Jeremia 21:10 - Uwumbɔr aagbaŋ

¹⁰ M siin ke maan cha kitiŋ kee ŋmar, m siin ke m kuln ki la. M ga di ki tii Babiloŋ yaab aabɔr le u see ki mmii. Min Uwumbɔr le len kina.”

Jeremia 21:10 ပူးပေါင်းရင်းမြစ်များ

2 Bibɔrb Aabɔr 36:19

U nan see Uwumbɔr Aadichal, ni kitiŋ ngbaan lii; u nan see kaabɔrdichal mɔmɔk ni laawangol lii, le ki gbaa wiil kitiŋ ngbaan aagon.

Ilahn 34:16

ki yiil binib bi tun titunwanbir na, le bi yaa kpo kan, bi suln bibɔr mala.

Jeremia 17:27

See bi kii maamɔb, ki joo Likpaakool daal ke mu ye nwinyaan daal. Bi taa tu lituln libaa ki di dii Jerusalem aabisamɔi nwiin ngbaan daal; bi yaa ŋa kina kan, m ga see Jerusalem aabisamɔi mmii. Le mmii wu Jerusalem aabɔrchiln, le ubaa aan ŋmaa junn mu.”

Jeremia 26:6

Ni yaa beenin yiil kan, m ga bii Maadichal lee ke maah nan bii Silo aatiŋ pu na, le dulnyaa wee aatimbol mɔmɔk ga li joo Jerusalem aayimbil puuni lir biken pu.”

Jeremia 34:2

Uwumbɔr u ye Israel yaab Aawumbɔr na, nan bui mi ke m ti tuk Juda Aabɔr Sedekia ke, “Min Uwumbɔr ga di kitiŋ kimina tii Babiloŋ aabɔr, le u see ki mmii.

Jeremia 34:22

M ga lii bi bumɔb le bi ki gir ni kitiŋ kee pu. Bi ga tak ki, ki nyaŋ ki, le ki see ki mmii. M ga ŋa Juda aatim ke nteersakpiin mu pu ubaa aa koo na la. Min Uwumbɔr le len kina.”

Jeremia 38:17

Le m bui Sedekia ke Uwumbɔr Mpɔɔnsakpiindaan, u ye Israel yaab Aawumbɔr na len ke, “Aa yaa ti di aabaa tii Babiloŋ aabɔr aajab aaninkpiib kan, saan kpo, kitiŋ kee mu aan wu mmii. Aa ni saadichal mɔmɔk ga ŋmar.

Jeremia 38:18

Tɔ, aa yaa yii kaa ti di aabaa tii bi kan, Uwumbɔr ga cha Babiloŋ yaab gaa kitiŋ kimina, ki see ki mmii, le saan ŋmaa ŋmar bi chee.”

Jeremia 38:23

Le m ki len ke, “Saapiib, ni saabim mɔmɔk ga koo Babiloŋ yaab aaŋaal ni, le sin aabaa aan ŋmar bi chee. Babiloŋ aabɔr ga chuu si tinaagbiir, le kitiŋ kimina ga wu mmii pel pel.”

Jeremia 38:3

M nan ki bi tuk binib ngbaan ke Uwumbɔr bui ke, “M ga di kitiŋ kimina tii Babiloŋ aajab, le bi ga nyaŋ ki.”

Jeremia 39:16

ke m tuk Ebed Melek, u ye Kus aanii na ke Uwumbɔr Mpɔɔnsakpiindaan, u ye Israel yaab Aawumbɔr na len ke, “Maah nan len ke m ga ŋa pu na, m ban m joo ni kitiŋ kimina libiil la, naan li ye nkam. Nimina yaa nan ŋa kan, aa ga li bi nima ki kan ni,

Jeremia 39:8

N‑yoonn mue na, Babiloŋ yaab ngbaan nan see libɔrdichal, ni binib aadichal mu lii, ki tur Jerusalem aagon lir.

Jeremia 44:11

“Kina pu na, min Uwumbɔr Mpɔɔnsakpiindaan, u ye Israel yaab Aawumbɔr na, ga fenn lir ni pu ki kuln Juda aatiŋ mɔmɔk.

Jeremia 44:27

Maan ki cha ni ponn ni ubaa kan nkam, le ki tee kuln nimi. Ni mɔmɔk ga kpoi, ni ga kpoi butɔb ni, ni iween ni, ki ti saa n‑yoonn mu ubaa aan gur na.

Jeremia 52:13

U nan see Uwumbɔr Aadichal, ni libɔrdichal, ni binikpaam bi mɔmɔk bi Jerusalem na aadichal lii;

Esekiel 15:7

ki daa bitafal. Bi nyan mmii mubaa ni, le mmii ga wu bi dandana wee. M yaa daa bitafal kan, aa ga bee ke min le ye Uwumbɔr.

Esekiel 24:11

Di tikumann aakumbukuun ngbaan chɔŋ ŋimiisakɔn pu, ki cha li ti mann gban gban. Nima kan, laah daŋ pu na yaa ti pɔkr lir kan, li ga ki ŋa chain,

Liifai Yaab 17:10

Israel aanii ubaa, bee biwɔwɔm bi koo ni chee na ponn ni ubaa yaa ŋman tinann ti nsin beenin bi ti ponn ni na kan, Uwumbɔr ga daa utafal, udaan ngbaan aan ki li ye Uwumbɔr aanib ponn ni ubaa.

Liifai Yaab 26:17

M ga fenn ki cha nimi, nima kan, binib bi nan nimi na ga nyaŋ nimi ki li joo nimi, le ijawaan ga chuu nimi sakpen; ubaa aan li san dii nimi, le ni san.

Amos 2:5

Kina pu na, m ga cha mmii wu Juda ki wu Jerusalem yaab aah maa ŋidichal ŋi fɔk ki pɔɔ kiir bibaa na mɔmɔk.”

Amos 9:4

Baadim yaa chuu bi kunn bido kan, m ga cha bi ku bi. M ban m kuln bi la, maa ban m ter bi.”

Sekaria 1:6

M nan cha maatutum bi ye bibɔnabr na tii niyaajatiib ikaal ni nsurm, le bi yii i, le ki jin falaa i pu. Le bi bee ke bi tun taani, ki bee ke min, Uwumbɔr Mpɔɔnsakpiindaan le daa bitafal ke maah nan puu ke m ga ŋa pu na, ki ŋeer baah tun pu na.’”