Jeremia 20:5 - Uwumbɔr aagbaŋ

⁵ M ga ki cha baadim nan gaa kitiŋ kee aawangol mɔmɔk mpɔɔn, ki gaa kaawan mɔmɔk, ni ikpaakon, hali ki gaa Juda aabɔrb aawangol, ki di ni mɔmɔk buen Babiloŋ aatiŋ ni.

Jeremia 20:5 ပူးပေါင်းရင်းမြစ်များ

2 Bibɔrb Aabɔr 36:10

Unaalan yoonn, le Ubɔr Nebukadnesar nan chuu Jehoyachinn tinaagbiir di buen Babiloŋ aatiŋ ni, le ki yoor Uwumbɔr Aadichal ni aawangol mu buen. Nebukadnesar nan di Jehoyachinn aatewaa Sedekia kaan Juda aanaan, Jerusalem ponn ni.

Aisaya 39:6

‘N‑yoonn choo le tiwan nimɔk bi saabɔrchiln ni na, ni tiwan nimɔk aayaajatiib nan di bil ki nan saa din na mɔmɔk ga buen Babiloŋ aatiŋ ni. Nibaa aan gur.

Jeremia 12:12

Bijab nyan ni nteersakpiin aatim ni le ki nan jenn gaa maanib aawan. M tun ni butɔb le ke bu nan bii doo kitiŋ ngbaan mɔmɔk; ubaa aan kan lifuur nima.

Jeremia 15:13

“M ga cha maanib aadim dan ki nan gaa baawangol, ni baawan, aan ki daa bitafal, titunwanbir ti bi tun kitiŋ kee mɔmɔk pu na pu.

Jeremia 17:3

ni ŋijoo paab, ikpaakon ni. M ga cha nimi aadim nan yoor nimi aawangol ni nimi aawankpal buen, naah tun titunwanbir ti kitiŋ kee mɔmɔk pu na pu.

Jeremia 3:24

Le inimɔɔn aawaal Baal na aadoon pu cha ti lann ipiih, ni inaa, ni japɔtiib, ni bisatiib, ni tiwan nimɔk tiyaajatiib nan tun ki kan n‑yaajayoonn na.

Jeremia 32:24

“Babiloŋ yaab maa ŋikɔl ŋikɔl kitiŋ kimina aagon aataab ke bi nyaŋ ki, le ki bi tak ki. Butɔb, ni nkon, ni iween ga cha bi nyaŋ kitiŋ kimina. Sin aabaa kan ke saah nan len pu na mɔmɔk gbiin a.

Jeremia 39:2

Sedekia aanaan aabin kipiik ni libaa aaŋmanaa aawiin iwae daal, le bi nan wii kitiŋ ngbaan aagon ki koo ki ponn ni.

Jeremia 39:8

N‑yoonn mue na, Babiloŋ yaab ngbaan nan see libɔrdichal, ni binib aadichal mu lii, ki tur Jerusalem aagon lir.

Jeremia 4:20

Libiil libaa dii liken la; kitiŋ ngbaan mɔmɔk ber doo a. Libuul ni le bi bii timi aadir doo; le ki gbaa wiil ti mɔmɔk.

Inandalahn 1:10

Kaadim nan sun kaawangol mɔmɔk; kaanib nan kan baah koo Uwumbɔr Aadichal ponn ni pu na. Uwumbɔr aa tii nsan ke binib bi kaa ye Israel yaab na koo nima chee.

Inandalahn 1:7

Jerusalem aatiŋ teer kaayaayoonn na aanyaan bɔr, le ki gur ber ki dɔ suuna. Kaah nan lir kaadim aaŋaal ni na, ubaa aa nan bi ki ter ki. Le binib bi nan nyaŋ ki na laa, kaah nan lir pu na.

Inandalahn 4:12

Ubaa aa nan bi nibaa chee, hali ntiyayam aayidam aa nan dak ke udin ga ŋmaa dii Jerusalem aabisamɔi ki koo ki ponn ni.

Esekiel 22:25

Kaasalolm bi ke ichinn na la, le ki ŋuuni yaah ku tinann ti na pu. Bi ku binib, le ki yoor ŋimombil ni liwangol li bi kan na, le baanikul ngbaan pu bikpopiib pam bi.

Daniel 1:2

Uwumbɔr nan cha u nyaŋ Ubɔrkpaan Jehoyakim ki chuu u ki gaa Uwumbɔr Aadichal aawangol libaa ki di bi buen waawaa aadiik, Babiloŋ aatiŋ ni, ki di Uwumbɔr Aadichal aawan ngbaan di bil waawaa aawangol aadiik ni.

Hosea 13:15

Israel pɔr ke timoor na la, le m tee ga cha libuln li ton ki nyan ni liwipuul wɔb nteersakpiin ni na dan ki nan foor baayayak aanyunbun, ni ŋibun. Li ga yoor tiwanbankaan mɔmɔk buen.