Jeremia 22:26 - Uwumbɔr aagbaŋ

²⁶ M ga jenn aa ni aana buen tinaagbiir ni. Ni ga buen kitiŋ ki baa nan ma nimi ki ponn ni na la, le ni mɔmɔk ga ti kpo nima.

Jeremia 22:26 ပူးပေါင်းရင်းမြစ်များ

2 Bibɔrb 24:15

Nebukadnesar nan chuu Jehoyachinn tinaagbiir le buen Babiloŋ aatiŋ ni. U nan chuu Jehoyachinn aana, ni upuutiib, ni waaninkpiib, ni Juda aasalolm mɔmɔk buen.

2 Bibɔrb 24:8

Jehoyachinn nan ye ŋibin kipiik ni ŋiniin aanii le ki jin Juda aanaan, le ki bi Jerusalem aatiŋ ni ki joo waanib ki ti saa iŋmal itaa. Una le nan ye Jerusalem aatiŋ aanii Elnatann aabisal Nehusta.

2 Bibɔrb 25:27

Libiln li ponn ni Efil‑Merodak nan jin Babiloŋ aatiŋ aanaan na, u nan san Juda yaab Aabɔr Jehoyachinn kinimbaak le ki nyan u kiyondiik ni. Nimina nan ŋa baah nan chuu Jehoyachinn buen tinaagbiir ni pu na aabin piitaa ni lilolole aaŋmapiik ni ilee aawiin moninko ni ilole daal la.

2 Bibɔrb 25:29

Kina pu na, Jehoyachinn nan kan nsan ki kpeln waayondiik ni aawanpeenkaan, ki gur ji ubɔr chee tijikaar le ki ti kpo.

2 Bibɔrb 25:30

Waah nan bi limɔfal ni n‑yoonn mumɔk na, bi nan luu u iwiin mɔmɔk aajikaar kina le ki ti saa waakundaal.

Aisaya 22:17

Nibaakan aa ga li ye uninyuun la, le Uwumbɔr ga yoor si ki di mee.

Jeremia 10:18

Uwumbɔr ban u jenn nyan nimi kitiŋ kee pu la; u ga gbaa ni mɔmɔk le ubaa aan gur. Uwumbɔr le len kina.

Jeremia 13:18

Le Uwumbɔr bui mi ke, “Bui ubɔr ni una ke bi fii baabɔrjal pu, ba pu? baabɔryikpupur ti ŋan sakpen na chikr lir kitiŋ a.

Jeremia 16:13

Kina pu na, m ga mee nyan nimi kitiŋ kee pu ki ti lii kitiŋ ki nimi ni niyaajatiib aa kee ŋun ki pu na ni. Nima chee le ni ga ti li tun tii ŋiwaa, nwiin pu ni kinyeek, le maan ki san nimi kinimbaak.’”

Jeremia 22:27

Ni ga li neen ke ni ki kan kitiŋ kee, le ki mu aan ki gir ni ki pu.”

Jeremia 28:4

M ga giin ni Juda aabɔr Jehoyachinn, u aate ye Jehoyakim na, ni Juda aanib bi mɔmɔk nan buen tinaagbiir ni Babiloŋ ni na. Een, m ga bii Babiloŋ aabɔr aapɔɔn. Min Uwumbɔr le len kina.”

Jeremia 29:2

Baah nan chuu Ubɔr Jehoyachinn, ni una, ni libɔrchiln ni aaninkpiib, ni Juda ni Jerusalem aayidam, ni bikpikpiib, ni biwanŋab mɔmɔk di buen tinaagbiir ni na aapuwɔb le m nan ŋmee kigbaŋ ngbaan.

Jeremia 44:14

Juda aanib bi gur ki dan nan koo Ijipt ponn ni na ubaa aan san ŋmar ki kan limɔfal. Bi ponn ni ubaa aan ki gir ni Juda, nin chee bi ga ki li gee ke bi nan ki li koo na. Ubaa aan ki gir ni, see bikusam siib kina le ga gir ni.”