Jeremia 23:22 - Uwumbɔr aagbaŋ

²² Bi yaa nan ba nyi maalandak i bɔr na kan, bi ba ga di maabɔr tuk maanib, le bi ba di cha titunwanbir, ni mbiin aabimbin mu ponn ni bi bi na.

Jeremia 23:22 ပူးပေါင်းရင်းမြစ်များ

Jeremia 23:14

M ki kan maabɔnabr bi bi Jerusalem aatiŋ ni na aatunwanbir jer kina; bi gɔr kidagook le ki geei inyamɔn; bi ter binib le bi tun titunwanbir, le ubaa aa ŋmaa di cha titunwanbir aatuln. Mma chee kan, bi mɔmɔk bi ke Sodom ni Gomora aanib na la.

Jeremia 23:18

Le m bui ke, “Bibɔnabr ngbaan ubaa aa nyi Uwumbɔr aalandak i bɔr na. Bi ponn ni ubaa aa bee waabɔr aatataa, kaa pel, kaa ŋun tii waah len pu na daalbaadaal.

Jeremia 25:5

Bi nan bui nimi ke ni di cha nimi aabiin aabimbin mu ni bi na, ki di cha titunwanbir ti ni tun na, aan ki li beenin koo kitiŋ ki pu Uwumbɔr nan di tii nimi ni niyaajatiib, ke ki li ye nimi aawan n‑yoonn mɔmɔk na.

Jeremia 35:15

M beenin tun ni maatutum bi ye bibɔnabr na ni chee, le bi tuk nimi ke ni di cha nimi aabimbin mu kaa ŋan na, ki tun ni ŋan na. Bi sak nimi ke ni taa tun tii ŋiwaa, ki taa dooni ŋi, aan ki li beenin bi kitiŋ ki m nan di tii niyaajatiib na pu. Le naan ŋun tii mi, kaa pel m chee kpala.

Jeremia 36:3

Nibaakan, Juda aanib yaa ŋun libiil li mɔmɔk m ban m joo ni bi pu na kan, bi ga di cha baabimbin mu kaa ŋan na. Le m ga di baatunwanbir ni baabiin aatuln cha pinn bi.”

Jeremia 9:12

Le m baa ke, “Uwumbɔr, ba ŋa kitiŋ bii ki kuur ke nteersakpiin na, le ubaa aa ki chuun nima chee? Ŋma kpa nlan ki ga ŋmaa bee nimina aatataa? Ŋma aan aa kpiir mɔk ke u di tuk biken na?”

Esekiel 13:22

“Ni joo nimi aanyamɔn le yɔl bininyaam bi maa kpa nlandak ke m tii bi titotonn na aataakpab. Ni kii titunwanbirdam le baan ŋmaa di cha titunwanbir ki nya nkun ni.

Esekiel 13:5

Baa kiir kitiŋ ngbaan aagon nin chee kar lir na, kaa maa leŋni ŋigon ngbaan pu, kina pu na, Uwumbɔr aatɔb aawiin daal yaa nan fuu ni kan, Israel aatiŋ aan ŋmaa kiir kibaa.

Esekiel 18:30

“Tɔ, min Nidindaan Uwumbɔr le tuk nimi Israel yaab ke m ga ji ni mɔmɔk tibɔr udaan aah tun pu na la. Fenn nipuwɔb tii nimi aatunwanbir ti mɔmɔk ni tun na ki taa cha nimi aatunwanbir kuln nimi.

Esekiel 2:7

Aa ga bui bi maah tuk si ke aa len pu na mɔmɔk, hali bi yaa kaan pel aa chee kan, aa len ti mɔmɔk. Li nyi baah ye bimɔyiib bi na.

Esekiel 3:17

U nan len ke, “Unibɔn, m di si ŋa Israel aatimbol aakikiir la. Aa di nsakm mu m di tii si na nabr bi.

Amos 3:7

Tidindaan Uwumbɔr aa ŋani waawan nibaa kaa puen di ni kpiir mɔk waatutum bi ye waabɔnabtiib na.

Sekaria 1:4

Ni taa li bi ke niyaajatiib na. N‑yaayoonn na le bibɔnabr nan di maabɔr tuk bi, ki tuk bi ke bi taa ki tun titunwanbir, ki taa ki li bi kinimbɔŋ aabimbin ni. Le baa ŋun tii mi, kaa kii maamɔb mu.

Malakai 2:6

Bi nan joo ibamɔn le mɔk maanib, kaa mɔk bi tiwan ni kaa ŋan na. Bi nan kpa lifuur, ki dii mi mbamɔm, le ki ter binib pam ke bi di cha titunwanbir aatuln.

Lituln 20:27

M tuk nimi Uwumbɔr aabɔr mɔmɔk, kaa gur tibaa.

1 Tesalonika 5:6

Nima pu na, ti taa li geeni, ke biken aah geeni pu na. Cha ti li kii, ki chuu tibaa man.