Jeremia 22:19 - Uwumbɔr aagbaŋ

¹⁹ Bi ga di ubon aakpuul aanyuŋ le di fuul u di buen ki ti di u mee Jerusalem aabisamɔi aapuwɔb.”

Jeremia 22:19 ပူးပေါင်းရင်းမြစ်များ

1 Bibɔrb 14:10

Nimina pu na, m ga cha tibɔbir pii ni saanaanjirb ki ga ku aayaabitiib bi ye bijab na mɔmɔk. M ga ku mbim ni bininkpiib mɔmɔk la. M ga kuln saadichal; m ga ŋar bi ŋŋaan ke tinaabin na la.

2 Bibɔrb 23:36

Jehoyakim nan ye ŋibin moninko ni ŋiŋmu aanii le ki jin Juda aanaan, le ki bi Jerusalem aatiŋ ni ki joo waanib ki ti saa ŋibin kipiik ni libaa. Una le nan ye Ruma aatiŋ aanii Pedaya aabisal Sebida.

2 Bibɔrb 24:6

Jehoyakim nan kpo, le ujapɔɔn Jehoyachinn nab waanaan pu.

2 Bibɔrb 9:35

Tɔ, bijab bi nan nyan ke bi ti sub u na nan ti kan waayikpaŋ ni utaa ni uŋaal aakpab baanja la.

2 Bibɔrb Aabɔr 36:6

Babiloŋ Aabɔr Nebukadnesar nan dan nan koo Juda aatiŋ ni, le ki chuu Jehoyakim, ki buu u tikululn ki di buen Babiloŋ aatiŋ ni.

Ulandaan 6:3

Uja ga ŋmaa li kpa mbim nkub, ki yunn pam, tɔ, u gee u yunn dulnyaa ni ba pu, u yaa kaa jin waamɔɔn, kaa kan likpuul li nyuun na kan, ubo u kpo una aaponn ni ki nyan ni na soor u.

Jeremia 15:3

Min Uwumbɔr le siin ke tibɔbir nfum munaa pu ga kan bi: bi ga kpo butɔb ni, le ibɔ ga fuul baawon buen, le inyoon ga ji ti, le ipeel ga di ti gur na ŋmɔ.

Jeremia 36:30

Min Uwumbɔr le bui sin Ubɔr Jehoyakim, ke aayaabil ubaa aan kal Ubɔr David aanaanjal pu. Bi ga di saawon mee, le nwiin gbaa ti nwiin pu, le limaln mu gbaa ti kinyeek.

Jeremia 36:6

Tɔ, m ban ke binib ngbaan yaa ki bi lulni bumɔb bundaal na kan, aa buen nima. Aa ti karn kigbaŋ ngbaan mpɔɔn pu, aan bi mɔmɔk ŋun tibɔr ti Uwumbɔr di tuk mi aan m mu cha aa ŋmee ti na. Aa karn ki nin chee bi mɔmɔk ga ŋun na; cha Juda aanib bi nyan ni baatim ponn ni ki dan na mu ŋun.

Jeremia 8:2

Baah ba ga kuun i pu ki sub i na, baakpab ga li dɔ kitiŋ ke tinaabin na la. I ga yaa ki dɔ aan nwiin, ni uŋmal, ni iŋmabi li waa i. Nimina ye tiwan ni binib ngbaan nan gee ki tun lituln tii ni, ki buu ni chee tibɔɔr, ki dooni ni na.

Esekiel 19:8

Ŋitimbol nan kuun ke ŋi faa u butɔb; binib nan nyan ni ŋipepel mɔmɔk ki dan. Bi nan taln baapɔr ti bi joo chur tinann na, le ki di ti chuu u.

Esekiel 39:5

Bi ga lir kpo kipɔɔk ni. Min Dindaan Uwumbɔr le len kina.