Jeremia 22:21 - Uwumbɔr aagbaŋ

²¹ Naah nan laa kpa liwangol buyoonn na, le Uwumbɔr nan len ni chee le ni yii kaa pel. Nimi aatuln le bi na, nimi aamɔfal aayoonn mɔmɔk ni; naa kee kii Uwumbɔr aamɔb.

Jeremia 22:21 ပူးပေါင်းရင်းမြစ်များ

2 Bibɔrb Aabɔr 33:10

Uwumbɔr nan sak Manase ni waanib, tɔ, bi nan yii, kaa ŋun.

Ilahn 129:1

Israel aatimbol, bui timi saah nan laa diin aan saadim muk si pu na aabɔr:

Ŋiyataŋak 30:9

M yaa kpa pam kan, nibaakan m ga bui ke maa ki ban si. M yaa ti ki ye ugiin mu kan, nibaakan m ga su kinaayuk ki di inimɔɔn tii si.

Aisaya 48:8

M nan nyi ke naa ye binib bi unii ga gaa nimi ki kii na, ke unii mɔk nyi ni pu, ke ni ye binib bi kaa kii tii biken na la. Kina pu le naa ŋun kina aabɔr, nima le cha nitafal aa cheen kina aabɔr daalbaadaal.

Jeremia 13:10

Titunwanbirdam ngbaan yii kaa kii maamɔb. Bi beenin kpa mbiin ni tafalaaŋun ke baah nan bi pu na la, le ki dooni ŋiwaa, ki tun tii ŋi. Kina pu na, bi ga ŋa ke lichutageln lee aah kaa ki li bi tibaa ni pu na.

Jeremia 19:15

Uwumbɔr Mpɔɔnsakpiindaan, u ye Israel yaab Aawumbɔr na le len ke, “M ga cha ntafadaan dan kitiŋ kee, ni ntim mu bi gbɔk ki na pu, ke maah len ke m ga ŋa pu na, ba pu? bi kpa tafalaaŋun, kaa pel maah tuk bi pu na.”

Jeremia 2:25

Israel yaab, naah bi san ban ŋiwaa pu na le cha nitaa deer, le nineen ni mu kuur. Le ni bui ke, ‘Aayii. Taan ki fenn tipuwɔb. Ti gee ŋiwaa aabɔr pam, le ki ga li san dii ŋi.’”

Jeremia 2:31

Israel aanib, li pel maah len pu na man. M bi ke nteersakpiin mu bɔɔn ki kpa tiwanbir na le ni chee ee? Tɔ, ni ŋa kinye aan ni bui ke ni ga ŋa naah gee pu na, ke naan ki gir ni m chee kpala?

Jeremia 25:3

“Ŋibin moninko ni ŋitaa ponn ni, ki nya Amonn aajapɔɔn Josia aah nan ye Juda aabɔr pu na aabin kipiik ni litatar ni ki nan saa din wee na, Uwumbɔr len m chee tibɔr, le m mu aa kee yii kaa di waah len pu na tuk nimi. Le ni yii, kaa pel waah len pu na.

Jeremia 25:4

Naa pel, kaa kpa ŋuntii, le Uwumbɔr ma beenin tun ni waabɔnabr bi ye waatutum na ni chee.

Jeremia 25:7

Tɔ, Uwumbɔr ubaa len ke ni yii, kaa pel u chee. Ni tee cha waaŋuul fii nimi aawaa pu, le ki joo ni ntafadaan mue nibaa pu.

Jeremia 25:8

“Kina pu na, naah kaa ŋun tii u na, Uwumbɔr Mpɔɔnsakpiindaan bui ke,

Jeremia 3:24

Le inimɔɔn aawaal Baal na aadoon pu cha ti lann ipiih, ni inaa, ni japɔtiib, ni bisatiib, ni tiwan nimɔk tiyaajatiib nan tun ki kan n‑yaajayoonn na.

Jeremia 3:25

Ti ga doon kitiŋ le ki cha timi aanimɔɔn biin ti pu. Timi ni tiyaajatiib tun Tidindaan Uwumbɔr titunwanbir le n‑yoonn mɔmɔk; taa kii waamɔb daalbaadaal.”

