Jeremia 23:17 - Uwumbɔr aagbaŋ

¹⁷ Bi tuk binib bi yii kaa pel maah len pu na ke nibaa aan ŋa bi, le ki tuk binib bimɔk kpa tafalaaŋun na ke tibɔbir aan dan bi pu.”

Jeremia 23:17 ပူးပေါင်းရင်းမြစ်များ

2 Samuel 12:10

Nima pu na, n‑yoonn mɔmɔk ni, saanib bibaa ga kpo mpɔɔnkun; ba pu? aa yii maamɔb ki gaa Uria aapuu.

Aisaya 30:10

Bi tuk Uwumbɔr aabɔnabr ke bi ŋmin. Bi len le ke, “Taa bui man timi mbimbin mu ŋan na aabɔr. Bui man timi taah ban ti ŋun pu na. Cha ti li joo timi aajoon.

Aisaya 57:21

Titunwanbirdam aa kpa nsuudoon.” Uwumbɔr aah len pu na le na.

Jeremia 13:10

Titunwanbirdam ngbaan yii kaa kii maamɔb. Bi beenin kpa mbiin ni tafalaaŋun ke baah nan bi pu na la, le ki dooni ŋiwaa, ki tun tii ŋi. Kina pu na, bi ga ŋa ke lichutageln lee aah kaa ki li bi tibaa ni pu na.

Jeremia 18:12

Bi ga gar ke, ‘Aayii, taan ŋa kina. Ti ga li beenin kpa tafalaaŋun, ki tun titunwanbir taah gee pu na la.’”

Jeremia 18:18

Le binib ngbaan bui ke, “Cha ti lik taah ga ŋa Jeremia pu na. Bitotoorb ga li bi n‑yoonn mɔmɔk ki mɔk timi, bilankpalb mu ga ŋmaa sur timi, bibɔnabr mu ga nabr Uwumbɔr aabɔr tii timi. Cha ti ban ngalm tii u man, ki taa ki pel waah len pu na.”

Jeremia 3:17

N‑yoonn ngbaan yaa nan fuu ni kan, bi ga li gur yin Jerusalem ke ‘Uwumbɔr Aabɔrjal’ la, le ŋitimbol mɔmɔk ga kuun nima ki doon mi. Baan ki ŋa bisui i bir ki kpa maaŋuntafal na aah mɔk bi ke bi ŋa pu na.

Jeremia 4:10

Le m bui ke, “Ndindaan Uwumbɔr, aa ŋmann Jerusalem aanib kookoo a. Aa bui bi ke nsuudoon ga li bi, le kijaak aajuk ka bineen ni.”

Jeremia 5:12

Uwumbɔr aanib yii u ki bui ke, “Mbamɔn, waan sil ŋa nibaa. Tibɔbir aan dan ti pu; butɔb ni nkon aan lir ti pu.”

Jeremia 6:14

Bi ŋani ke maanib aabuun aah kaa ye nibaa le na. Bi len le ke, ‘Ni mɔmɔk ŋan,’ le naa ŋan kpala.

Jeremia 7:24

Le baa kii maamɔb, kaa kpa ntafaŋum mu, le ki tee tun baamaaŋuntafal ni baatunwanbir aasui ngbaan aah bui bi pu na, le ki moo bii cha.

Jeremia 8:11

Bi ŋani ke maanib aabuun aah kaa ye nibaa le na. Bi len le ke, ‘Ni mɔmɔk ŋan,’ le naa ŋan kpala.

Jeremia 9:14

Bi tee yii le ki kpa tafalaaŋun ki dooni Baal aawaa ke biyaajatiib aah tuk bi pu na.

Inandalahn 2:14

Bibɔnabr nan tuk si inyamɔn ŋmeen la. Baah nan tuk si tibɔr ti na le ŋmann si, ba pu? baa nan kpiir saatunwanbir pu. Bi nan cha aa dak ke saa kpa tibɔbir tibaa aa kpiir.

Esekiel 13:10

“Bibɔnabr ngbaan len le ke ni mɔmɔk ŋan, le ki joo maanib yenni. Tiwan mɔmɔk mu aa ŋan. Maanib di ŋitakpal woŋ woŋ tɔb pu le ke bi maa ligoln, le bibɔnabr ngbaan dan nan di nkokoyon boon li.

Esekiel 13:19

Ni jinn mi inimɔɔn maanib aanimbiin ni ke ni kan njikaabim ni ŋiboroboro kpin siib. Ni ku binib bi kaa ba ye ke bi kpo na, le ki tee cha binib bi ba ye ke bi kpo na kpa limɔfal. Ni geei inyamɔn tuk maanib, le bi keei tii nimi.”

