Jeremia 22:3 - Uwumbɔr aagbaŋ

³ “Min Uwumbɔr bui ke ni li ŋani tiwan ni ŋan ki ye ibamɔn na. Ni sil unii u uken bi ji u na aapuwɔb. Taa ŋa biwɔwɔm, ni nkpobim, ni bikpopiib mbiin; ki taa ku binib bi kaa tun taani ubaa na do chee na.

Jeremia 22:3 ပူးပေါင်းရင်းမြစ်များ

2 Samuel 23:3

Israel yaab Aawumbɔr le len ke, “Ubɔr u joo ibamɔn joo waanib, ki joo bi Uwumbɔr aah mɔk pu na

2 Bibɔrb 24:4

ni waah nan ku binib bi kaa tun taani ubaa na pu na la. Uwumbɔr aa nan ŋmaa di cha pinn Manase kina pu.

Job Aagbaŋ 22:9

Aa nan yii kaa ter bikpopiib le ki nan sun nkpobim aawan ki ŋa bi falaa.

Job Aagbaŋ 24:9

Mbipɔm bi kaa kpa tetiib na le titunwanbirdam chur ŋani baanaagbiib, le ki joo ugiin aabim pa waapɔln.

Ilahn 68:5

Uwumbɔr u bi waadichal li bi chain na ponn ni na lik nkpobim, le ki kii bikpopiib.

Ilahn 82:4

Nyan bi titunwanbirdam aapɔɔn ni man.

Ilahn 94:21

ki kpokl binib bi aabimbin ŋan na pu ki cha bi ku binib bi kaa tun taani na,

Ilahn 94:6

Bi ku bikpopiib ni nkpobim, ki ku biwɔwɔm bi bi timi aatiŋ pu na.

Nnyam 22:21

“Ni taa ŋa uwɔwɔnja mbiin, ki teer ke ni mu nan ye biwɔwɔm le Ijipt aatiŋ ni.

Nnyam 22:22

Ni taa ŋa ukpopii, bee ukpobo ubaa mbiin.

Ŋiyataŋak 23:10

Taa foor aayaaja aapɔnja aah si nin chee na. Taa gaa nkpobim aatiŋ.

Aisaya 1:23

Saayidam ye binib bi kaa kii maamɔb na la, ki ye binaayukb aajɔtiib, le ki gaal ipiin, ni igaŋgaŋlik n‑yoonn mɔmɔk. Baa ter nkpobim buyoonn bi bi tibɔr ni na, kaan pel bikpopiib aabɔr buyoonn bi di ti fuu ni bi chee na.

Aisaya 58:6

“Maah ban kimɔlul ki aaboln na sɔ: Chuu nyan man limukl aakululn ti ni di buu bigiim na, ni inyamɔn aatuln li ni di tun bi na bi pu, ki cha bi li chuun bibaa pu.

Aisaya 58:7

Yakr man nimi aajikaar tii nkon aah joo binib bi na, ki piir nimi aadichal tii bigiim bi kaa kpa nkookoo yaan na. Tii binib bi kaa kpa nibaa peeni na bi peen, ki li joo nido yaab man.

Jeremia 19:4

Binib ngbaan aah fenn bipuwɔb tii mi ki bii do, ki toor kitork tii ŋiwaa ŋi bima bibaa, ni biyaajatiib, ni Juda aabɔrb aa nan nyi ŋibɔr kpala na pu, le ga cha m ŋa kina. Binib bi kaa kpa taani ubaa na aasin le bi di bii do,

Jeremia 22:17

Le aa ma le ban saakumɔŋ aanyoor baanja; aa ku binib bi kaa kpa taani ubaa na, le ki joo mbimbinpɔɔl muk saanib. Uwumbɔr le len kina.

Jeremia 26:16

Le biyidam ni binib ngbaan bui bitotoorb ni bibɔnabr ngbaan ke, “Uja wee len ti chee tibɔr Tidindaan Uwumbɔr aayimbil pu la; naa ŋan ke ni ku u.”

Jeremia 5:28

le ki ji babr ki filk. Baatunwanbir aa kpa taadoon. Baa joo nkpobim ni bigiim aabamɔn tii bi.

Jeremia 7:23

Tɔ, m nan tee bui bi ke bi li keei maamɔb, aan m li ye Baawumbɔr, le bi mu li ye maanib. M nan bui bi ke bi li bi maah bui bi ke bi li bi pu na, aan ki li kpa lifuur.

Jeremia 9:24

Unii umɔk ban u li kpa kipupuk na u li kpa kipupuk ke u nyi min Uwumbɔr, ba pu? maageehm bi n‑yoonn mɔmɔk la, le m ŋani tiwan ni tok ki ye ibamɔn na. Tiwan ni piir nsui na le na. Min Uwumbɔr le len kina.”

Inandalahn 3:36

Buyoonn bibɔjirb ko biini ibamɔn pu libɔjil aadiik ni na, u nyi.

