Jeremia 20:8 - Uwumbɔr aagbaŋ

⁸ M yaa ban m len tibɔr n‑yoonn mɔmɔk kan, m tar ke, “Kijaak, libiil.” Uwumbɔr, maah joo saabɔr mooni na pu, le bi lik mi fam, ki ŋani mi mbɔnyun.

Jeremia 20:8 ပူးပေါင်းရင်းမြစ်များ

2 Bibɔrb 2:23

Elaisa nan nyan Jeriko ki cha Betel, le nsan ni, mbijabim bibaa ti nyan ni kitiŋ kibaa ni ki nan ŋani u mbɔnyun. Bi nan tar ke, “Li cha paacham, uyikundaan.”

2 Bibɔrb Aabɔr 36:16

Tɔ, binib ngbaan nan ŋani Uwumbɔr aatuun ngbaan mbɔnyun, kaa gar waamɔboln, ki laa waabɔnabr ngbaan, ki ti saa n‑yoonn mu Uwumbɔr aaŋuul fii waanib pu ki ti nyaŋ, aan baa ki ŋmaa kan ŋŋmarm na.

Aisaya 57:4

Ŋma aan ni ŋani u yaansara? Ŋma aan nimi binyamɔndam yuul?

Jeremia 15:10

M ye unii u kaa kpa mpopiin na la. Nna nan ma mi lii ni dulnyaa wee ni ke m nan ŋa ba? M ni binib mɔmɔk kpak le ki jaa kitiŋ kee pu. Maa pinn ubaa limombil, ubaa mu aa pinn m chee limombil, le unii mɔmɔk mu puuni lir m pu la.

Jeremia 15:15

Le m bui ke, “Uwumbɔr, aa nyi maah bi pu na. Teer mbɔr ki ter mi. Teen binib bi muk mi ki ban bi ku mi na. Taa li san bi kinimbaak ki cha bi kan nsan ki ku mi. Li nyi ke sin pu le bi seei mi.

Jeremia 17:27

See bi kii maamɔb, ki joo Likpaakool daal ke mu ye nwinyaan daal. Bi taa tu lituln libaa ki di dii Jerusalem aabisamɔi nwiin ngbaan daal; bi yaa ŋa kina kan, m ga see Jerusalem aabisamɔi mmii. Le mmii wu Jerusalem aabɔrchiln, le ubaa aan ŋmaa junn mu.”

Jeremia 20:7

Uwumbɔr, aa ŋmann mi la, ki nan sil ŋmann mi. Aa pɔɔ ki jer mi, le ki nyaŋ mi. Unii mɔmɔk laa mi la, bi ŋani mi yaansara le nwiin ti lir.

Jeremia 28:8

Uwumbɔr aabɔnabr bi nan puen len tibɔr n‑yaajayoonn, waahr aan m ni sin nin fuu ni na, nan len ke butɔb, ni nkon, ni iween ga dan ŋitimbol ni bibɔrkpaam pam pu.

Jeremia 5:1

Jerusalem aanib, san dii nimi aatiŋ ponn ni man. Lik lik man. Cha nimi nibaa aanimbil kan. Lik lik kinyaŋ ponn ni man. Ni ŋmaa kan unii ubaa aan u tun ni ŋan na ki pɔɔni ubaa ke u kii Uwumbɔr aamɔb aa? Ni yaa ga kan kina aanii kan, Uwumbɔr ga di cha Jerusalem yaab aatunwanbir pinn bi.

Jeremia 5:6

Nima pu le ichinn ga nya ni kichook ni ki nan ku bi; le takɔ mam ga nya ni nteersakpiin ni ki nan daa par par bi, le inaamuun ga li chuun tee mban baatim ponn ni. Binib ngbaan yaa nyan lipaal kan, i ga daa par par bi; ba pu? baatunwanbir wiir sakpen a, le bi fenn bipuwɔb tii Uwumbɔr n‑yoonn mɔmɔk.

Jeremia 6:10

Le m gar ke, “Ŋma ga pel m chee buyoonn m bi len bi chee tibɔr ki sur bi na? Bi kpa tafalaaŋun, kaan pel saabɔr ti m joo nabr bi na; bi laa saabɔr la.

Jeremia 7:9

Ni su kinaayuk, ki ku binib, ki gɔr kidagook, ki mɔni inyamɔn tipuur pu, ki toor kitork tii liwaal Baal, le ki dooni ŋiwaa ŋi naa nan nyi daalbaadaal na.

Habakuk 1:3

Ba ŋa aa cha m kani tibɔbir timina aaboln? Ni ga ŋa kinye aan aa li ka lik titunwanbir ki ŋmin? Mbiin ni mbimbin mu pɔɔ na le mann goln mi na, le kijaak ni kinikpakpak bi ni kookoo.

Tibɔnyaan ti Luk ŋmee ti na 11:45

Le Uwumbɔr aakaal aamɔmɔkr ubaa bui u, “Umɔmɔkr, saah len kina na, aa sii ti mu la.”

Hiibru Yaab 11:26

U nan bee ke u yaa kan ŋisiibil Kristo pu kan, u ga nan kan tinyoor ti jer Ijipt aatiŋ aawankpal mɔmɔk na. Ba pu? utafal nan bi tinyoor ti Uwumbɔr ga tii u na ni la.

Hiibru Yaab 13:13

Nima pu na, ti li cha u chee n‑gbaan nima, ki dii waasan, ki yakr u chee waanimɔɔn.

1 Piita 4:14

Bi yaa sii nimi Kristo aayimbil pu kan, Uwumbɔr aanyoor bi ni pu la; ba pu? Uwumbɔr Aafuur Nyaan mu ŋan sakpen na bi ni ni. [Bima le seei Kristo, le nima pak u.]