Jeremia 22:17 - Uwumbɔr aagbaŋ

¹⁷ Le aa ma le ban saakumɔŋ aanyoor baanja; aa ku binib bi kaa kpa taani ubaa na, le ki joo mbimbinpɔɔl muk saanib. Uwumbɔr le len kina.

Jeremia 22:17 ပူးပေါင်းရင်းမြစ်များ

1 Bibɔrb 21:19

Tuk u ke mi Uwumbɔr le bui u ke, ‘Aa ku uja ngbaan doo le ki ban aa ki gaa waawangol mu uu?’ Bui u ke maah len pu na sɔ: ‘Libuchachaan li ponn ni ibɔ lakr Nabof aasin na, nima chee le i ga lakr aa mu aasin.’”

2 Bibɔrb 23:37

Jehoyakim nan dii uyaajatiib aasan le ki tun Uwumbɔr titunwanbir.

2 Bibɔrb 24:4

ni waah nan ku binib bi kaa tun taani ubaa na pu na la. Uwumbɔr aa nan ŋmaa di cha pinn Manase kina pu.

2 Bibɔrb Aabɔr 36:8

Tiwan ni mɔmɔk Jehoyakim ŋa na, ni waatunwanbir, ni tiwan ni sukr ponn ni na mɔmɔk bi Israel ni Juda Aabɔrb aatun Aagbaŋ ni. Ujapɔɔn Jehoyachinn le nan nab waanaan pu.

Job Aagbaŋ 31:7

M yaa fenn mpuwɔb tii nsanyaan, bee m di mbaa tii kinimbɔŋ ki cha ŋŋaal meeh titunwanbir kan,

Ilahn 10:3

Ubiindaan kpa kigaak waanimbɔŋ aageehn aatuln pu la, le ukumɔndaan seei Uwumbɔr ki yii u.

Nnyam 18:21

Tɔ, tiwan ni kpee na sɔ, pɔɔn aabaa ki nyan bijab bi ga ŋmaa joo biken na, ki tii bi nsaloln aatuln bi li joo biken: bisalolm ngbaan bibaa li lik lichur lichur, bibaa mu li lik nkub nkub, bibaa mu li lik piiŋmu piiŋmu, bibaa mu li lik kipiik kipiik aanib. Cha binib ngbaan li ye binib bi san Uwumbɔr ijawaan ki tun lituln mbamɔm, kaan li gaal igaŋgaŋlik na.

Ŋiyataŋak 24:2

Baalandak le ye tibɔr aaŋam, n‑yoonn mumɔk bi waar bimɔi na, bi ban bi sii unii la.

Aisaya 56:11

Bi naahn ibɔ i kaa ji babr na la. Bi ye bisalolm bi kaa kpa nlan na. Bi mɔmɔk ŋani baah gee pu na la, le ki ban bibaa aanyaan.

Jeremia 17:11

Unii u joo beebee kani ŋimombil na bi ke unyoon u kaal ŋijen ŋi waa too ŋi na la. U ga laa li ye unachipɔɔn le ki lann waawangol, le waadoon na, u ga kpaln ujɔr.

Jeremia 19:4

Binib ngbaan aah fenn bipuwɔb tii mi ki bii do, ki toor kitork tii ŋiwaa ŋi bima bibaa, ni biyaajatiib, ni Juda aabɔrb aa nan nyi ŋibɔr kpala na pu, le ga cha m ŋa kina. Binib bi kaa kpa taani ubaa na aasin le bi di bii do,

Jeremia 22:3

“Min Uwumbɔr bui ke ni li ŋani tiwan ni ŋan ki ye ibamɔn na. Ni sil unii u uken bi ji u na aapuwɔb. Taa ŋa biwɔwɔm, ni nkpobim, ni bikpopiib mbiin; ki taa ku binib bi kaa tun taani ubaa na do chee na.

Jeremia 6:13

Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil, hali maabɔnabtiib ni bitotoorb ji binib ngbaan la.

Jeremia 6:6

Uwumbɔr Mpɔɔnsakpiindaan le cha bibɔrb ngbaan pir isui ki maa ŋibimbin ke bi gob Jerusalem. U bui ke, “Kitiŋ ngbaan ponn ni aah gbii limukl sakpen pu na, le m ga daa kitafal.

Jeremia 7:6

Taa ŋa bicham, ni nkpobim, ni bikpopiib falaa man. Taa ki ku binib bi kaa tun taani na kitiŋ kee pu. Taa ki dooni man ŋiwaa; ba pu? kina ga ŋmaa kuln nimi.

