Jeremia 23:16 - Uwumbɔr aagbaŋ

¹⁶ Uwumbɔr Mpɔɔnsakpiindaan bui Jerusalem aanib ke, “Taa pel man bibɔnabr ngbaan aah len pu na; bi joo inyamɔn aamakl le gbiini nimi. Bi tuk nimi bima bibaa aah kal ki dakl pu na la, naa ye min mbaa aah len pu na.

Jeremia 23:16 ပူးပေါင်းရင်းမြစ်များ

1 Bibɔrb 22:11

Bi ponn ni ubaa, Kenaana aajapɔɔn Sedekia nan naan tikur aayiin le ki bui Ahab ke, “Uwumbɔr aah len pu na sɔ: ‘Aa ga di nimina le jan Siria yaab kijaak ki nyaŋ bi pel pel.’”

2 Bibɔrb 17:15

Bi nan yii kaa kii waamɔkm, baa nan joo tipuur ti u nan puu tii biyaajatiib na, le kaa di waah nan sak bi pu na yin nibaa. Bi nan dooni waafam tiib, le ki mu ŋa fam bibaa, le ki nan dii ŋitimbol ŋi mann goln bi na aakaal ki yiil Uwumbɔr aah bui ke bi taa li ŋani ŋitimbol ngbaan aah ŋani pu na.

2 Bibɔrb Aabɔr 18:5

Kina pu, le Ahab nan yin bibɔnabr bi aawiwiir ga nan pii ikui inaa na, le ki nan baa bi ke, “M buen ti tak Ramof aatiŋ aan m taa buen?” Bi nan gar u ke, “Ti tak ki. Uwumbɔr ga tii si linyaŋ.”

Ŋiyataŋak 19:27

Maabo, aa yaa di cha tiwan aabaem kan, aa ga kpaan suln saah puun nyi tiwan ni na.

Jeremia 14:14

Le Uwumbɔr gar mi ke, “Bibɔnabr ngbaan joo maayimbil le geei inyamɔn; maa nan tun bi, kaa tii bi maamɔboln, kaa tii bi nsan mubaa. Tibɔkpiirkaan ti bi joo len na aa nyan ni m chee; baah len ke tiwan ni ga ŋa na aa kpa tinyoor, bima bibaa le dakl ti.

Jeremia 2:5

Uwumbɔr bui ke: “Ngalm mulamu aan niyaajatiib nan di galn mi? Ba nan cha bi fenn bipuwɔb tii mi? Bi nan dooni ŋiwaa ŋi kaa bi tibaa ni na le ki mu kpaln maabitibaanidam bibaa.

Jeremia 23:21

Le Uwumbɔr bui ke, “Maa tun ni bibɔnabr ngbaan, le bi buen. Maa di maabɔr tibaa tuk bi, le bi len tibɔr maayimbil pu.

Jeremia 23:26

Bibɔnabr ngbaan ga li joo baah naan inyamɔn i na ŋmanni maanib ki ti saa bayoonn?

Jeremia 29:23

Baah tun titunwanbir sakpen pu na, baadoon le ga li bi na; bi goor kidagook, ki di Uwumbɔr aayimbil geei inyamɔn. Uwumbɔr aa nan gee kina; u nyi baah tun pu na, le uma le ye useeraadaan. Uwumbɔr le len kina.”

Jeremia 29:8

Min Uwumbɔr u ye Israel yaab Aawumbɔr na sak nimi ke ni taa cha bibɔnabr bi bi ni ponn ni na li ŋmanni nimi, ki taa cha binib bi bui ke bi nyi fen aabɔr na ŋmann nimi. Taa pel man baadaŋ ti bi daŋni na.

Jeremia 9:12

Le m baa ke, “Uwumbɔr, ba ŋa kitiŋ bii ki kuur ke nteersakpiin na, le ubaa aa ki chuun nima chee? Ŋma kpa nlan ki ga ŋmaa bee nimina aatataa? Ŋma aan aa kpiir mɔk ke u di tuk biken na?”

Jeremia 9:20

Le m bui ke, “Nimi bipiib, li pel man Uwumbɔr chee, ki ŋun waamɔboln. Mɔk nibisatiib likpuul aawiim, ki mɔk ninaakoontiib ikpolahn aagaam.

Inandalahn 2:9

Ibisamɔi gur dɔ sub tibir ni, le yaakudɔ kool yuk yuk. Ubɔr ni bininyuum na gur bi tinaagbiir ni la. Ubaa aa ki mɔk binib Uwumbɔr Aakaal Aagbaŋ, le Uwumbɔr aa ki kpiir tibɔr tuk waabɔnabtiib.

Esekiel 13:16

bima le ye bibɔnabr bi nan bui Jerusalem aatiŋ aanib ke tiwan mɔmɔk ŋan, aan ni mu aa ŋan na.” Bidindaan Uwumbɔr le len kina.

Esekiel 13:23

Nimi aanyamɔn aabɔkpiirkaan, ni tibɔr ti ni joo cha binib yenni isan na aabɔr doo a. M bi nyani maanib nimi aapɔɔn ni, le ni ga bee ke min le ye Uwumbɔr.”

Esekiel 13:3

Bidindaan Uwumbɔr aah kpa pu u len na sɔ: “Bibɔnabr, bijɔrb bimina aamɔfal junn a. Bi dii bibaa aalandak la, le ki naani bibaa aabɔkpiirkaan.

Esekiel 13:6

Baabɔkpiirkaan ye inyamɔn la, le baah len ke tiwan ni ga ŋa na aa gbii. Bi bui ke maabɔr le bi joo len, m mu aa tun ni bi. Bi mu dak ke baamɔbon ga gbiin la.

Esekiel 22:28

Maabɔnabr di titunwanbir timina bɔr ke binib aah joo nfatan booni ligoln pu na la. Bi kani tibɔkpiirkaan ti kaa gbii na, le ki geei inyamɔn ke tiwan nee ga ŋa. Bi geei inyamɔn le ke bi nabr Bidindaan Uwumbɔr aamɔboln la, min Uwumbɔr mu aa len bi chee tibɔr.

Maika 2:11

“Binib bee ban bibɔnabr bi chuun ŋmanni ki geei inyamɔn, ki len ke, ‘M nabr ke ni ga gur ndaan la.’

Matiu 7:15

“Ni li nyi binyamɔndam bi ŋmanni ke bi ye Uwumbɔr aabɔnabr na. Bi ŋmanni ke bi ye ipiih, le ki tee ye ŋisapol ŋi ga bii nimi na.

Rom Yaab 1:21

Bi nyi ke u bi, ki mu aa nyuŋni u waah ŋeer pu na, ki mu aa dooni u waaterm pu. Nima le baalandak bee fam. Bisui ni bɔɔn la, kaa kpa nlan.

1 Jɔnn 4:1

Maanigeekaab, binib yaa len ke bi kpa Uwumbɔr Aafuur Nyaan kan, ni taa pak bi mɔmɔk. Ni lik baah len pu na, aan ki bee ke ni ye Uwumbɔr Aafuur Nyaan le cha bi len aan naa ye. Biŋmaŋmannim chuun dulnyaa wee ni ki wiir, ki len ke bi ye Uwumbɔr aabɔnabtiib, kaa ye.