Jeremia 23:14 - Uwumbɔr aagbaŋ

¹⁴ M ki kan maabɔnabr bi bi Jerusalem aatiŋ ni na aatunwanbir jer kina; bi gɔr kidagook le ki geei inyamɔn; bi ter binib le bi tun titunwanbir, le ubaa aa ŋmaa di cha titunwanbir aatuln. Mma chee kan, bi mɔmɔk bi ke Sodom ni Gomora aanib na la.

Jeremia 23:14 ပူးပေါင်းရင်းမြစ်များ

Mpiin 13:13

Ntim ngbaan aanib nan ye titunwanbirdam la, le ki tun ni kaa ŋan na Uwumbɔr aanimbiin ni.

Mpiin 18:20

Le Uwumbɔr bui Abraham ke, “M ŋun Sodom ni Gomora aatim aanib aah tun titunwanbir sakpen pu na,

Mpiin 19:24

N‑yoonn ngbaan le Uwumbɔr cha mmiigaal ni chirbil lir Sodom ni Gomora aatim ngbaan pu.

Mpiin 19:25

Mu nan bii ntim ngbaan, ni itingbaan mɔmɔk doo, le binib mɔmɔk, ni timoor, ni isui, ni tiwan nimɔk nan bi ntim ngbaan ni na kpo doo.

Aisaya 9:15

Bininkpiib bi por na, ni baaninyuum le ye liyil, le ŋitaa ye Uwumbɔr aabɔnabr bi joo inyamɔn mɔk binib ngbaan na.

Jeremia 14:14

Le Uwumbɔr gar mi ke, “Bibɔnabr ngbaan joo maayimbil le geei inyamɔn; maa nan tun bi, kaa tii bi maamɔboln, kaa tii bi nsan mubaa. Tibɔkpiirkaan ti bi joo len na aa nyan ni m chee; baah len ke tiwan ni ga ŋa na aa kpa tinyoor, bima bibaa le dakl ti.

Jeremia 18:13

Uwumbɔr len ke, “Baa ŋitimbol mɔmɔk ke kina aawan kee ŋa aa? Israel aanib tun tibɔbir ti kaa ŋan na.

Jeremia 20:16

Cha u li bi ke ntim mu Uwumbɔr kuln mu, kaa san mu kinimbaak na. Cha u li ŋun iween aawiil pu kichakpiik ni ki ŋun butɔb aakuun pu nwiin aakaasisik ni,

Jeremia 23:17

Bi tuk binib bi yii kaa pel maah len pu na ke nibaa aan ŋa bi, le ki tuk binib bimɔk kpa tafalaaŋun na ke tibɔbir aan dan bi pu.”

Jeremia 23:22

Bi yaa nan ba nyi maalandak i bɔr na kan, bi ba ga di maabɔr tuk maanib, le bi ba di cha titunwanbir, ni mbiin aabimbin mu ponn ni bi bi na.

Jeremia 23:32

Uwumbɔr bui ke, “Li pel man maah len pu na. M ni bibɔnabr bi joo baadaŋ ti gbii inyamɔn na mooni na ga kan tɔb. Bi joo tidaŋ ngbaan le len, ki joo baanyamɔn ni kipupuk ŋmanni maanib. Maa tun bi, kaa bui bi ke bi li cha, le baa kpa nterm mubaa ki tii binib ngbaan. Min Uwumbɔr le len kina.”

Jeremia 29:21

“Uwumbɔr Mpɔɔnsakpiindaan, u ye Israel yaab Aawumbɔr na, len Kolaya aajapɔɔn Ahab ni Maaseya aajapɔɔn Sedekia, bi chuun joo waayimbil geei inyamɔn tuk nimi na aabɔr. U len ke u ga di bi ŋa Babiloŋ Aabɔr Nebukadnesar aaŋaal ni, le u ku bi ninimbil ni.

Jeremia 29:23

Baah tun titunwanbir sakpen pu na, baadoon le ga li bi na; bi goor kidagook, ki di Uwumbɔr aayimbil geei inyamɔn. Uwumbɔr aa nan gee kina; u nyi baah tun pu na, le uma le ye useeraadaan. Uwumbɔr le len kina.”

Jeremia 36:2

“Ban kigbaŋ ki ŋmee maah tuk si Israel, ni Juda, ni ŋitimbol mɔmɔk aabɔr ti na ŋa ki ponn ni. Ŋmee maah nan piin bundaal ki len aa chee tibɔr na, buyoonn Josia nan ye ubɔr na, ki nan saa din wee na.

Jeremia 49:18

Tiwan ni nan ŋa Sodom ni Gomora aatim aan mu ni ntim mu nan bi gbɔk mu na kuln na, kina le ga ŋa Edom aatiŋ mu. Ubaa aan ki koo nima kpala. Min Uwumbɔr le len kina.

Inandalahn 4:6

Maanib kan ntafadaan ki jer Sodom yaab bi Uwumbɔr aaŋaal nan dan nan kuln bi liwinbaal na.

Esekiel 13:16

bima le ye bibɔnabr bi nan bui Jerusalem aatiŋ aanib ke tiwan mɔmɔk ŋan, aan ni mu aa ŋan na.” Bidindaan Uwumbɔr le len kina.