Jeremia 8:10

Kina pu le m ga di baakpaakon tii bikpaacham, ki di bipuutiib tii bijab biken. Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil. Hali maabɔnabtiib ni bitotoorb ji binib la.

Esekiel 18:12

U ji bigiim pem pem, ki su kinaayuk; unii yaa pinn u chee ŋimombil ki di waawan nibaa siin lipɔln ngbaan pu kan, waa joo giini. U chaa tiwaachur ni, ki dooni ŋiwaa ŋi sukr ponn ni na,

Esekiel 19:6

Waah ti biir kookoo na, u nan chuun ichinn iken ni. U mu nan bae kikpaŋ le ki mu gur chur binib ŋmɔ.

Esekiel 19:7

U nan ber ŋigon ŋi pɔɔ sakpen na, ki kuln ntim. U yaa nan ŋuun kan, ijawaan nan chur kitiŋ ngbaan pu aanib mɔmɔk la.

Esekiel 19:9

Bi nan di u ŋa dakaa u kpa ŋibon na ni, le ki di u buen Babiloŋ aatiŋ aabɔr chee. Bi nan ti kii u nima chee ke bi taa ki ŋun waaŋuun pu Israel aagongon pu daalbaadaal.

Esekiel 22:6

Israel yaab aasalolm mɔmɔk nan dak ke bibaa aapɔɔn pu le bi bi, le ki ku binib.

Esekiel 33:31

Kina pu na, maanib kuuni ke bi nan ŋun saah kpa pu aa len na, kaa tee ŋani saah tuk bi ke bi ŋa pu na. Ngeehm aabɔlen le bi bimɔi ni, le bi tee beenin dii baakumɔŋ aasan.

Maika 2:2

Bi yaa ban ikpaakon kan, bi gaal i mpɔɔn la; bi yaa ban ŋidichal kan, bi gaal ŋi mpɔɔn la. Ubaa aadichal bee waawangol aa nyan tibɔr ni.

Maika 3:10

Ni bi maa Uwumbɔr aatiŋ Jerusalem nnikum ni mbiin pu la.

Sefania 3:3

Kaaninkpiib bi ke ichinn i ŋuuni na la; le kaabɔjirb naahn takɔ tiib bi nkon joo bi na, kaan ŋmaa mɔr ke likpabl li dɔ ki ti woln kitaak.

Rom Yaab 1:29

ki gbii titunwanbir aabɔŋ mɔmɔk. Bi gɔr kidagook ki tun baka baka, ki kpa iniman, kaa gee tɔb, ki kpa lipiipoln, ki jaa kijaak, ki ku tɔb, ki ŋmanni tɔb, ki nan tɔb, ki bii tɔb libɔɔl ni,

1 Korenti 6:10

ni binaayukb, ni binimandam, ni bidagbiirb, ni ŋisiibildam, ni binib bi ji biken pempem na, aan kan Uwumbɔr aanaan.

Kolosiya 3:5

Nima pu na, kuln man tiwon aah ban pu na, ki taa gɔr kidagook, ki taa tun tijɔŋ aatuln, ki taa li ban tiwan ni kaa ŋan na, ki taa li kpa iniman. Unii u kpa iniman na aa dii Uwumbɔr, u dii liwankpal la.

Josua 7:21

Tiwan nimɔk ti jenn gaa na ponn ni, m kan Babiloŋ yaab aabɔkul nyaan libaa, ni tikunabr ti aanyunyuun ga pii njikaabim kuruwaa bilee na, ni salmaa u aanyunyuun ga pii njikaabim kuruwaa ubaa na, le nsui gee ni sakpen, le m yoor. M di tikunabr ngbaan le ŋa taab ki di ni mɔmɔk sub maabool ni. Ni ga kan ni nima.”

2 Piita 2:14

Binimbil yaa kan upii kan, bi ban u la, kaan ŋmaa di cha titunwanbir. Bi ŋmanni binib bi kaa nyi Uwumbɔr aasan mbamɔm na ke bi yenn. Bisui bae iniman la. Uwumbɔr aamɔpuur bi bi pu la.

2 Piita 2:3

Bi ga li kpa iniman ki ga ŋmann nimi, ke bi ji nimi. Ni yunn le Uwumbɔr nan puun len ke baabɔr bii. Naan yunn le u ga daa bitafal.

1 Samuel 8:3

Bi mu aa nan tee dii bite aasan. Baalandak nan ye le ke bi kan ŋimombil, kina pu na, bi nan gaal igaŋgaŋlik, kaa nan ji tibɔr mbamɔm.