Jeremia 21:13 - Uwumbɔr aagbaŋ

¹³ Nimi Jerusalem yaab ka ŋibɔrjal paab, le tifatann bi ni taab, le ni bi ke litakpal li ŋub kitiŋ ki dɔ taar na aah bi pu na. Le m ga jan nimi kijaak. Ni bui ke ubaa aan ŋmaa tak nimi, kaan ŋmaa bɔ nimi aajab ni ki jer.

Jeremia 21:13 ပူးပေါင်းရင်းမြစ်များ

Ilahn 125:2

Ŋijoo aah mann goln Jerusalem aatiŋ pu na, kina le Uwumbɔr mu mann goln waanib n‑yoonn mue, ni n‑yoonn mu kaa kpa ndoon na.

Nnyam 13:20

Israel yaab nan nyan Sukof le ki sil Etam aapepel, nteersakpiin aagbaan.

Nnyam 13:8

Ni yaa piin Lakr‑jer aajim ngbaan kan, ni kpiir tuk nimi aabijabim ke ti ŋani kina ki teer Uwumbɔr aah nan ŋa pu tii timi, buyoonn ti nan nyan Ijipt aatiŋ ni na la.

Aisaya 22:1

Tibɔr timina ye kifataŋ ki ponn ni Uwumbɔr kpiir tiwan mɔk waanib na aabɔr la. Ni ye ba bi ŋani? Ba ŋa binib ngbaan mɔmɔk bi ji njim baadichal aapaacham.

Jeremia 17:3

ni ŋijoo paab, ikpaakon ni. M ga cha nimi aadim nan yoor nimi aawangol ni nimi aawankpal buen, naah tun titunwanbir ti kitiŋ kee mɔmɔk pu na pu.

Jeremia 21:5

M ga di maapɔɔn mɔmɔk, ni maaŋuusakpeln na mɔmɔk jan si kijaak.

Jeremia 49:16

Saagaak le ŋmann si. Ubaa aa san si ke saah dak ke bi san si pu na. Aa bi ŋijootakpal paab la, ki bi ŋijoo aapaachapaacham; tɔ, aa koo paachapaacham ke likaagiil na la, Uwumbɔr mu tee ga sunn si taab. Uwumbɔr le len kina.”

Jeremia 50:31

“Babiloŋ, aa kpa kigaak sakpen a, kina pu le min, Dindaan Uwumbɔr Mpɔɔnsakpiindaan nyan sil aa pu. N‑yoonn fuu ni ke m daa aatafal.

Jeremia 51:25

Babiloŋ, aa naahn lijool li bii dulnyaa wee mɔmɔk na la, le min Uwumbɔr le ye saadin. M ga chuu si, ki ber si bil kitiŋ, ki cha aa kpaln nfatan.

Jeremia 7:4

Taa ki len n‑yoonn mɔmɔk ‘Uwumbɔr Aadichal sɔ, Uwumbɔr Aadichal sɔ, nima pu le ti kpa ŋŋmarm.’ Ni ŋmanni nibaa la. Uwumbɔr Aadichal aan nya nimi ntafadaan ni.

Inandalahn 4:12

Ubaa aa nan bi nibaa chee, hali ntiyayam aayidam aa nan dak ke udin ga ŋmaa dii Jerusalem aabisamɔi ki koo ki ponn ni.

Esekiel 13:8

Kina pu na, Bidindaan Uwumbɔr bui bi ke, “Nimi aamɔbon aa gbii, le tibɔkpiirkaan na mu ye inyamɔn. M nyan sil ni pu la.

Esekiel 21:3

ke min Uwumbɔr len ke: M ye saadin la. M ga fuur maajaak aajuk ki ku ni mɔmɔk, bi ŋan na ni bi kaa ŋan na mɔmɔk.

Esekiel 34:10

Min Nidindaan Uwumbɔr le len ke m ye nimi aadin la. M ga gaa maapiih ni chee, kaan ki cha ni li ye yaapihkpaab daalbaadaal; maan ki cha nitafal li bi nibaa ni daalbaadaal. M ga gaa maapiih ni chee lii, kaan cha ni ŋmɔ i.

Esekiel 5:8

Kina pu na, min Aadindaan Uwumbɔr le len ke aa ye maadin la. M ga ji si tibɔr nin chee ŋitimbol mɔmɔk ga kan si na.

Maika 3:11

Igaŋgaŋlik pu le kitiŋ ngbaan aajojoob joo ki, le bitotoorb tuk binib Uwumbɔr Aakaal ki gaal tipar, le bibɔnabr mu kpiir Uwumbɔr aah len pu na ŋimombil pu, le bi mɔmɔk len ke Uwumbɔr bi ti chee. Bi len le ke, “Tibɔbir tibaa aan dan ti chee. Uwumbɔr bi ti chee.”

Nahum 2:13

Uwumbɔr Mpɔɔnsakpiindaan bui ke, “Saadin ye min la. M ga see saataan aatɔroku tiib mmii. Bi ga ku saajab butɔb ni la, le m ga yoor saah nan gaa tiwan ni biken chee na ki di buen. Ubaa aan ki ŋun saah nan kpa mpɔɔn mu dulnyaa wee ni na pu.”