Jeremia 22:22 - Uwumbɔr aagbaŋ

²² Naah tun titunwanbir pu na, le libuln ga daa nimi aayidam buen, le bidim ga chur nimaantɔtiib butɔb ni tinaagbiir, le nimi aatiŋ jin inimɔɔn.

Jeremia 22:22 ပူးပေါင်းရင်းမြစ်များ

Aisaya 64:6

Ti mɔmɔk tun titunwanbir; hali tima aah dak ke taah tun pu na ŋan sakpen na ye tijɔŋ le ki ti doo. Timi aatunwanbir pu, ti naahn tifar ti kuur aan libuln daar cha na la.

Aisaya 65:13

le m ban m bui nimi ke binib bi dooni mi ki kii maamɔb na ga li kpa pam bi ji ki nyu, nimi ma kan, nkon ni nnyunyuu ga li joo nimi. Bi ga li kpa mpopiin, le nimi ga ji inimɔɔn.

Jeremia 10:21

Le m gar ke, “Timi aayidam ye bilatiirb la; baa baa Uwumbɔr ke u mɔk bi. Nima le cha bi lir, le timi aanib yaa tɔb chee.

Jeremia 12:10

Biyidam bi ye biwɔwɔm na pam le bi maasubil aasaak ni; bi taa taa maajikaar bil kitiŋ; bi cha maatiŋ ki nan ŋan sakpen na kpaln nteersakpiin.

Jeremia 2:36

Ni di nibaa ŋa dafir aanib, naah chuun dii ŋitimbol ŋiken aawaa pu na pu. Ijipt yaab ga jinn nimi inimɔɔn ke Asiria yaab aah nan ŋa nimi pu na.

Jeremia 2:37

Ni ga di inimɔɔn le fenn nipuwɔb tii Ijipt yaab. Min Uwumbɔr le yii naah tii binib bi naadii na; naan kan tinyoor tibaa bi chee.”

Jeremia 2:8

Bitotoorb aa nan ŋmaa baa ke, ‘Uwumbɔr bi la chee?’ Min mbaa aatotoorb aa nan nyi mi. Bitinjoob nan yii mi ki nyan mpuwɔb; le maabɔnabtiib nan joo uwaaja Baal aayimbil le nabr tibɔr ki dooni ŋiwaa ŋi kaa bi tibaa ni na.

Jeremia 20:11

Uwumbɔr, le si ma si mpuwɔb, ki kpa mpɔɔn ni linyaŋ, le binib bi muk mi na ga lir. Baah kaan kan baah ban pu na, le ga cha bi kpaln binimɔɔnib ki ti saa n‑yoonn mu kaa kpa ndoon na.

Jeremia 30:14

Nibɔtiib mɔmɔk suln nibɔr a; bitafal aa ki bi ni ponn ni. M tak nimi ke udin na la; nimi aatunwanbir aah wiir aan nimi aabiin nyaŋ sakpen pu na le cha nimi aatafadaan bir.

Jeremia 4:30

Jerusalem aanib, ni kuln a. Ba ŋa ni pee ŋikekenyaan? Ba ŋa ni gbin nleenyaan ki di nkpanyaan boon ninimbil wɔb? Ni toor nibaa fam la. Nibɔtiib yii nimi le ki ban bi ku nimi.

Jeremia 5:13

Bi nan bui ke Uwumbɔr aabɔnabr na aa ye nibaa, bi po ye tiloor ti gbii libuln ŋmeen na, le kaa kpa Uwumbɔr aabɔr tibaa bi tuk bi. Le Tidindaan Uwumbɔr Mpɔɔnsakpiindaan bui mi ke, “Jeremia, binib bee aah len pu na pu, le m ga cha maabɔr li bi aamɔb ni ke mmii na. Le binib ngbaan ga li bi ke idɔ na, mmii ngbaan ga wu bi.”

Jeremia 7:19

Tɔ, min le bi sil tii titotonn aa? Aayii, bibaa le bi tii titotonn, ki joo ni inimɔɔn bibaa pu.

Hosea 12:1

“Israel aanib aah tun pu kichakpiik ni ki ti saa kinyeek na aa kpa tinyoor, le ki ye libiil ŋmeen. Mbimbin mu pɔɔ na ni inyamɔn le moo kpae bi ponn ni. Bi ni Ijipt ni Asiria yaab kpaani kimɔbaan la.”

Hosea 13:15

Israel pɔr ke timoor na la, le m tee ga cha libuln li ton ki nyan ni liwipuul wɔb nteersakpiin ni na dan ki nan foor baayayak aanyunbun, ni ŋibun. Li ga yoor tiwanbankaan mɔmɔk buen.

Hosea 4:19

Uwumbɔr ga di bi buen ke kinaakpaajabuŋ le aah daar bi cha na, le inimɔɔn ga chuu bi ŋiwaa aatork pu.

Sekaria 11:17

Upihkpaal fam ngbaan aamɔfal junn a. U san cha waapiih. Butɔb ga bii waapɔɔn pel pel. Uŋaal ga faan, le unimbigiir mu jɔb.”

Sekaria 11:8

Maaŋuul nan fii bipihkpaab bitaa bi kaa gee mi na pu, le m jenn bi mɔmɔk uŋmabaan ni.