Jeremia 23:21 - Uwumbɔr aagbaŋ

²¹ Le Uwumbɔr bui ke, “Maa tun ni bibɔnabr ngbaan, le bi buen. Maa di maabɔr tibaa tuk bi, le bi len tibɔr maayimbil pu.

Jeremia 23:21 ပူးပေါင်းရင်းမြစ်များ

Aisaya 6:8

N‑yoonn ngbaan le m ŋun Ndindaan aaneel len ke, “M ga tun ŋma? Ŋma ga li ye timi aatuun?” Le m bui ke, “M ga buen. Tun mi.”

Jeremia 14:14

Le Uwumbɔr gar mi ke, “Bibɔnabr ngbaan joo maayimbil le geei inyamɔn; maa nan tun bi, kaa tii bi maamɔboln, kaa tii bi nsan mubaa. Tibɔkpiirkaan ti bi joo len na aa nyan ni m chee; baah len ke tiwan ni ga ŋa na aa kpa tinyoor, bima bibaa le dakl ti.

Jeremia 23:32

Uwumbɔr bui ke, “Li pel man maah len pu na. M ni bibɔnabr bi joo baadaŋ ti gbii inyamɔn na mooni na ga kan tɔb. Bi joo tidaŋ ngbaan le len, ki joo baanyamɔn ni kipupuk ŋmanni maanib. Maa tun bi, kaa bui bi ke bi li cha, le baa kpa nterm mubaa ki tii binib ngbaan. Min Uwumbɔr le len kina.”

Jeremia 27:14

Taa ŋun bibɔnabr bi tuk nimi ke ni taa di nibaa tii u na aabɔr. Bi ŋmanni nimi la.

Jeremia 27:15

Uwumbɔr ubaa le len ke waa tun ni bi, ke bi joo inyamɔn le tuk nimi waayimbil pu. Kina pu na, u ga jenn nyan nimi, le bi ku nimi; nimi ni bibɔnabr bi joo inyamɔn yee tuk nimi na ga kpo.”

Jeremia 28:15

Le m bui Hanania kina, le ki ki len ke, “Hanania, li pel. Uwumbɔr aa nan tun ni si, le aa cha binib ngbaan gaal saanyamɔn ngbaan.

Jeremia 29:31

ke m di Semaya aabɔr tee naŋ tuk binib bi mɔmɔk bi tinaagbiir ni Babiloŋ ponn ni na ke, “Min Uwumbɔr ga daa Semaya ni uyaabitiib aatafal. Maa tun ni u, le u len tibɔr ke waah ye maabɔnabr le na, ki cha ni gaa waah geei inyamɔn i na. Waan li kpa yaabil ni ponn ni. Waah bui maanib ke bi nya mpuwɔb na, waan li bi ki nan kan tiwanyaan ni m ban m nan ŋa tii maanib na. Min Uwumbɔr le len kina.”

Jeremia 29:8

Min Uwumbɔr u ye Israel yaab Aawumbɔr na sak nimi ke ni taa cha bibɔnabr bi bi ni ponn ni na li ŋmanni nimi, ki taa cha binib bi bui ke bi nyi fen aabɔr na ŋmann nimi. Taa pel man baadaŋ ti bi daŋni na.

Jeremia 29:9

Bi joo maayimbil le geei inyamɔn. Maa tun ni bi. Min Uwumbɔr le len kina.’

Jɔnn 20:21

Le u ki bui bi, “Ni li kpa nsuudoon man. Nte Uwumbɔr aah tun ni mi pu na, kina le m mu tun nimi.”

Lituln 13:4

Tɔ, Uwumbɔr Aafuur Nyaan aah tun Banabas ni Sɔɔl pu na, le bi buen, ki ti fuu kitiŋ kibaa ni, bi yin ki ke Selusia, le ki koo buŋɔb ni, ki puur ki ti fuu lidikl pu, bi yin lidikl ngbaan ke Saiprus,

Rom Yaab 10:15

Uwumbɔr yaa kaa tun bi ke bi ti moon waaliin kan, bi ga ŋa kinye aan ki moon i? Ni ŋmee Uwumbɔr Aagbaŋ ni ke, “Binib bi joo ni tibɔnyaan ti tii timi nsuudoon na, bi tii timi mpopiin pam.”