Jeremia 23:2 - Uwumbɔr aagbaŋ

² Uwumbɔr, u ye Israel yaab Aawumbɔr na aah len biyidam bi aatuln ba ye bi li joo waanib mbamɔm na aabɔr pu na sɔ: “Naa joo maanib; ni yaa bi, le ki jenn bi buen. Tɔ, m ga daa nitafal naah tun titunwanbir ti na pu.

Jeremia 23:2 ပူးပေါင်းရင်းမြစ်များ

Nnyam 32:34

Tɔ, siir ki li cha, ki ti loln binib ngbaan pu nsan, ki buen nin chee m bui si na. Teer ke maatuun ga loln ni pu nsan; tɔ, n‑yoonn choo le m ga daa binib ngbaan aatafal, baatunwanbir pu.”

Jeremia 10:21

Le m gar ke, “Timi aayidam ye bilatiirb la; baa baa Uwumbɔr ke u mɔk bi. Nima le cha bi lir, le timi aanib yaa tɔb chee.

Jeremia 11:22

Le Uwumbɔr Mpɔɔnsakpiindaan bui ke, “M ga daa bitafal. Baanachipɔm ga kpoi butɔb ni, le nkon mu ku baabim.

Jeremia 13:17

Ni yaa kaan pel kan, m ga wii libɔɔl ni, nimi aagaak pu. Baah ga di Uwumbɔr aanib buen tinaagbiir ni pu na, m ga wii, le maanyunyunn ti li puu.

Jeremia 13:20

Jerusalem aatiŋ, lik, saadim le nyan ni ŋŋangan wɔb ki choo na. Binib bi bi di ŋa aaŋaal ni na bi la chee, saanib bi aa nan mak bi pu sakpen na bi la?

Jeremia 13:21

Binib bi aa nan dak ke bi ye aajɔtiib na yaa nan nyaŋ si ki joo si kan, aa ga len kinye? Aa ga nan li bi iween ni, ke upii u ban u maa na la.

Jeremia 17:10

Min Uwumbɔr le lik unii aalandak ni le ki tɔŋni binib aasui lik. M ŋani unii mɔmɔk, waabimbin aah bi pu na la, ni udaan aah tun pu na.”

Jeremia 23:34

Maanii ubaa, bee ubɔnabr ubaa, bee utotoor le yaa bui ke ‘Uwumbɔr aabɔr’ kan, m ga daa u ni waadichal aatafal.

Jeremia 44:22

Din wee na, nimi aatiŋ dɔ nkuun, le ubaa aa bi ki pu. Binib gur san ki ijawaan la, le Uwumbɔr aah kaa nan ki ŋmaa gaa nimi aabiin ni titunwanbir pu na, le binib gur joo kaayimbil puuni lir biken pu.

Jeremia 5:29

“Le min Uwumbɔr ga daa bitafal tiwan nee mɔmɔk pu; m ga teen litimbol ngbaan.

Jeremia 5:9

M taa daa bitafal nimina pu ki teen kina aatimbol aa?

Jeremia 8:12

Maanib aa nan san inimɔɔn baajɔŋ aatun ŋee pu. Mbamɔn, baa nan san inimɔɔn kpala; naa kpaan nyi naah ga mɔk pu ke inimɔɔn joo nimi na. Kina pu le ni ga lir ke biken aah lir pu na; m yaa nan daa nitafal kan, naadoon le na. Min Uwumbɔr le len kina.

Esekiel 34:5

Ipiih ngbaan aah kaa kpa upihdaan na, le i yaa, le ipeel chur i ki di i ŋman.

Hosea 2:13

N‑yoonn mu mɔmɔk u nan sulni mbɔr ki seer tulalee aayon tii liwaal Baal ki peeni nleenyaan ki san dii ubɔtiib na pu le m ga daa utafal. Uwumbɔr le len kina.

Maika 7:4

Hali binib bi ŋan ki bi chob na aa kpa tinyoor tibaa ke timoor aah bi pu na la. N‑yoonn mu Uwumbɔr ga di daa binib ngbaan aatafal, ke waah nan cha waabɔnabtiib sak bi pu na fuu ni a. Dandana wee, baalan ŋmal a.

Sekaria 10:3

Uwumbɔr bui ke, “Biwɔwɔm bi joo maanib na le cha maaŋuul fii sakpen, le m ga daa bitafal. Juda aanib ye maanib la, le min Uwumbɔr Mpɔɔnsakpiindaan ga li joo bi. Bima le ga li ye maatɔb aataan i pɔɔ na.

Sekaria 11:16

M ban upihkpaal tii maapiih, le waa ter ipiih i bi ban bi ku i na. Waa ban kani i wɔŋ na, kaa tei i bun na, kaa kpiini i ŋmar na mu. U tee labr le ki ŋmɔ isakpiin na aanann, le ki dar par itaabuseen.

Matiu 25:36

M nan chuun ŋŋmeen la, le ni nan tii mi tiwanpeenkaan m peen. M nan bun la, le ni dan nan mann mi. M nan bi kiyondiik ni, le ni dan nan lik mi.’

Matiu 25:43

M nan ye uchaan, naa nan gaa mi. M nan chuun ŋŋmeen, naa nan peen mi. M nan bun, naa nan dan nan mann mi. M nan bi kiyondiik ni, naa nan dan nan lik mi.’

Jemisi 1:27

Unii yaa ter nkpobim ni bikpopiib baabɔr ni, ki yaa joo ubaa chain, ki di cha titunwanbir mɔmɔk kan, uma le dii Tite Uwumbɔr mbamɔm, ki bi chain Uwumbɔr aanimbil ni.