Esekiel 13:22

“Ni joo nimi aanyamɔn le yɔl bininyaam bi maa kpa nlandak ke m tii bi titotonn na aataakpab. Ni kii titunwanbirdam le baan ŋmaa di cha titunwanbir ki nya nkun ni.

Amos 9:10

Titunwanbirdam bi ŋmal maanib ni na ga kpoi butɔb ni, binib bi mɔmɔk len ke, ‘Uwumbɔr aan cha kinimbɔŋ duun ni timi’ na ga kpoi.”

Maika 2:11

“Binib bee ban bibɔnabr bi chuun ŋmanni ki geei inyamɔn, ki len ke, ‘M nabr ke ni ga gur ndaan la.’

Maika 3:11

Igaŋgaŋlik pu le kitiŋ ngbaan aajojoob joo ki, le bitotoorb tuk binib Uwumbɔr Aakaal ki gaal tipar, le bibɔnabr mu kpiir Uwumbɔr aah len pu na ŋimombil pu, le bi mɔmɔk len ke Uwumbɔr bi ti chee. Bi len le ke, “Tibɔbir tibaa aan dan ti chee. Uwumbɔr bi ti chee.”

Maika 3:5

Baabɔnabr bi gaal tipar na le ŋmann maanib ke nsuudoon bi bi chee, le ki faani binib bi kaa pa bi na ke butɔb choo. Uwumbɔr bui bibɔnabr ngbaan ke,

Sefania 1:12

“N‑yoonn ngbaan le m ga yoor karyaa ki biln Jerusalem aatiŋ ponn ni. M ga daa binib bi lik bibaa ke bi ye bininyuum ki lik pak bibaa na aatafal. Bi len ke, ‘Uwumbɔr aa ŋani nibaa ni ŋan, kaa ŋani ni kaa ŋan na mu.’

Sekaria 10:2

Binib chaa bibɔɔb ni ŋiwaa chee ti buu tibɔɔr, ni mu aah tuk bi tibɔr ti na ye inyamɔn le kaa kpa ŋitaa. Bibaa mu bui ke bi nyi tidaŋ aatataa, le ki cha ni yenni. Bi mɔmɔk aah tii mpopiin mu na ye fam la. Kina pu le binib ngbaan chuun yiini ke ipiih i wɔŋ na. Baah kaa kpa usaloln na le cha bi bi tibɔr ni.

Malakai 1:6

Uwumbɔr Mpɔɔnsakpiindaan bui bitotoorb ke, “Japɔɔn nyuŋni ute la, le ututunn mu nyuŋni udindaan. Nite le ye mi, ba ŋa naa nyuŋni mi? Nidindaan le ye mi, ba ŋa naa pak mi? Ni lik mi fam, le ki tee baa ke, ‘Ti lik si fam kinye?’

Nkahm 11:20

ni ga ŋmɔ ti uŋmal ubaa le ti nuŋ nimɔfal ni, le ti ga cha ni buŋ kina pu. Ni ga ŋa kina, ba pu? ni yii Uwumbɔr u bi ni chee na, ki ŋulni ke naa ba gee ke ni nya Ijipt aatiŋ ni.’”

Tibɔnyaan ti Luk ŋmee ti na 10:16

Yesu nan tuk waadidiliib, “Unii u ŋun nimi aabɔr na kan, u ŋun maabɔr le na. Unii u yii nimi na kan, u yii mi le na. Unii u yii mi na kan, u yii Uwumbɔr u tun ni mi na le na.”

Ikaal 29:18

Ni pɔɔn nibaa ki taa cha uja, bee upii, bee mmaal, bee linibol li si do din wee na fenn bipuwɔb tii Tidindaan Uwumbɔr ki dooni ŋinibol ngbaan aawaa. Ni yaa ŋa kina kan, ni ga li bi ke ulɔnn yaa punn idi ni kan, u ku i pu na la.

Ikaal 29:19

Ni mɔmɔk ubaa taa ŋmann ubaa ke naah si do din wee ki ŋun tipuur tee na, u ki pɔɔn usui, ki fenn dii ubaa aasan, ki bui ubaa ke nibaa aan ŋa u. Waabimbin ga bii ni mɔmɔk, bi ŋan na, ni bi kaa ŋan na doo.

1 Tesalonika 4:8

Unii umɔk yii mmɔkm ngbaan na, naa ye binib aamɔkm le u yii, u yii Uwumbɔr u tii nimi Waafuur Nyaan na aamɔkm la.

1 Samuel 2:30

Min, Israel yaab Aadindaan Uwumbɔr le nan puu n‑yoonn mu jer na ke saadichal ni saamaal le ga li tun maatuln ke bitotoorb na n‑yoonn mɔmɔk. Le dandana wee m len ke maan ŋa nimi kina. Maah ga ŋa pu na sɔ, m ga nyuŋ binib bi nyuŋni mi na la, le ki lik seen binib bi lik mi fam na.