Jeremia 20:18 - Uwumbɔr aagbaŋ

¹⁸ Bi nan ma mi ke m nan ŋa ba? Bi nan ma mi ke m nan li bi tibɔr, ni kinimbaak ŋmeen ni, le ki ti kpo nnimɔɔnkun aa?

Jeremia 20:18 ပူးပေါင်းရင်းမြစ်များ

1 Bibɔrb 19:4

le ki di nwimɔn chuun buen nteersakpiin ni. U nan ti sil nibaa chee le ki kal busub bubaa aaboon ni, ki ba neen ke u tee kpo. U nan mee limeel ke, “Uwumbɔr, nimina nyaŋ mi a. Gaa maawiin; m ba kpo kan, ni ŋan.”

Job Aagbaŋ 14:1

Bi ma ti mɔmɔk, ti ye tiwonkpir le kaa kpa uteter. Ti mɔmɔk bi tibɔbir, ni kimɔfageŋ baan ni la.

Job Aagbaŋ 14:13

M ba ga li gee ke aa di mi bɔr bitekpiib do la; cha m li bɔr aan saaŋuul ti sɔŋ waahr, aan ki nin siin n‑yoonn mu aa ga teer mbɔr na.

Job Aagbaŋ 3:20

Ba ŋa unii kpa limɔfal ki bi kinimbaak ni? Ba ŋa binib bi bi mpombiin ni na kpa nwiihn?

Job Aagbaŋ 5:7

Unibɔn le joo tibɔbir ubaa pu ke mmii aah pool pu na.

Ilahn 102:3

Maamɔfal bi wɔŋni ke iŋmanyuu na la; nwon bi wu ke mmii na la.

Ilahn 69:19

Aa nyi baah seei mi pu na, ki nyi baah jinni mi inimɔɔn ki bii mi pu na, aa nyi maadim mɔmɔk.

Aisaya 1:6

Nimi aawon mɔmɔk buŋ la. Nimi aawon mɔmɔk ye ibuun ŋmeen ke ubusoondaan na la, le naa char i, kaa di nkpan mubaa di meen i, kaa di nibaa poo biin i pu.

Aisaya 51:7

Li pel man, nimi bi nyi tiwan ni ye mbamɔn na, binib bi di maamɔkm ŋa bisui ni na, li pel man. Binib yaa ŋani nimi mbɔnyun ki seei nimi kan, ni taa san ijawaan;

Jeremia 15:10

M ye unii u kaa kpa mpopiin na la. Nna nan ma mi lii ni dulnyaa wee ni ke m nan ŋa ba? M ni binib mɔmɔk kpak le ki jaa kitiŋ kee pu. Maa pinn ubaa limombil, ubaa mu aa pinn m chee limombil, le unii mɔmɔk mu puuni lir m pu la.

Jeremia 15:18

Maan li ŋmaa bi ji falaa kina ki cha. Ba ŋa maabuun aa ŋmaa yann? Ba ŋa yaa ŋmaa yann? Aa ban ke aa jinn mi inimɔɔn ke nkpen mu foor kitakuuk na la aa?”

Jeremia 3:25

Ti ga doon kitiŋ le ki cha timi aanimɔɔn biin ti pu. Timi ni tiyaajatiib tun Tidindaan Uwumbɔr titunwanbir le n‑yoonn mɔmɔk; taa kii waamɔb daalbaadaal.”

Jeremia 8:18

Maapombiin aan ŋmaa sɔŋ; nsui bii sakpen a.

Inandalahn 1:12

Unii umɔk jer na kan, ki wii le ki len ke, “Lik maah bi pu na. Ubaa aa kee kan iween i aaboln m kan na, Uwumbɔr aaŋuul yoonn le u di kina aaween tii ni mi.

Inandalahn 3:1

M ye unii u nyi Uwumbɔr aatafadaan aah bi pu na la.

Habakuk 1:3

Ba ŋa aa cha m kani tibɔbir timina aaboln? Ni ga ŋa kinye aan aa li ka lik titunwanbir ki ŋmin? Mbiin ni mbimbin mu pɔɔ na le mann goln mi na, le kijaak ni kinikpakpak bi ni kookoo.

Jɔnn 16:20

M tuk nimi mbamɔn la, nimi le ga li kaani ki wii; dulnyaa aanib ma ga li kpa mpopiin. Ni ga li kpa mpombiin; nimi aapombiin ngbaan mu ga nan kpaln mpopiin.

Lituln 5:41

Le Yesu aakpambalb ngbaan siir bi chee, ki nan kpa mpopiin; ba pu? Uwumbɔr pak bi ke bi ye binib bi ga ŋmaa ji inimɔɔn Yesu aayimbil pu na.

2 Timoti 1:12

Nima pu le m ji falaa kiyondiik ni. Ni mu aa kpa mi inimɔɔn. Ba pu? m nyi Yesu u m gaa u ki kii na. Maah di mbaa tii u na, m sil nyi ke u ga ŋmaa li joo mi, ki nan saa waagirndaal.

Hiibru Yaab 10:36

Ni ban ni li kpa limɔr, aan ki ŋa Uwumbɔr aageehn, aan ki kan waah puu tipuur ti na.

Hiibru Yaab 11:36

Bibaa mu aah nan gaa Uwumbɔr ki kii pu na, le binib nan ŋa bi mbɔnyun, ki lue bi ŋinaalab, ki buu bi tikululn, ki laŋ bi kiyondiik ni.

Hiibru Yaab 12:2

Cha ti li lik Yesu chee man. Waapɔɔn pu le ti nan piin ki gaa u ki kii. Waapɔɔn mu pu, le ti ga tii u naadii, ki ti saa ndoon. Mpopiin mu u ga nan kan mu na pu, le u jin falaa ni inimɔɔn ndɔpuinkoo pu, ki lik inimɔɔn ngbaan fam. Dandana wee le u ka Uwumbɔr aabɔrjal aaŋangii wɔb.

Hiibru Yaab 13:13

Nima pu na, ti li cha u chee n‑gbaan nima, ki dii waasan, ki yakr u chee waanimɔɔn.