Jeremia 22:18 - Uwumbɔr aagbaŋ

¹⁸ Le Uwumbɔr nan len Josia aajapɔɔn Jehoyakim, u nan ye Juda aabɔr na aabɔr ke, “Ubaa aan wii waakpuul, kaan len ke, ‘Ni kpa mpombiin sakpen, njɔ, ni kpa mpombiin sakpen a.’ Ubaa aan wii u pu, kaan moo u pu ke, ‘Maaninkpel, maabɔr.’

Jeremia 22:18 ပူးပေါင်းရင်းမြစ်များ

2 Samuel 1:26

Nna aabo Jonatann, m wii aa pu la; aa nan ye m chee unii pam. Saah nan gee mi pu na nan kpa iwaan, ngeehm ngbaan nan jer upii aageehm.

1 Bibɔrb 13:30

U nan di u sub ubaa aadichal aacheek ni la, le u ni ujapɔtiib wii likpuul, ki wii ke, “Nna aabo, nna aabo.”

2 Bibɔrb 23:36

Jehoyakim nan ye ŋibin moninko ni ŋiŋmu aanii le ki jin Juda aanaan, le ki bi Jerusalem aatiŋ ni ki joo waanib ki ti saa ŋibin kipiik ni libaa. Una le nan ye Ruma aatiŋ aanii Pedaya aabisal Sebida.

2 Bibɔrb 23:6

U nan nyan liwaapii Asera aanaŋ Uwumbɔr Aadichal ni, le ki di buen Kidronn aafataŋ ni, le ki ti di li see mmii ni, le ki san laafatan ti kpaln kitangbaak, le ki di kitangbaak ngbaan yaa yaa binib mɔmɔk aacheek ni.

2 Bibɔrb 24:6

Jehoyakim nan kpo, le ujapɔɔn Jehoyachinn nab waanaan pu.

1 Bibɔrb Aabɔr 3:15

Josia nan ma mbijabim munaa la; Johanann, ni Jehoyakim, ni Sedekia, ni Joahas.

2 Bibɔrb Aabɔr 35:25

Uwumbɔr aabɔnabr Jeremia nan naan nkpolahn tii Ubɔr Josia, le ni kpaln nkaal Israel aatiŋ ni ke uja ni upii mɔk yaa ban u wii waakpuul kan, udaan gaa nkpolahn ngbaan. Waalahn ngbaan bi ikpolahn aagbaŋ ni.

2 Bibɔrb Aabɔr 36:5

Jehoyakim nan ye ŋibin moninko ni ŋiŋmu aanii le ki jin Juda aanaan, le ki koo Jerusalem ni, ki joo kitiŋ ki ti saa ŋibin kipiik ni libaa. U nan tun Udindaan Uwumbɔr titunwanbir.

Jeremia 16:4

Iween i bir sakpen na le ga ku bi, le ubaa aan li bi ki wii baakpuul, ubaa mu aan ki li bi ki sub bi. Ŋinikpol ngbaan ga li dɔ kitiŋ ke tinaabin na la. Butɔb ni le bibaa ga kpoi, le nkon ku biken mu, le ŋinikpol ngbaan ga li ye inyoon ni ipeel aajikaar.

Jeremia 16:6

Biwankpadam ni bigiim mɔmɔk ga kpo kitiŋ kee pu, ubaa mu aan sub bi, kaan wii baakpuul. Ubaa aan daan ubaa, kaan kuu uyikpir ki mɔk ke usui aa piin.

Jeremia 21:11

Uwumbɔr nan ki bui mi ke m di tibɔr timina tuk Juda aanaanjirb, bi ye Ubɔr David aayaabitiib na ke: “Li pel man, min Uwumbɔr aah kpa pu m len na. Cha ni li ye nimi aatuln ke ibamɔn li bi idaa mɔmɔk. Sil man unii u uken bi ji u na aapuwɔb. Ni yaa kaa ŋa kina kan, titunwanbir ti ni tun na ga cha maaŋuul fii ki wu ke mmii mu baan ŋmaa junn mu na.

Jeremia 22:10

Juda aanib, taa wii Ubɔr Josia pu man; taa wii waakpuul man. Li wii ujapɔɔn Joahas pu; bi ga nan chuu u di buen, le waan ki gir ni daalbaadaal, waan ki kan kitiŋ ki pu bi nan ma u na.

Jeremia 22:12

Baah di u buen kitiŋ ki ni na le u ga ti kpo nima, le kaan ki kan kitiŋ kimina daalbaadaal.”

Jeremia 34:5

Aa ga kpo nsuudoon ni la, le binib aah nan seer tulalee aayon pu aan bi sub aayaajatiib bi nan puen ye bibɔrb na, kina le bi ga see tulalee aayon mmii ni tii aa mu. Bi ga wii saakpuul le ki bui ke, ‘Timi aabɔr kpo a.’ Min Uwumbɔr le len kina.”

Jeremia 36:30

Min Uwumbɔr le bui sin Ubɔr Jehoyakim, ke aayaabil ubaa aan kal Ubɔr David aanaanjal pu. Bi ga di saawon mee, le nwiin gbaa ti nwiin pu, le limaln mu gbaa ti kinyeek.