Esekiel 13:19

Ni jinn mi inimɔɔn maanib aanimbiin ni ke ni kan njikaabim ni ŋiboroboro kpin siib. Ni ku binib bi kaa ba ye ke bi kpo na, le ki tee cha binib bi ba ye ke bi kpo na kpa limɔfal. Ni geei inyamɔn tuk maanib, le bi keei tii nimi.”

Esekiel 22:25

Kaasalolm bi ke ichinn na la, le ki ŋuuni yaah ku tinann ti na pu. Bi ku binib, le ki yoor ŋimombil ni liwangol li bi kan na, le baanikul ngbaan pu bikpopiib pam bi.

Hosea 6:10

M kan tibɔbir tibaa Israel aatiŋ ni: tima le ye ke maanib Israel yaab bii bibaa le ki dooni ŋiwaa.

Amos 4:11

“M nan doo nimi bibaa ke maah nan doo Sodom ni Gomora yaab pu na. Nimi bi nan ŋmar na nan naahn limiidɔtɔgeln la. Nee mu aa cha ni gir ni m chee.” Min Uwumbɔr le len kina.

Maika 1:5

Israel aanib aah tun titunwanbir ki yii Uwumbɔr aamɔb na le ga cha nimina mɔmɔk ŋa kina. Ŋma aan bi ga galn Israel yaab aah yii Uwumbɔr aamɔb pu na pu? Ni ye Israel aatiyil Samaria la. Ŋma bi Juda aatiŋ ni ki dii ŋiwaa? Ni ye Jerusalem aatiŋ la.

Maika 3:11

Igaŋgaŋlik pu le kitiŋ ngbaan aajojoob joo ki, le bitotoorb tuk binib Uwumbɔr Aakaal ki gaal tipar, le bibɔnabr mu kpiir Uwumbɔr aah len pu na ŋimombil pu, le bi mɔmɔk len ke Uwumbɔr bi ti chee. Bi len le ke, “Tibɔbir tibaa aan dan ti chee. Uwumbɔr bi ti chee.”

Sefania 3:4

Uwumbɔr aabɔnabr bi bi ki ponn ni na kpa kigaak kaa kpa mbamɔn; le bitotoorb bii tiwan ni bi chain na, le ki fenn Uwumbɔr aakaal diir baah gee niwɔb na.

Sekaria 13:2

N‑yoonn ngbaan kan, m ga nyan ŋiwaa aayimbil mɔmɔk kitiŋ ngbaan pu, le ubaa aan ki teer ŋibɔr daalbaadaal. M ga jenn nyan unii umɔk ŋmann ke u ye maabɔnabr na, le ki nyan binib bimɔk tun lituln li kaa ŋan na kitiŋ ngbaan ni.

Malakai 1:1

Uwumbɔr aah nan di waabɔr ti tuk waabɔnabr Malakai ke u di tuk Israel yaab na sɔ.

Matiu 11:24

M tuk nimi la, bundaln Uwumbɔr ga ji binib tibɔr na, nimi aatafadaan ga jer Sodom aatiŋ aanib aatafadaan.”

Ikaal 32:32

Baadim ye titunwanbirdam ke Sodom ni Gomora yaab na la, le ki naahn ŋisubil aadaan aasui i lu ŋisubil ŋi to ki kpa liluul na.

1 Timoti 4:2

Bipɔnib ngbaan ga cha binib bibaa ŋmann ke bi mɔk binib Uwumbɔr aasan. Bi ye binyamɔndam la. Baalandak aa ki muk bi baatunwanbir pu.

2 Piita 2:6

Tɔ, Uwumbɔr nan bii Sodom ni Gomora aatim ki cha mu kpaln nfatan, ki kuln ntim ngbaan aanib. Ni ye limɔkl la, le ki mɔk titunwanbirdam Uwumbɔr aah ga daa bitafal pu na.

Juud 1:7

Teer man, Sodom ni Gomora aatim, ni itingbaan na aanib bi nan gɔr kidagook, ki mu yii bipiib ki ban bijab na aabɔr. Uwumbɔr nan daa bitafal, ki di bi ŋa mmii mu kaan junn na ni, ni le ye nsurm ki tii titunwanbirdam mɔmɔk.

Tibɔkpiirkaan 11:8

Le ŋinikpol ngbaan ga li dɔ kitisakpeŋ na aasan ni. Uwumbɔr yin kitiŋ ngbaan ke Sodom, ki ki yin ki ke Ijipt. Bi nan kpaa Tidindaan ndɔpuinkoo pu nima la.

Tibɔkpiirkaan 19:20

Le u chuu upeel ngbaan, ni waabɔnabr u nan tun lijinjiir aatun unimbiin ni ki ŋmanni binib bi nan gaa upeel ngbaan aadaan ki dii waawaal na. Bi nan chuu upeel ngbaan ni waabɔnabr ngbaan ki di ŋa chirbil aamii sakpiin ni, bifuub.

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”

Tibɔkpiirkaan 22:15

Le tiniwanbir, ni bibɔɔb, ni bidagoob, ni binikurb, ni biwaadam, ni binyamɔndam, ni biŋmaŋmannim ma kan, baan koo ni kitiŋ ngbaan ni.