chee tibɔr na ke, “Sin le ye Uwumbɔr u waa mi na.”

1 Bibɔrb 8:27

“Tɔ, Uwumbɔr, m nyi ke saan ŋmaa koo taab do. Hali paacham mɔmɔk aa waa sakpen ki ga ŋeer si, kina pu na, Lidichal li m maa na par ke aa li koo li ponn ni.

2 Bibɔrb Aabɔr 2:6

Tɔ, ubaa mu aan sil ŋmaa maa lidichal tii Uwumbɔr, ba pu? paacham aah wiir sakpen pu na aa kpa mpaan ki tii u. Kina pu na, maah ban m maa Uwumbɔr Aadichal li na ga li ye nin chee ti ga li seer tulalee aayon tii Uwumbɔr na baanja la.

2 Bibɔrb Aabɔr 6:18

“Tɔ, sin Uwumbɔr ga ŋmaa koo taab do, binib aakaasisik ni ii? Hali paacham aah waa sakpen pu na, naa waa ki ŋeer saakokoon yaan. Kina pu na, lidichal limina par ke aa li koo li ponn ni.

Job Aagbaŋ 34:21

U lik binib aah yoor litaal limɔk na.

Job Aagbaŋ 34:22

Mbɔmbɔɔn mubaa aa bi ki bɔɔn sakpen ki ga ŋmaa bɔr titunwanbirdaan Uwumbɔr chee.

Ilahn 10:11

Ubiindaan bui ubaa le ke, “Uwumbɔr aatafal aa bi maah ŋani pu na ni, u ŋumni unimbil la, kaan kan mi daalbaadaal.”

Ilahn 139:7

Maan ŋmaa buen nibaa chee aan saa bi nima. Maan ŋmaa buen nibaa chee kaa bi aanimbiin ni.

Ilahn 139:8

M yaa ba buen paacham kan, aa bi nima chee; m yaa ba sunn ti doon kitekpiitiŋ ni kan, aa bi nima chee.

Ilahn 148:13

Cha bi mɔmɔk pak Uwumbɔr aayimbil. Waayimbil jer ŋiyimbil mɔmɔk, waanyuŋ jer paacham ni kitiŋ.

Ilahn 90:8

Aa joo timi aatunwanbir bilni aanimbiin ni, hali timi aatunwanbir ti bɔr na, aa joo bilni nin chee aa ga li waa ti na la.

Ŋiyataŋak 15:3

Uwumbɔr waa tiwan ni ŋani ŋipepel mɔmɔk ni na; ti yaa ŋani tiwan ni ŋan na, bee ti yaa tun titunwanbir kan, u waa ti.

Aisaya 29:15

Binib bi joo baalandak bɔrni Uwumbɔr na aamɔfal junn a. Bi bɔrni le ki ŋani baatunwanbir ki dak ke ubaa aan kan bi, ubaa mu aan li nyi baah ŋani pu na.

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Aisaya 66:1

Uwumbɔr bui ke, “Kitaapaak le ye maabɔrjal, le kitiŋ ye ntaa aah taa ni pu na. Ni ga maa ba aadichal aaboln ki tii mi, ba aapaan ni ga kan tii mi aan m li koo nima?

Jeremia 16:17

M waa tiwan ni mɔmɔk bi ŋani na. Nibaa aa bɔ m chee; nnimbil kani baatunwanbir mɔmɔk.

Jeremia 32:19

Aa dak ilandak nyaan ki tun ŋitukpaan; aa kani binib aah ŋani tiwan ni mɔmɔk na, le ki pa bi baatun aah ŋeer pu na.

Jeremia 49:10

Le m ma per Esɔ aayaabitiib pel pel ki per woln baabɔbɔryaan chee, ke bi taa ki ŋmaa bɔr. Edom aanib mɔmɔk kuln a. Bi ponn ni ubaa aa gur.

Esekiel 8:12

Uwumbɔr nan baa mi ke, “Unibɔn, aa kan Israel yaab aah looni ki tun ŋitun ŋi libɔɔl ni na aa? Bi mɔmɔk bi kidiik ki ponn ni ye ŋiwaa ŋmeen na, le ki dooni ŋi. Baah len pu na le ye ke, ‘Uwumbɔr aa waa timi. Waa ki bi timi aatiŋ pu.’”

Esekiel 9:9

Uwumbɔr nan gar ke, “Israel aanib ni Juda aanib aabɔr gbii titunwanbir ti bir sakpen na. Bi ku binib kitiŋ kee mɔmɔk pu, le ki di libiil gbiin Jerusalem aatiŋ ni. Bi bui ke min Uwumbɔr yii baatiŋ, kaa ki waa bi.

Daniel 2:22

U kpiir tiwan ni bɔr ki nyoo na; u nyi nimɔk bɔr mbɔmbɔɔn ni na; le nwiihn mann goln uma ubaa.

Daniel 4:35

U lik binib bi bi taab na ke baa ye nibaa u chee. Waatuuntiib ni binib bi bi taab do na bi uŋaal ni la. Ubaa aan ŋmaa kpak waageehn bee u baa u waah ŋani tiwan ni na pu.

Efesusi 1:23

Waanib le ye uma Kristo aawon, le u gbii bi, ki mu bi tiwan nimɔk bi ŋipepel mɔmɔk na ni.

Hiibru Yaab 4:13

Tiwan nibaa aa bi ki bɔr Uwumbɔr. Tibɔr mɔmɔk nyan ki dɔ mpaan pu, ki dɔ tiŋmeen unimbil ni. Uma le ti ga len timi aabɔr ki tuk u.