Jeremia 21:14 - Uwumbɔr aagbaŋ

¹⁴ M ga daa nitafal naah tun pu na pu. M ga see nimi aabɔrchiln mmii, le mmii ngbaan ga wu tiwan ni mɔmɔk duun li na. Min Uwumbɔr le len kina.”

Jeremia 21:14 ပူးပေါင်းရင်းမြစ်များ

2 Bibɔrb Aabɔr 36:19

U nan see Uwumbɔr Aadichal, ni kitiŋ ngbaan lii; u nan see kaabɔrdichal mɔmɔk ni laawangol lii, le ki gbaa wiil kitiŋ ngbaan aagon.

Ŋiyataŋak 1:31

Kina pu le ni ga kan naah ban pu na, le nimi nibaa aabimbin ga cha ni buŋ.

Ŋiyataŋak 12:14

Saamɔliin ni saatuln le ga tii si saapar, nima le ga tii si tiwan ni ŋeer si na.

Aisaya 10:12

Uwumbɔr nan ki bui ke, “M yaa doo maah bi tun lituln li Sionn Aajool pu ni Jerusalem ni na kan, m ga daa Asiria aabɔrkpaan ngbaan aatafal, waah puk tipupuur timɔk na, ni waamakl ngbaan pu.”

Aisaya 10:16

Uwumbɔr Mpɔɔnsakpiindaan ga di iween di daa binib bi mɔmɔk ji n‑yaan ni nkpan dandana wee na aatafal. Mmii le ga li wu biponn ni, kaan junn.

Aisaya 24:21

N‑yoonn choo, le Uwumbɔr ga daa ipɔɔn i bi paacham na, ni bibɔrkpaam bi bi taab na aatafal.

Aisaya 37:24

Aa tun ni saanaagbiib ke bi nan puk kipupuk m chee, ke aa di saataan aatɔroku tiib ki nyaŋ Lebanonn aajoo ŋi fɔk na aanib, le ki gaa santina aasui i fɔk na, ni isui i ŋan na mɔmɔk lii kitiŋ, ki koo tichoor ponn ni pam.

Jeremia 11:16

N‑yoonn mubaa m nan yin bi ke olif aasub bu kpa tifar mbamɔm ki lu ŋisubil ŋi ŋan na la; tɔ, dandana ma kan, mmii ga dam ke utaal aah gbenni pu na, le mu wun tifar ngbaan, ki kool ibon lii kitiŋ.

Jeremia 11:22

Le Uwumbɔr Mpɔɔnsakpiindaan bui ke, “M ga daa bitafal. Baanachipɔm ga kpoi butɔb ni, le nkon mu ku baabim.

Jeremia 17:10

Min Uwumbɔr le lik unii aalandak ni le ki tɔŋni binib aasui lik. M ŋani unii mɔmɔk, waabimbin aah bi pu na la, ni udaan aah tun pu na.”

Jeremia 17:27

See bi kii maamɔb, ki joo Likpaakool daal ke mu ye nwinyaan daal. Bi taa tu lituln libaa ki di dii Jerusalem aabisamɔi nwiin ngbaan daal; bi yaa ŋa kina kan, m ga see Jerusalem aabisamɔi mmii. Le mmii wu Jerusalem aabɔrchiln, le ubaa aan ŋmaa junn mu.”

Jeremia 22:1

Uwumbɔr nan bui mi ke m buen Juda aabɔr, u ye Ubɔr David aayaabil na aabɔrdichal ni, ki ti tuk ubɔr ngbaan, ni waaninkpiib, ni Jerusalem aanib ke bi li pel Uwumbɔr aah len pu na ke,

Jeremia 22:7

M ban m tun ni bijab aan bi nan kuln li. Bi mɔmɔk ga joo ni baachɔm, ki nan gaa geei laagonyaan ŋi bi di santina aadɔ ŋa ŋi na lii, ki di i mee ŋa mmii ni.

Jeremia 32:19

Aa dak ilandak nyaan ki tun ŋitukpaan; aa kani binib aah ŋani tiwan ni mɔmɔk na, le ki pa bi baatun aah ŋeer pu na.

Jeremia 46:23

ki bii kichook ki kpa isui sakpen na. Saan ŋmaa kahn baajab; baajab wiir jer itoon.

Jeremia 50:32

Saatimbol li kpa kigaak na ga gbeer ki lir, le ubaa aan ter si aa ki fii sil. M ga see saatim mmii, le tiwan nimɔk bi duun mu na ga bii doo.”

Jeremia 52:13

U nan see Uwumbɔr Aadichal, ni libɔrdichal, ni binikpaam bi mɔmɔk bi Jerusalem na aadichal lii;

Jeremia 6:19

Kitiŋ, li pel. Maanib aabeebee aatuln pu le m ban m joo ni libiil nan lii bi pu, ba pu? bi yii maamɔkm kaa tii maabɔr naadii.

Jeremia 6:29

Nchaamii gaal sakpen, le tikur ti kaa ŋan na aa ŋmaa donni ki puu buen. Unii yaa ki bi toor maanib kan, ni ye fam la; ba pu? titunwanbirdam na aa nyan bi ni.

Jeremia 9:25

Uwumbɔr nan ki bui ke, “N‑yoonn choo, le m ga nan daa Ijipt, ni Juda, ni Edom, ni Amonn, ni Moab, ni nteersakpiin ni aanib bi chee biyigbeer pu aayikpir na aatafal. Ba pu? Bi kaa ye Juda aanib binib bimina ponn ni na gii ŋichakpan, le kaa dii mi. Juda aanib ma kan, bi gii ŋichakpan, kaa tee joo lichakpangeei aakaal aah mɔk pu na.”

Inandalahn 2:3

Waaŋuul ponn ni, le u kuln Israel aajab aapɔɔn. Timi aadim aah nan fuu ni na, u nan yii, kaa ter timi. U nan fii sil ti pu ke mmii na, le ki kuln tiwan mɔmɔk.

Esekiel 21:3

ke min Uwumbɔr len ke: M ye saadin la. M ga fuur maajaak aajuk ki ku ni mɔmɔk, bi ŋan na ni bi kaa ŋan na mɔmɔk.

Maika 7:13

Tɔ, kitiŋ kee tee ga kpaln nteer ŋmeen, binib bi bi ki pu na aatunwanbir pu.

Sekaria 11:1

Lebanonn aatiŋ, chuu piir saajaaleŋ tiib, aan mmii wu saasantina aasui.