Esekiel 18:12

U ji bigiim pem pem, ki su kinaayuk; unii yaa pinn u chee ŋimombil ki di waawan nibaa siin lipɔln ngbaan pu kan, waa joo giini. U chaa tiwaachur ni, ki dooni ŋiwaa ŋi sukr ponn ni na,

Esekiel 18:7

Waan ji ubaa pem pem, ki mu aan su ubaa kinaayuk. Unii yaa nan pinn u chee tiwan ki di waawan nibaa siin lipɔln ngbaan pu kan, u giini tiwan ngbaan tii uwandaan la; u kpiini binib bi kaa kpa tijikaar na, le ki tii binib bi chuun biŋmeen na tiwanpeenkaan.

Esekiel 22:7

Ubaa aa bi kitiŋ ngbaan pu ki pak ute ni una. Bi ji biwɔwɔm, ni bikpopiib, ni nkpobim pem pem ke baa kpa uteter.

Esekiel 45:9

Tidindaan Uwumbɔr len ke, “Nimi Israel aatiŋ aajojoob, ni tun titunwanbir ni yunn sakpen. Di cha nimi aabimbipɔɔl ni limukl man. Li ŋani tiwan ni ŋan ki tok na man. Ni taa ki jenn nyan maanib baatiŋ pu daalbaadaal. Min Nidindaan Uwumbɔr le bi tuk nimi kina.

Joel 3:19

Ijipt ni Edom aatim ga kpaln nin chee nnyun aa bi na la. Litambol ŋmeen le ga li gur bi nima, ba pu? bima le buen ti tak ki ku Juda aanib bi kaa tun taani ubaa na.

Liifai Yaab 19:15

“Ni yaa bi ji unii tibɔr kan, ni len ibamɔn ki li kpa kipak; ni yaa ji ugiin tibɔr kan, ni taa li kpa imaagann, ki mu taa li san biwankpadam ijawaan.

Amos 5:15

Li nan kinimbɔŋ man, ki li gee tiwan ni ye ibamɔn na, aan ki cha ibamɔn li bi libɔjil ponn ni. Nibaakan, Uwumbɔr ga san binib bi gur linibol limina ni kaa kpoi na kinimbaak.

Amos 5:24

Naah ga ŋa pu ki piir nsui na sɔ: Cha ibamɔn ni mbimbinyaan li wiir ke limɔɔl aanyun aah wiir kaa door pu na.

Maika 3:11

Igaŋgaŋlik pu le kitiŋ ngbaan aajojoob joo ki, le bitotoorb tuk binib Uwumbɔr Aakaal ki gaal tipar, le bibɔnabr mu kpiir Uwumbɔr aah len pu na ŋimombil pu, le bi mɔmɔk len ke Uwumbɔr bi ti chee. Bi len le ke, “Tibɔbir tibaa aan dan ti chee. Uwumbɔr bi ti chee.”

Maika 6:8

Aayii. Uwumbɔr bui timi tiwan ni ŋan na. Waah ban tiwan ni ti chee na sɔ: ke ti ŋa tiwan ni tok ki ŋan na, ki li kpa ngeehm n‑yoonn mɔmɔk, ki li bi suuna timi Aawumbɔr chee.

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Matiu 23:23

“Nimi Uwumbɔr aakaal aamɔmɔkb ni Farisii yaab, tibɔbir bi ni pu; ni yakr tikpifar nfum kipiik ki nyan nibaa na ki di tii Uwumbɔr, ki muk nibaa ke ni joo Uwumbɔr aakaal mumina, ki yii nkaal mu ye nkaalkpaan na. Ni yii, kaa ŋani ni ŋan na, kaa san binib kinimbaak, kaa dii Uwumbɔr mbamɔm. Ni ŋan ke ni li joo nkaal ngbaan, ki yakr nimi aawan mu ki di tii Uwumbɔr.

Ikaal 10:18

Uma le lik nkpobim, ni bikpopiib, ki gee biwɔwɔm bi koo ti chee na. Uma le tii bi tijikaar ni tiwanpeenkaan.

Ikaal 24:17

“Ni taa cha biwɔwɔm, ni nkpobim lann baabamɔn, ki taa gaa ukpopii aawanpeenkaan, waah pinn aa chee tiwan ni pu na, ki bui ke see u pan saawan tii si, le aa nin giin tii u.

Ikaal 24:7

“Israel aanii umɔk loon chuu uŋeen aatɔ ki di u ŋa waanaagbiija, bee u di u kooh bi ti ŋa u unaagbiinii na kan, ni ku u. Ni yaa ku u kan, ni ga nyan kina aatunwanbir aaboln nibaa chee.

Ikaal 25:1

“Nimi Israel yaab ŋmeen aajab bilee yaa kpa kijaak ki di tɔb buen libɔjil ni, aan ubaa ti jin mbamɔn, uken aabɔr bii kan,

Ikaal 27:19

“‘Uwumbɔr aamɔpuur bi unii umɔk cha biwɔwɔm, ni nkpobim, ni bikpopiib lann baabamɔn na pu.’ “Le binib ngbaan mɔmɔk ga kpaan ki kii ke, ‘Amii.’

Jemisi 1:27

Unii yaa ter nkpobim ni bikpopiib baabɔr ni, ki yaa joo ubaa chain, ki di cha titunwanbir mɔmɔk kan, uma le dii Tite Uwumbɔr mbamɔm, ki bi chain Uwumbɔr aanimbil ni.