Jeremia 22:8 - Uwumbɔr aagbaŋ

⁸ “Nee aapuwɔb le biwɔwɔm pam ga jer, le ki baa tɔb ke ba ŋa min Uwumbɔr ŋa kitisakpeŋ kee kina.

Jeremia 22:8 ပူးပေါင်းရင်းမြစ်များ

Jeremia 16:10

“Aa yaa tuk bi timina mɔmɔk kan, bi ga baa si ke ba ŋa m ŋa kina aalandak ke m daa bitafal sakpen kina. Bi ga baa ke ba aatimbiil aan bi bii, ki baa ke ba aatunwanbir aan bi tun Bidindaan Uwumbɔr.

Jeremia 40:2

Uyidaan ngbaan nan di mi nyan n‑gbaan le ki bui mi ke, “Aadindaan Uwumbɔr nan puu ke kitiŋ kimina ga bii,

Jeremia 40:3

le ki sil ŋa waah nan len pu na. Saanib aah tun Uwumbɔr titunwanbir, kaa kii waamɔb pu na, le cha nimina mɔmɔk ŋa.

Inandalahn 4:12

Ubaa aa nan bi nibaa chee, hali ntiyayam aayidam aa nan dak ke udin ga ŋmaa dii Jerusalem aabisamɔi ki koo ki ponn ni.

Esekiel 12:16

M ga cha bi ponn ni siib nya butɔb, ni nkon, ni iween ngbaan ni, aan bi yaa ŋmal ŋitimbol ngbaan ni kan, bi ga kan baabimbin mu sukr ponn ni na aah tun pu na, ki tii naadii ke min le ye Uwumbɔr.”

Esekiel 14:23

le aa ga bee ke tiwan ni mɔmɔk m ŋa na nan kpa naatataa.” Aadindaan Uwumbɔr le len kina.

Esekiel 39:23

Nima le ŋitimbol ga bee ke Israel yaab aah tun mi titunwanbir ti pu na, le bi nan chur bi tinaagbiir. M nan fenn mpuwɔb tii bi, ki cha baadim nyaŋ bi, ki ku bi butɔb ni.

Esekiel 5:15

“Maaŋuul yaa fii ni pu sakpen aan m daa nitafal liŋuul pu kan, ijawaan ga chuu ŋitimbol ŋi mann goln nimi na. Biponn ni ga li sukr ni pu, le bi ga li joo nimi ŋani yaansara.

Daniel 9:7

Ndindaan, aa ŋani tiwan ni ŋan na n‑yoonn mɔmɔk, le tima joo ni inimɔɔn nan tii tibaa n‑yoonn mɔmɔk. Nimina ye mbamɔn ki tii timi bi bi Judea ni Jerusalem aatiŋ ni na, ni Israel yaab bi aa cha bi yaa ki bi ntim mu bi dandar na, ni mu duun na ni na, ke baa dii si mbamɔm.