Jeremia 22:11 - Uwumbɔr aagbaŋ

¹¹ Uwumbɔr aah len Josia aajapɔɔn Salum u nan ka ute aajal pu ki ye Juda aabɔr na aabɔr ti na sɔ, “U nyan do, kaan ki gir ni daalbaadaal.

Jeremia 22:11 ပူးပေါင်းရင်းမြစ်များ

2 Bibɔrb 23:29

N‑yoonn mu Josia nan ye ubɔr na, le Ijipt aatiŋ aabɔr Neko nan di waajab buen Yufrates Aamɔɔl chee ke u ti ter Asiria aatiŋ aabɔrkpaan. Ubɔr Josia nan pɔɔn ubaa ke u kiir Ijipt aajab ngbaan Megido aatiŋ ni, le bi ku u butɔb ni, nima chee.

2 Bibɔrb 23:30

Waaninkpiib nan di u ŋa itaan aatɔroku ni, le ki di u giin buen Jerusalem aatiŋ ni, le ki ti di u sub nnaan aacheek ni. Juda aanib nan nyan Josia aajapɔɔn Joahas le ki kaan u nnaan.

2 Bibɔrb 23:31

Joahas nan ye ŋibin moninko ni ŋitaa aanii le ki jin Juda aanaan ki bi Jerusalem aatiŋ ponn ni, ki joo waanib ki ti saa iŋmal itaa. Una le nan ye Libna aatiŋ aanii Jeremia aabisal Hamutal.

2 Bibɔrb 23:34

Ubɔr Neko nan di Joahas aakpel Eliakim le kaan Juda aanaan, le ki kpeln waayimbil ke Jehoyakim. Ubɔr Neko nan di Joahas buen Ijipt aatiŋ ni, le u ti kpo nima chee.

1 Bibɔrb Aabɔr 3:15

Josia nan ma mbijabim munaa la; Johanann, ni Jehoyakim, ni Sedekia, ni Joahas.

2 Bibɔrb Aabɔr 28:12

Israel yaab aasalolm binaa bibaa, bi ye Efraim aanibol aanib na, Jehohanann aajapɔɔn Asaria, ni Mesilemof aajapɔɔn Berekia, ni Salum aajapɔɔn Jehiskia, ni Hadlai aajapɔɔn Amasa mu nan yii butɔb aajab aabimbin ngbaan.

2 Bibɔrb Aabɔr 34:22

Ubɔr aamɔboln ngbaan pu le Hilkia ni biken nan buen upii u bi yin u ke Hulda na chee bi ti baa lik. U nan ye Uwumbɔr aabɔnabpii le ki koo baah laa maa Jerusalem ponn ni ŋidichapɔɔn lipepel li na ni. Uchal le nan ye Tikfa aajapɔɔn Salum. Salum aayaaja le nan ye Harhas. Uchal ngbaan le nan ye Uwumbɔr Aadichal ponn ni aawanpeenkaan aaninkpel. Bi nan ŋeer tuk upii ngbaan tiwan ni ŋa na,

Jeremia 22:27

Ni ga li neen ke ni ki kan kitiŋ kee, le ki mu aan ki gir ni ki pu.”

Sefania 1:1

Uwumbɔr aah nan di waabɔr ti tuk Sefania, buyoonn Amonn aajapɔɔn Josia nan ye Juda aabɔr na sɔ. Sefania nan ye Kusi aajapɔɔn la. Le Kusi mu aate nan ye Gedalia, u mu aate nan ye Amaria na, le Amaria mu aate nan ye ubɔr Hesekia.