Jeremia 21:9 - Uwumbɔr aagbaŋ

⁹ Unii umɔk gaar kitiŋ ngbaan ni na ga kpo butɔb, ni nkon, ni iween ni. Le uma nyan ki ti di ubaa tii Babiloŋ aanib bi bi tak kitiŋ ngbaan na kan, waan kpo, u ga ŋmar.

Jeremia 21:9 ပူးပေါင်းရင်းမြစ်များ

Jeremia 14:12

Hali bi yaa lul bumɔb kan, maan pel baaterm aawiil; le bi yaa toor kitork ki see ki mmii ni tii mi, ki tii mi njikaabim aapiin kan, nsui aan piir bi pu. Maah ga ŋa pu na le ye ke m ku bi butɔb, ni nkon, ni iween ni.”

Jeremia 21:7

Sin ma kan, aa ni saaninkpiib, ni binib bi ŋmar butɔb, ni nkon, ni iween ngbaan ni na, m ga cha Ubɔr Nebukadnesar, ni nimi aadim bi ban bi ku nimi na chur nimi. Nebukadnesar ga ti ku nimi. Waan di cha ni ponn ni ubaa, kaan san ubaa kinimbaak. Min Uwumbɔr le len kina.”

Jeremia 24:10

M ga cha butɔb, ni nkon, ni iween dan bi pu ki ti saa n‑yoonn mu bi ponn ni ubaa aan gur kitiŋ ki m di tii bi ni biyaajatiib na pu na.”

Jeremia 27:11

Tɔ, litimbol li kii tii Babiloŋ aabɔr ki tun tii u na ma kan, m ga cha li li bi laatiŋ pu, ki li koo nima ki ko. Min Uwumbɔr le len kina.”

Jeremia 27:12

M nan bui Juda Aabɔr Sedekia tibɔchachaan ngbaan la, “Kii tii Babiloŋ aabɔr. Li tun tii u ni waanib, ki li kpa limɔfal.

Jeremia 27:13

Ba ŋa aa ban aa ni saanib kpo butɔb, ni nkon, ni iween aakun? Kina le Uwumbɔr len ke litimbol li kaa kii tii Babiloŋ aabɔr na ga kan.

Jeremia 38:2

ke Uwumbɔr bui ke, “Unii umɔk beenin koo kitiŋ ngbaan ni na, ga kpo butɔb, ni nkon, ni iween aakun la. Le uma di ubaa ti tii Babiloŋ aajab na aan kpo; u ga minn nkun.”

Jeremia 38:3

M nan ki bi tuk binib ngbaan ke Uwumbɔr bui ke, “M ga di kitiŋ kimina tii Babiloŋ aajab, le bi ga nyaŋ ki.”

Jeremia 39:18

M ga li kii si, le baan ku si. Saah kii tii mi pu na le ga cha aa ŋmar. Min Uwumbɔr le len kina.”

Jeremia 45:5

Aa bi ban ke m ŋa si tiwankpaan la aa? Taa ban kina. M ban m cha tibɔbir dan unibɔn mɔmɔk pu la, le aa ma ga ŋmar nin chee mɔk aa ga li bi na. Min Uwumbɔr le len kina.”

Esekiel 5:12

Nimi aanib ŋiker ŋitaa ponn ni aaker libaa ga kpo iween, ni nkon aakun kitiŋ ngbaan ponn ni; le liker liken ga bee kijaak aajuk aakun ni, kitiŋ ngbaan aagbaan; le m ga di litatar na yaa tii libuln, ki di maajaak aajuk paan bi pu.