Jeremia 32:30

Ki nyan Israel yaab ni Juda yaab aapiin aabɔr ni, bi ŋani maah kaa gee pu na la, le baatun fiini maaŋuul.

Jeremia 35:15

M beenin tun ni maatutum bi ye bibɔnabr na ni chee, le bi tuk nimi ke ni di cha nimi aabimbin mu kaa ŋan na, ki tun ni ŋan na. Bi sak nimi ke ni taa tun tii ŋiwaa, ki taa dooni ŋi, aan ki li beenin bi kitiŋ ki m nan di tii niyaajatiib na pu. Le naan ŋun tii mi, kaa pel m chee kpala.

Jeremia 48:11

Uwumbɔr nan len ke, “Moab bi lifuur ni le kaa kee buen tinaagbiir ni. Moab bi ke ndaan mu bi cha mu si ke mu tiŋ, kaa kpenn mu lidabuul lee ni, ki di ŋa lidabuul liken ni na la. Mu aanunun aa kee bii, le mu aamɔɔn bi n‑yoonn mɔmɔk.

Jeremia 6:16

Uwumbɔr bui waanib ke, “Sil isayakr ki li lik man. Baa ki bee man n‑yaayoonn na aasanbim ni nsanyaan na aah nan bi nin chee na. Li chuun mu pu man, ki kan lifuur.” Le bi bui ke, “Ayii, taan ŋa kina.”

Esekiel 20:13

Tɔ, nteersakpiin ni, nima chee le bi kpaan yii maamɔb. Bi bii maakaal, le ki yii maamɔkm mu tii unii umɔk gaa mu ki kii na limɔfal na. Bi nan bii Likpaakool daal aajoom pel pel. M nan gor nteersakpiin ni nima ke m cha bi bee maaŋuul aah pɔɔ pu na ki kuln bi.

Esekiel 20:21

“Tɔ, bima ngbaan aaker mu nan ki yii maamɔb. Bi nan bii maakaal, kaa joo maamɔkm mu tii unii umɔk gaa mu ki kii na limɔfal na. Bi nan bii Likpaakool daal aajoom. Nteersakpiin ni, nima chee, le m nan gor ke bi bee maaŋuul aah pɔɔ pu na, ki kuln bi mɔmɔk.

Esekiel 20:28

M nan di bi fuu ni kitiŋ ki m nan puu ke m ga di tii bi na pu. Baah kan ŋigongon ŋi paa na, ni isusoon na, le bi toor kitork ni mɔmɔk chee tii ŋiwaa. Bi nan cha maaŋuul fii kitork ki bi di see mmii ni na, ni ndaan mu bi nan joo nan tii ŋiwaa ipiin na pu.

Esekiel 20:8

Tɔ, bi nan lik mi fam ki yii; baan ŋun tii mi. Baa nan di ŋiwaa ŋi sukr ponn ni na ngbaan mee, kaa di cha Ijipt yaab aawaa na mu. Ijipt aatiŋ ni, le m nan gor ke m cha bi bee maaŋuul aah pɔɔ pu na.

Sefania 3:2

Ki yii, kaa ŋun tii Uwumbɔr, kaa kii waasurm, kaa kii tii u, kaa ban u chee nterm.

Sekaria 7:7

Buyoonn Jerusalem aatiŋ nan kpa liwangol ni binib na, kina le Uwumbɔr nan cha n‑yaayoonn na aabɔnabr nan len. N‑yoonn ngbaan, binib pam nan koo ntim mu mann goln Jerusalem na ni, ni ŋŋangii wɔb aapepel ni, ni liwilir wɔb aataataab aagongon na mu ni.

Ikaal 31:27

M nyi bisui aah pɔɔ aan bi kpa tafalaaŋun pu na. Maah bi limɔfal ponn ni na, m kan baah bir ki yiir Uwumbɔr pu na, le m yaa kpo kan, bi ga ŋa ni bir ki jer kina na.

Ikaal 9:24

Maah bee nimi bundaal ki nan saa din wee na, naa kii tii Uwumbɔr.

Ikaal 9:7

“Ni teer, ki taa suln naah nan bi nteersakpiin ni, ki ŋa Nidindaan Uwumbɔr liŋuul pu na. Nwiin mundaal ni nyan ni Ijipt aatiŋ ni, ki nan saa bundaal ni fuu ni do na, ni yii waamɔb.